احببتها بكل چوارحي

الفصل الثاني والعشرون

الفصل الثاني والعشرون(22)من رواية(أحببتها بكل چوارحي)
بقلم/مريم السيد

ف تمام الساعه الثانية عشر بعد منتصف الليل كانت تجلس مرام مع عائلتها فقالت مرام:تصدق يا واد ياجاسر انك فقر
رفع جاسر حاجبه الايمن قائلا:ليه يا فيلسوفه
مرام:يعني يوم ماتفكر تنزل مصر وتعمل مركز طبي تقوم الكرونا مغفلاك وتيجي ويعملوا حظر وحاجه اخر فقر
ضحك عليها الجميع فقال جاسر:وانتي مالك انتي انا حر
مرام وهي تنظر لوالدها نظره يعرفها جيدا وقالت:بودي
عبدالحميد بضحك:اخلصي وقولي عايزه اي
مرام:عايزه شيبسي
عبدالحميد بإستغراب:دا انتي لسه قايله عاملين حظر ومافيش حد بينزل والبوليس ف الشارع اصلا دا انتي لو بصيتي من البلكونه هتلاقي كذا ظابط ف الشارع
مرام وقد جاءت ف رأسها فكره وقالت بخبث:بجد في ظباط ف الشارع
جاسر وباسل:ايوه ليه
سميره:بتسألي ليه ياهبله
مرام وهي تذهب لغرفتها قالت:بسأل عادي يعني
ودخلت غرفتها واغلقت الباب وذهبت ناحية الشرفه الخاصه بغرفتها وقامت بفتحها بعدما ارتدت اسدالها ووقفت فوجدت رجل شرطه يقف مقابل منزلهم ورجل شرطه اخر يقف ف بداية الشارع واخر يقف ف نهاية الشارع فأبتسمت بخبث وسعاده ف آن واحد وقامت بمناداة الضابط قائله:عمووو.. ياعمو ياظابط
رفع الضابط نظره فهو يقف مقابل منزلها وهو شاب وسيم بعض الشئ وقال:انتي بتكلميني انا
مرام: ايوه ياعمو بكلمك انت
الضابط بحزم:عايزه اي...عندك اعراض الكرونا ولا اي
شهقت مرام قائله:اعوذ بالله...مكرونة اي اللي عندي...وبعدين انا لو عندي مكرونه هطلع اقف ف البلكونه كده عادي
الضابط بتأفف:اومال عايزه اي
مرام:عايزه اسألك سؤال
الضابط:اتفضلي
مرام:مش هي الشرطه ف خدمة الشعب؟!!
الضابط:ايوه
مرام بسعاده:طب الشعب عايز يطلب حاجه من الشرطه
الضابط بعدم فهم:شعب مين اللي عايز...دا مافيش حد ف الشارع غيرك
مرام بمرح:ماهو الشعب دا يبقى انا
الضابط بضحك:طب والشعب عايز اي
مرام بضحك:عايز حاجات كتير
الضابط:اخلصي وقولي عايزه اي يابنتي
مرام بمزاح:بنتك مين...النبي انت حلو وقميصك حلو
ضحك الضابط فقالت:عايزه شيبسي ياعمو
نظر الضابط بصدمه وقال:شيبسي!!!! انتي طفله
مرام برجاء:علشان خاطري عايزه شيبسي وعايزه اللي بـــ10 مش اللي بــ5
ضحك الضابط وقال:انتي بتتشرطي ع اي...مافيش اي سوبر ماركت فاتح دلوقتي
مرام بزعل: انا عايزه ماليش دعوه
~~بالخارج سمع جاسر صوت مرام فقام ودخل غرفتها واغلق الباب ودخل الشرفه فوجدها تتحدث مع الضابط فأشتعلت عيناه بالغضب وقال بحزم:مراااام
نظرت مرام برعب وقالت للضابط:خلاص مش عايزه حاجه ودخلت غرفتها فوقف جاسر امامها بغضب وقال:انتي اي اللي موقفك ف البلكون دلوقتي...وواقفه تتكلمي مع واحد غريب
مرام برعب:اولا اسمها بلكونه مش بلكون ثانياً انا ماكنتش بكلم راجل غريب دا ظابط
جاسر بغضب وقد تحولت عيناه من الاخضر الى الاحمر:انتي هتستهبلي ولا اي
وامسك بها من زراعها قائلا:انتي عارفه انا لوشوفتك فتحتي البلكونه دي تاني ولا جيتي جنبها حتى...مش هقولك انا هعمل اي بس كل اللي هقوله انك هتشوفي جاسر تاني خالص
تألمت مرام فقالت بألم ظهر ع وجهها:طيب سيب ايدي علشان وجعتني
