احببتها بكل چوارحي

الفصل الحادي والعشرون

الفصل الحادي والعشرون(21)من رواية(أحببتها بكل چوارحي)
بقلم/مريم السيد

أشرقت شمس يوم جديد ومازل العشاق يبثون لبعض كم الشوق الذي يحملونه ف قلوبهم
سالي بخجل:على فكره الشمس طلعت واحنا لسه بنتكلم
فارس بزعل مصطنع:انتي زهقتي مني ولا اي
سالي بزعل:لا والله مازهقت...انا قصدي انك اكيد عايز ترتاح
ضحك فارس قائلا:خلاص ياقلبي مصدقك
ابتسمت سالي بحب فقال فارس:بس بجد كنتي وحشاني اوي
سالي بخجل:فارس بس بقى
فارس:قلب فارس ودنيته
سالي بخجل:فارس انت من اول المكالمه وانت بتكسفني
فارس بضحك:ياحبيبتي انا زي جوزك برضو
سالي:طبعا ياحبيبي
فارس بلهفه:انتي قولتي يا اي
سالي بخجل:قولت طبعا
فارس بمكر:لاء اللي بعدها
سالي بخجل:ياحبيبي
فارس بعشق: يااااه انا كنت بموت من غيرك والله
سالي بخوف:ماتقولش كده تاني بالله عليك انا بخاف من الكلمه دي
فارس بحب:ربنا يديمك ليا وف حياتي
سالي بحب:ويديمك ليا ياروحي
فارس بضحك: لا انا كده هقفل بقا بدل ماتلاقيني عندك دلوقتي
ضحكت سالي بخجل وقالت:ماشي ياروحي ف رعاية الله
فارس:ونعم بالله ياقلبي
كادت سالي ان تغلق ولكنها توقفت عندما سمعت صوته ينادي عليها قائلا:سالي
سالي:نعم
فارس بهيام:بحبك
استمعت سالي للكلمه وكأنها لأول مره تسمعها على الرغم من انه طوال المكالمه يقاطع حديثها قائلا(بحبك)
فارس:بحبك
سالي بخجل:وانا بعشقك
واغلقت سريعا قبل ان يخجلها بكلماته.
ظلت سالي تحمد ربها على نعمة رجوع معشوقها وتمددت على الفراش بتعب فهي من امس وبالتحديد بعدما عادت من القاعه وذهبوا ليسهروا ف احدى المطاعم وعادت للمنزل وهي تتحدث مع فارس ف هاتفها حتى طلوع الشمس وذهبت ف سبات عميق
~~~~~~~~~~~~~~~~~~~~~~~
(ف الساعه الثانية عشر ظهراً ف منزل مرام)
دخلت سميره غرفة مرام قائله بصوت عالي لمرام النائمه:اصحي يامرام...اصحي ياحبيبتي
وعندما لم تتلقى منها اجابه صرخت قائله:انتي ياجذمااااااه
فزعت مرام ونهضت من على فراشها وظلت تدور ف غرفتها بنعاس وتقول بصراخ:ايييي...في اي...مين اللي مات...يالهواااااي
جاء جاسر و باسل مهرولين فنظروا لمرام ومالبثوا ان انفجروا ضاحكين ع جنون هذه الفتاه فتوقفت مرام عن الدوار ونظرت اليهم والشرر يتطاير من عينيها وقالت بغضب: بتضحكوا على اي
واسترسلت حديثها قائله لوالدتها:وانتي يا ماما مش هتبطلي طريقة مكافحين المخدرات دي😹😹
انفجر جاسر ضاحكا بينما قال باسل بضحك:ماما بتستخدم معانا طرق جديده منها مكافحة المخدرات او مكافحة الارهاب😹😹
ضحك جاسر قائلا:بس يا متخلفين
باسل بضحك:والله لو مش انت الكبير كنت شتمتك
جاسر بغضب:طب ابقى جرب بس وشوف هيحصل اي
مرام بهمس لنفسها:يالهوي الواد جاسر ده اكيد مريض نفسي وعنده شيزوفرينيا(انفصام شخصيه) الواد بيتحول بسرعه😹😹
باسل بخوف مزيف:خلاص ياعم ڨاندام احنا اسفين
ابتسم جاسر على مرح اخوته فقالت سميره:ربنا يباركلي فيكوا يارب
احتضنوها الثلاثة اخوه فجاء عبدالحميد قائلا:الله الله على الناس اللي بتحب ف بعض وسيبيني
مرام بإستغراب:هو انت مش ف الشغل ليه يا بابا
عبدالحميد بضحك:انتي شكلك عندك زهايمر
مرام بخضه:بجد مين اللي قالك
ضحكوا جميعهم عليها فقال عبدالحميد: احنا اجازه بسبب الكرونا
مرام وهي تضرب جبهتها بخفه علامة النسيان قالت:أوبس نسيت
سميره:يلا علشان تفطري
مرام:هو انتوا فطرتوا؟!!
