احببتها بكل چوارحي

الفصل الخامس والعشرون

الفصل الخامس والعشرون(25)من رواية(أحببتها بكل چوارحي)
بقلم/مريم السيد

(ف صباح يوم جديد)
(ف منزل مرام)
كان جاسر جالس ف غرفته وتارك باب غرفته مفتوح وكان يفكر ف أمر السلسله التي اهداها باسل الى مرام فقال بصوت مسموع:انا لازم اقطع الشك باليقين وأسأله
فدخلت مرام قائله بمرح:فعلا انت لازم تقطع الشورت في البسين وتسأله😂😂😂
فأنفجر جاسر ضاحكا وقال:يخربيت كده هتموتيني من الضحك يامجنونه
ضحكت مرام ثم قالت:المهم كنت هتسأل مين وع اي
نظر لها جاسر نظره كفيله بأن تجعلها تصمت الى عام بأكمله فقالت بمزاح:خلاص ياعم انت هتاكلني ولا اي
ضحك جاسر فدخل باسل قائلا:وبعدين ف الخيانه دي...يعني قاعدين من غيري برضو
جاسر:تعالى ياخويا شوف اختك اللي هتقطع الشورت ف البسين😂😂
باسل بضحك:يبقى اكيد قولتلها هقطع الشك باليقين😂😂
جاسر بضحك:دا انت حافظ بقا
باسل:طبعا يابني بقالي حوالي 18 سنه معاها
جاسر:نفسي اعرف هي بتجيب الكلام ده منين
نظرت له مرام وتذكرت عمار عندما كان يقول لها نفسي اعرف انتي بتجيبي الكلام ده منين
وابتسمت بإشتياق فقال باسل وهو يضرب بكف يديه ع يديه الاخرى:لاحول ولا قوة الا بالله..البت اتهبلت وبتضحك مع نفسها
جاسر بضحك:ربنا يعينا عليها
باسل بضحك:اوالله عندك حق ربنا يعينا على ما ابتلانا
انتبهت لهم مرام وقالت:بتقولوا اي
جاسر:دا انتي مش معانا خالص
باسل:اللي واخد عقلك يتهنى بيه
نظر لهم جاسر وقال:دا انتوا متخلفين انتوا الاتنين
مرام:اكيد باسل متخلف اكتر
جاسر:ليه
مرام:اصل انت ماتعرفش مغامراته ف المدرسه
باسل بضحك:يا مرمر ياحبيبتي اللي ساتره ربنا ماتفضحيهوش
ضحكت مرام فقال جاسر:قولي قولي هو بيعمل اي
ظلت مرام وباسل يقصون له مغامرات باسل ف المدرسه😂😂
~~~~~~~~~~~~~~~~
(ف مكان أشبه بالقصر ولكن كل شئ فيه يوحى بأن من يمتلك هذا القصر هو ملك وهو بالفعل الملك)
كان عمار جالس ف هذا القصر الغامض وكان بجانبه شخص ما فقال عمار بهدوء:انت غبي وهتفضل عمرك غبي
الشاب:ليه ياكينج
عمار بتحذير:علشان انا قولتلك ألف مره ماتتزفتش تقولي ياكينج قدام حد لان انت عارف ان الكينج مجهول والكل بيسمع عنه بس وماحدش شافه
الشاب بخوف منه:بس ياياشا هو كان عايز يضرب سيادتك وانا قولتله دا الكينج ياغبي
عمار:يبقى تخرس خالص ومااسمعش صوتك الا وقت ما انا اللي اقولك اتكلم
الشاب:امرك ياباشا
فماذا صار ف الماضي حتى يكره عمار لقب الكينج الذي يطلقونه عليه ويريد ان يكون ف الخفاء لفتره معينه ولكن لا احد يعلم مايدور ف ذهن الكينج(انا حقيقي حبيتشه😹😹)
~~~~~~~~~~~~~~
(ف ڨيلا استيڨان)
كان عمر جالس ف غرفة مكتبه حينما ارسل له احدهم رساله وكان نصّها يقول(عمار بيلعب من وراكم لعبه كبيره اوي وانا بس حبيت اعرفك علشان تدور وتعرف الحقيقه)
نظر عمر بإستغراب لان الراسل ارسل هذه الرساله من رقم غير الرقم الاول(يعني غير الرقم اللي ارسل منه الرساله الاولى) ولكن عمر كان متأكد انه هو نفس ذات الشخص فقام بالإتصال على عمار واخبره بما حدث فقال له عمار:تمام ياعمور اقفل انت دلوقتي
وبالفعل انهى عمر المكالمه مع عمار وهو يفكر ترى من هذا وهل سيكشف شئ مخبئ ام انها خدعه فقط؟؟؟
~~~~~~~~~~~~~~
(ف منزل سالي)
كانت جالسه تتحدث مع مرام عبر الهاتف،فقالت مرام بخجل:والله دكتور عمار وحشنا
ضحكت سالي وقالت:وحشك انتي لوحدك لكن انا ماينفعش يوحشني
مرام بخجل:انا اصلا غلطانه اني قولت افضفض مع واحده ب راس كلبه زيك😹
ضحكت سالي وقالت:خلاص ماتزعليش يامرمورتي
مرام:تعالي اقعدي معايا شويه