تركها جاسر بعدما نظر لها بغضب وغادر الغرفه بعدما صفع الباب ورائه فجلست مرام ع فراشها وهي ممسكه بذراعها بتألم وشرعت ف البكاء وقالت لنفسها:انا غلطت اني كلمت واحد غريب زي ماهو قال بس ماكانش ينفع يزعقلي كده ويمسك دراعي كده...هو مفكر نفسه عصفور...دا اعوذ بالله عليه والله حسيت ان دراعي هيتكسر...منك لله ياجاسر...منك لله
وجففت دموعها وقالت:والله هردلك اللي عملته فيا
وذهبت بغضب مضحك وغادرت غرفتها وذهبت لغرفة جاسر وفتحت الباب دون ان تطرقه فوجدت جاسر مسترخي ع سريره وانتفض حينما سمع صوت الباب وهو يفتح فوجد مرام تصفع الباب بقوه كي تغلقه فوقف قائلا بسخريه:عايزه اي...اي نسيتي تقولي للظابط حاجه
مرام بغضب وكأنها لم تسمعه فأمسكت به من ذراعه بكلتا يديها بكل ما اوتيت من قوه وقالت بصوت غاضب:انت ازاااي تزعقلي كده...وازاي تمسك دراعي بإيدك دي...انت مفكر نفسك اي عصفور دا انت ماشاء الله هضبه
نظر لها بجمود ثم ليديها الممسكه به فتركت يده فنظرت له فوجدته منفجر من الضحك فقالت بغضب:ع فكره انت رخم
جاسر بغضب:انا قولت ايييييه
مرام بتأفف:قولت ما اعليش صوتي وما اشتمش
جاسر:انتي عايزه اي دلوقتي بعد ما قعدتي تفعصي ف ايدي
مرام:صالحني بقا ماليش دعوه
جاسر:نعم..هو مين اللي يصالح مين
مرام بضحك:انت يا مسعودي
جاسر بضحك:هو انتي ماتعرفيش تتكلمي جد ابدا
مرام بضحك:لاء...ويلا صالحني
جاسر بحذم:مراااام
مرام بتأفف:خلاص انا اسفه علشان زعلتك وكلمت عمو الظابط
ضحك جاسر قائلا:عمو مين دا اصغر مني
مرام بضحك:خلاص انا صالحتك اهو صالحني بقا علشان انت مسكت دراعي جامد
احتضنها جاسر قائلا:خلاص ياحبيبتي ماتزعليش انا غلطان اني مسكت ايدك جامد بس انتي كمان غلطانه ياحيييتي
احتضنته مرام وقالت:اشطا كده...بس دا مش كفايه
جاسر بضحك وهو ينظر لها:اومال عايزه اي يا برينسس مرام
مرام بضحك:تاخودني بكره تجيبلي شيكولاته وشيبسي
جاسر:لازم اخدك معايا يعني...طب مانا ممكن اجيب لوحدي
مرام:بس انا زهقت من القاعده ف البيت وعايزه اخرج
جاسر:يعني هتيجي معايا ف السوبر ماركت
مرام بزعل طفولي:علشان خاطري ي جوجتي
جاسر بضحك:حاضر هاخدك بس من غير ماتدلعيني الدلع الزفت ده
احتضنته مرام قائله:تسلملي يا جوجو...احم..اقصد يا دكتور جاسر
واسترسلت حديثها بضحك قائله:بس انت فقري اوي...يعني سايب ايطاليا ام الدنيا وجاي مصر
ضحك جاسر قائلا:مصر هي اللي ام الدنيا ياهبله مش ايطاليا
مرام بضحك:يعني انت لو هتعيش ف ايطاليا هتبقى كسبت الدنيا ولو هتعيش ف السعوديه هتبقى كسبت الأخره لكن لو هتعيش ف مصر مش هتكسب لا الدنيا ولا الأخره😹😹
فضحك جاسر قائلا:يخربيتك فصلتيني
واسترسل حديثه قائلا:يابنتي مصر دي الحضاره
مرام بضحك:قصدك مصر دي الشيكاره😹😹
جاسر بضحك:بس بقا
واسترسل قائلا:دا يابنتي كفايه ان مصر دي فيها الاهرامات التلاته
مرام بمرح:عارفاهم الاهرامات التلاته دول حتى اسمهم خوخو وجعفر ومنتجع😹😹
انفجر جاسر ضاحكا وقال:يخربيتك هتموتيني ضحك😹😹
وظلوا يضحكون فدخل باسل قائلا:صوتكوا جايب اخر الشارع وبتضحكوا وناسيين ان ليكوا اخ حزين نفسه يضحك زيكوا
فضحكوا وظلوا يتسامرون ويضحكون
~~~~~~~~~~~~~~~
جاء الصباح محمل بكثير من الاحداث منها السيئه ومنها الجيده ولكن لا احد يعلم مايخبئه له القدر

(ف ڨيلا استيڨان)
استيقظ المُز احم اقصد عموري يووووه اقصد دكتور عمار يعني😹😹(يجماعه والله اول لما بيجي عمار ع بالي تلقائي بتيجي كلمة المُز ف الحكايه....ندخل ف المهم بقى😹😹)