سميره:اومال هنستناكي للضهر
وبالفعل ذهبت مرام ووضعت الطعام وشرعت في تناوله وعندما انتهت نهضت فجاءت والدتها قائله:يلا علشان تغسلي الاطباق دي
مرام بتأفف:يوووووه...انا عايزه اذاكر...ولا اقولك جوزيني علشان اخلص من غسيل الاطباق...انا بقيت ولا الخدامه الفلبينيه
سميره:والله لما تتجوزي هتفضلي تقولي ياريتني ارجع لماما وغسيل الاطباق تاني
مرام بمرح:انتي ليه محسساني اني هتجوز أبو لهب وهيعذبني😹😹
ضحكت سميره وقالت:يلا يا لمضه ع المطبخ بدل ما اقول لجاسر
مرام: الناس كلها بتقول هقول لبابا مش جاسر
سميره:ماهو بابا مدلعك لكن جاسر
مرام بهمس مرح:بس اعوذ بالله...ربنا يجعل كلامنا خفيف عليه...دا بيجي ع السيره😹😹
جاء جاسر وامسك بها من شعرها قائلا:عندك حق انا فعلا باجي ع السيره
ضحكت مرام فترك شعرها وقام بدغدغتها فأنفجرت مرام ضاحكه وركضت ف أرجاء المنزل وجاسر يركض خلفها حتى امسك بها وحملها على كتفه وهي تضحك وذهب لسميره قائلا:خودي يا ماما اعملي فيها اللي انتي عايزاه
دغدغتها سميره ومرام تضحك وهي مازالت على كتف جاسر فجاء باسل قائلا:قفشتكوا...تعالوا بقا
وركض ورائهم ومازل جاسر يحمل مرام ويركض بها فهو قوي البنيه ويمتلك من العضلات مايكفيه ان يحمل مبنى وسميره وعبدالحميد يضحكون بسعاده ويدعون الله ان يديم عليهم سعادتهم
~~~~~~~~~~~
(ف ڨيلا استيڨان)
كان عمار يجلس بغموض ع فراشه حينما جاءه اتصال فرد قائلا:ألو
المتصل:اي يا كينج
عمار بجمود:قول عايز اي
المتصل:ماهر كمال مصمم يعرف مين هو الكينج وعمال يدور ورانا
عمار بغموض:سيبه يدور لانه مش هيوصل لحاجه
المتصل:هو انت ليه يا باشا مش راضي تعرف حد عليك
عمار بلامبالاه:وقتك خلص
واغلق عمار الهاتف ونظر امامه بشرود قائلا:انا بقالي سنين عمال أبني ف مستقبل وماحدش هيعرفه الا بمزاجي حتى أهلي
دخل عمر قائلا: انت بتكلم نفسك ياعمار
عمار:لا ياحبيبي تعالى اقعد
عمر:اشطا
وجلس عمر مع أخيه كي يتحدثوا ف عمر وعمار الاقرب دائما ولكن عمار دائما حذر ف حديثه
~~~~~~~~~~~~~~~~~~
حل المساء على الجميع
(ف منزل مرام)
كانت تجلس مرام وباسل مع جاسر ف غرفته فقالت مرام بمرح:قولي يا واد ياجاسر
جاسر بمزح:وانا اقولك ياواد ياجاسر ليه...انتي مش اسمك مرام😹
مرام بضحك: ألش رخيص
جاسر:المهم عايزه اي؟؟
مرام:هو انت بتشتغل اي؟!!