سالي:اشطا استنيني بقا
مرام بفرحه:تماموز ياحبي
واغلقت سالي معها وقامت بتبديل ملابسها كي تذهب لصديقتها(الله يرحم ايام الاسدال ياست سالي...كل ده علشان اتخطبت قامت تغير هدومها وحكايه😂😂)
~~~~~~~~~~~~~
(ف منزل فارس)
كانت ملك(اخت فارس من الرضاعه) ترتدي ملابسها كي تذهب لتشتري بعض الاغراض اللازمه لها من الملابس وغيرها فأرتدت چيبه باللون الاسود وقميض باللون الوردي وحذاء باللون الوردي ووشاح بلون الچيبه ونزلت حيث العائله فقال فارس:استني اوصلك
ملك:لا ياحبيبي خليك انا مش هتأخر
فارس:لاء استني
ملك:خلاص بقا هامشي انا ومره تانيه ابقى وصلني
فارس بقلة حيله من هذه العنيده فقال: تمام بس خلي بالك من نفسك
ملك بضحك:ياعم انا اه عايشه ف كندا بس حافظه مصر شارع شارع
ضحك فارس قائلا:ماشي يالمضه
وبالفعل ذهبت ملك ولكن وهي في منتصف الطريق اصتدمت بشخص ما فقالت بخجل:انا اسفه انا....
وابتلعت باقي جملتها عندما رأت الشخص فقالت بصدمه:إياد(ايوه هو اللي ف بالك ياباشا😂😂)
نظر لها اياد بدهشه وقال:ملك
نظرت له ملك وقلبها يدق بعنف وقالت:انا اسفه يا استاذ اياد مش قصدي اني...
قاطعها اياد قائلا ببسمه:في اي يابنتي ولا يهمك عادي...بس اي اللي نزلك
ملك بخجل:كنت محتاجه حاجه ونزلت اشتريها
واسترسلت حديثها قائله:طمني على سالي اخبارها اي وحشتني
اياد بخبث:هي بخير...وانتي كمان وحشتيها اوي
خجلت ملك وقالت بضحكه كي تداري خجلها:وانت بقا مين اللي قالك اني وحشتها
اياد:قلبي اللي قالي
ارتبكت ملك وقالت:ااانا اتأخرت ولازم امشي
اياد ببسمه:تمام بس خلي بالك على نفسك
ملك وهي تغادر:تمام...سلام
ابتسم اياد وهو ينظر ف أثرها وقال:قمر قمر مافيش كلام
انتبه لنفسه فقال:استغفر الله يارب اي اللي بقوله ده
واكمل طريقه بينما ملك اكملت طريقها وهي سعيده لرؤيته لا تعرف لماذا فهل ستدوم سعادتها ام لاوولكن لا احد يعلم مايخبئه القدر له
~~~~~~~~~~~
مر الوقت سريعا على البعض وبطئ على البعض الاخر
(ف تمام الساعه الرابعه والنصف صباحا ف محافظة قنا)
كانت تجلس خلف زجاج النافذه ضامه ركبتيها الى صدرها تبكي وتشاهد السماء وهي تمطر وشردت ف امر السماء أيعقل ان تكون حزينه وتبكي مثلها!!! ساد الصمت المكان يعلوه فقط صوت شهقاتها وقطرات الماء المنسدله على زجاج نافذتها،ظلا هكذا وقت ليس بالقصير يبكيان بشده سوياً حتى هدأت السماء رويداً رويداً، ومن ثم شرقت الشمس كاسره الظلام الحالك،معلنه عن بداية يوم جديد وانتهاء آلام السماء،اخذت تتساءل لما لا تعلن انتهاء آلامي ايضا؟!! ألا يحق لي ان انعم بحياه هادئه ليس بها ظلم ألا يحق لي ان اعود لحياتي السابقه؟!!وبينما تتساءل دخل عليها المسمى بزوجها الذي تبغضه وقال لها بهدوء:انتي لسه مانمتيش؟!!
نظرت له ولم تبالي بحديثه فقال لها بصرامه:انا مش قولت قبل كده ان لما اتكلم تردي عليا
نظرت له ودموعها منسدله على وجنتيها وقالت:ايوه لسه مانمتش...بس ياترى دا يهمك ف حاجه...طبعا لاء لأن لو كان يهمك كنت فكرت تطلعني من السجن ده
واسترسلت حديثها قائله:ياريت تسيبني لوحدي دلوقتي
نظر لها بغضب وتركها وغادر المنزل بأكمله بينما هي ظلت تدعي ربها ان ينجيها من هذه الغمه
فمن هي ياترى؟!!كل ذلك سنعرفه ف الحلقات القادمه
**************************
خلص البارت الخامس والعشرون(25)من رواية(أحببتها بكل چوارحي)
بقلم/مريم السيد
واتمتى ان الروايه تنال اعجابكم وعايزه اعرف رأيكم ف ان يبقى ليها جزء تاني ولا اطول ف ده شويه وتبقى جزء واحد فياريت اعرف رأيكم ياقمراتي
وزودوا التفاعل بقا ياجدعان😂
بحبكم ف الله💙