استيقظ عمار وتوجه ناحية المرحاض(اكرمكم الله) وقام بالإستحمام وبعدما انتهى توجه ناحية خزانته الخاصه بملابسه والتي تعتبر غرفه اخرى وانتقى منها بنطال من الچينز وقميص باللون الابيض وحذاء رياضي باللون الابيض وقال:كان زماني نازل الجامعه دلوقتي
وتذكر مرام فأبتسم قائلا:والله مفتقدها
وشعر بشئ يجذبه ناحيتها وبجعله يفكر بها دائما فقال بحذر:لاء مش ممكن لاء انا ماينفعش قلبي يدق لحد
وغادر غرفته وهبط للأسفل وتوجه والديه وشقيقه فقال:صباح الخير
الجميع:صباح الخير
شاهين والده:انت رايح فين ياعمار
عمار:رايح مشوار مع واحد صاحبي
مرڨت والدته:تمام ياحبيبي بس افطر الاول
عمار:تمام
وجلس يتناول مع عائلته وجبة الفطور
وبعدما انتهى قال:انا ماشي بقا سلام
وغادر وتوجه ناحية سيارته الفارهه ودلف اليها وقادها وتوجه لمجهوله
~~~~~~~~~~
(ف منزل مرام)
استيقظت مبكرا ع غير عادتها ف الاجازه وتناولت معهم الفطور تحت نظرات الدهشه من الجميع وبعدما انتهوا قالت لجاسر:انا هروح أغير هدومي علشان ننزل
جاسر بدهشه:دلوقتي!!!
مرام:ايوه يلا روح غير هدومك
وانطلقت ناحية غرفتها وبدلت ملابسها بفستان باللون السماوي ووشاح ابيض وحذاء باللون الابيض وكانت رائعة الجمال وغادرت غرفتها فوجدت جاسر ينتظرها وهو يرتدي بنطلون من الچينز وقميص باللون الاسود وحذاء باللون الاسود فقالت مرام:اي القمر دا يا جاسر...دا انت كده هتتعاكس وهتتخطف مني
ضحك جاسر وقال:يلا ياهبله
وغادروا وتوجهوا ناحية سيارة جاسر السوداء الفارهه فهو عنوانه"الأسود يليق بك"
فأستقلها وبجانبه مرام فقالت مرام بمرح:ياااه ياواد ياجاسر طول عمري كان نفسي اركب مركبه زي دي😹😹
ضحك جاسر قائلا:مركبه!!!دي عربيه ياهبله
وتوجهوا ناحية احدى السوبر ماركتس الموجوده التي يعرفها جاسر فقالت مرام بدهشه:انا عمري مادخلت السوبر ماركت الكبير اوي ده😹
ضحك جاسر وقال:يلا ياهبله ندخل ع قسم الاطفال
مرام بإستغراب:اطفال مين؟!!
جاسر:اطفال انتي ياهبله
وبالفعل دلفوا للداخل وقامت مرام بجلب الكثير من الشيكولاته مختلفة الانواع والكثير من الشيبسي والاندومي فقال جاسر:ماتجبيش اندومي
مرام بإعتراض:بس انا عايزه
جاسر: انا قولت اي
مرام:طيب مش هجيب
وجلبت الكثير من الحلوى المختلفه وقام جاسر بدفع حق هذه المشتريات فقالت مرام:انت جبت العمله المصريه منين
جاسر:لما نزلت بدلت من البنك
وقام جاسر بحمل الاكياس وقال:هو انتي هتاكلي كل ده يا مرمر
مرام:انت هتحسدني ولا اي
جاسر:بالهنا يا حبيبتي
فقبلته مرام وقالت:تسلم يقلبي
واستقلوا السياره وكانت مرام تقبل جاسر ع خده الايمن وكان عماؤ يعبر بسيارته من جانبهم وشاهد مرام وهي تقبل جاسر فأشتعلت عيناه بالغضب الذي لا يعرف مصدره فتوقف بسيارته كي يتأكد انها هي وبالفعل تأكد انها هي مرام فقال بغضب:ماشي يامرام
وغادر مسرعا فنظرت مرام وشعرت انها تهيأت به فدق قلبها بعنف وانطلق جاسر متوجها للمنزل
~~~~~~~~~~~~
(ف منزل فارس)
كان فارس ممسكا بصورة سالي ويبتسم فرن هاتفه برقم مجهول فرد قائلا:الو
سمع صوت فتاه تقول:الو...استاذ فارس
فارس:ايوه...مين
الفتاه:انا تسنيم صاحبة هايدي
**************************
خلص البارت الثاني والعشرون(22) من رواية(أحببتها بكل چوارحي)
بقلم/مريم السيد
بشكركم يحبايب قلبي ع تفاعلكم معايا بس زودوا التفاعل شويه وربنا يديمكم متابعين
بحبكم في الله💙