جاسر بجديه مصطنعه:معاكي المقدم أمير ألاي مدرية أمن الجيزه
انفجروا ضاحكين ومعهم جاسر فقال باسل:انت بتشتغل اي بجد
جاسر:دكتور يا اخويا
باسل بصدمه:بتقولها بإستهزاء..دا انا لو دكتور كنت اتغريت عليكوا
مرام بعدم تصديق:بجد دكتور
جاسر بضحك:والله دكتور
مرام:دكتور بشري ولا جامعي
جاسر:بشري تخصص رمد
مرام:يعني اي
جاسر:يعني عيون
مرام وجاسر بإنبهار:وااااو
مرام بضحك:كويس علشان انا اصلا عايزه اغير لون عيني عايزاها زي عينك كده يعني خصرا وعسل كده
ضحك جاسر وباسل الذي قال:بس ياهبله
واكمل باسل قائلا:وانت بقا ليك مكان هناك في ايطاليا بتشتغل فيه
جاسر:ايوه ليا برج هناك كله مخصص ف مجال العيون وفي مركز بتاعي هناك برضو بس ف كل مجالات الطب مشغل في اصحابي علشان اللي مش بيقدر يدفع تمن الكشف
مرام بتعجب:هو في ناس في ايطاليا مش بتقدر تدفع الكشف
جاسر:طبعا في وكمان في ناس لاجئين من بلاد كتير
مرام بفخر بأخيها:بجد انت حاجه عظيمه
باسل بفخر:فعلا والله انا فخور بيك
جاسر:بإذن الله ربنا يوفقكوا وتبقوا افضل مني وافتخر بيكوا انا كمان
مرام بضحك:ياحبيبي انا ف كلية تجاره ومش شايفه الناس من الغرور😹😹
باسل:طب وانت هتستقر ف مصر ولا اي
مرام:اكيد هيستقر ف مصر
جاسر:انا بفكر افتح مركز هنا
مرام:هي العربيه التحفه اللي برا دي بتاعتك ولا اوبر
ضحك جاسر قائلا:وهي لو اوبر هتفضل واقفه برا ليه
باسل بإعجاب:يعني العربيه دي بتاعتك
جاسر:ايوه بتاعتي
مرام بضحك:هيييييه وبقا في عربيه غير بتاعة بابا الصغيره دي
ضحك جاسر وقال:هو انت ف اي يا باسل
باسل:3 ثانوي علمي علوم
جاسر:كويس اوي...ونفسك تدخل اي بقا
باسل:اكيد طب ونفسي ابقى تخصص جراحة قلب
جاسر بتشجيع:خلاص تعالى نتفق اتفاق
باسل بحماس:اي
جاسر:تجيب الدرجه اللي تدخلك طب وانا هدخلك جامعه ف ايطاليا
باسل بعدم تصديق:بجد!!!
جاسر:طبعا بجد
احتضنت مرام باسل وقالت:مبروك يابيسو هتحقق اللي نفسك فيه
واكملت وهي تنظر لجاسر:اصل باسل كان نفسه يكمل تعليمه برا مصر
وقامت بإحتضان جاسر قائله:شكرا ياجاسر
جاسر بزعل:شكرا على اي ياهبله...هو انا مش اخوكم
مرام:لا والله مش قصدي كده اوعى تزعل مني
جاسر:اخر مره تقولي شكرا لان الاخوات مافيش بينهم شكر
باسل بتساؤل:طب وبابا هيرضى
جاسر:اكيد طبعا...وبعدين دي هديه مني ليك
مرام بتعجب:هو انت معاك فلوس كتير اوي كده منين
جاسر:انا اول ما اتخرجت رفضت اني حد يساعدني حتى بابا واشتغلت وبنيت نفسي لغاية ماعملت المركز وبعدين البرج ودا كان بيدخلي فلوس كتير والحمدلله كبرت نفسي بنفسي...وانا دلوقتي هستقر ف مصر وايطاليا ف نفس الوقت يعني هبقى قاعد هنا معاكوا وهبقى اروح ايطاليا بردو
مرام:ربنا يوفقك يا جوجتي
جاسر:بخربيت دلعك الاهبل اللي زيك ده يامجنونه
وظلوا يتسامرون ويضحكون
~~~~~~~~~~~~~~~~~~~~~
(ف احدى الكافيهات)
كانت تجلس هايدي مع رفيقتها يتحدثون فجاءت صديقه قديمه لهم فقالت:اي دا هايدي ازيك
هايدي بعنجهيه:ازيك يا زينب
زينب بسخريه:لسه فيكي طبع الغرور حتى بعد ما خطيبك سابك يوم الخطوبه وكل الناس بتتكلم عليكي
نهضت هايدي بعصبيه قائله:اخرسي ياحيوانه انتي
صديقة سالي التي كانت تجلس معها قالت:خلاص يا زينب امشي دلوقتي
زينب:انا اصلا مايشرفنيش اقف مع واحده كل الناس بتتكلم عليها كلام زفت وبيقولوا انها خطافة رجاله
وذهبت زينب وظلت هايدي وصديقتها فقالت هايدي بغضب وحقد:انا لازم انتقم من فارس وسالي
صديقتها التي تدعى تسنيم:حرام ياهايدي سبيهم يعيشوا حياتهم
هايدي بحقد:وهما ماسابونيش اعيش حياتي ليه...انا لازم انتقم...ولازم ابعدهم عن بعض وامحي سالي من ع وش الدنيا
تسنيم بخبث:قولي هتعملي اي
هايدي:هقولك هعمل اي علشان تساعديني
**************************
خلص البارت الحادي والعشرون(21) من رواية(أحببتها بكل چوارحي
بقلم/مريم السيد
بشكركم بجد على تشجيعكم وبجد انا بحبكم كلكم واتمنى انكم تقدروا تعبي وتزودوا التفاعل شويه وانا بستنى رأيكم علطول
بحبكم في الله💙