احببتها بكل چوارحي

الفصل الثامن عشر

الفصل الثامن عشر من رواية(أحببتها بكل چوارحي)
بقلم/مريم السيد

امسكت مرام هاتفها وقامت بالتصفح ع الفيس ووجدت ان لديها رساله ففتحتها ووجدت ماصدمها بشده وزرع الرعب ف قلبها ومالبثت ان ركضت نحو باب المنزل فرأت والدتها فقالت لها:انتي ماشيه كده بالبيچامه ع فين ان شاء الله
مرام وهي تحاول كبح دموعها قالت:انا رايحه لسالي
سميره بقلق:في ايه
مرام وهي تركض نحو الباب قالت:مافيش وقت اشرحلك يا ماما
سميره وهي تركض ورائها وهي ممسكه بإسدال الصلاه قالت:طب خودي الاسدال البسيه
ارتدته مرام ع عجاله وذهبت نحو منزل سالي لانه مقابل لمنزلهم وطرقت الباب سريعا ففتحت لها ساره شقيقة سالي فقالت لها مرام:سالي فين يا ساره
ساره بتعجب:ف اوضتها...ليه في اي؟!!
مرام بسرعه:ممكن اطلعلها اوضتها
ساره:اه طبعا ممكن...اتفضلي
ذهبت مرام مسرعه لغرفة سالي وطرقت الباب وسمعت اذن سالي لها بالدخول فدخلت ورأت سالي وهي تبكي فدخلت و لم تغلق الباب خلفها ثم جلست بجانب سالي ع الفراش وقالت لها بحزن:بتعيطي ليه دلوقتي؟!!
سالي ببكاء مرير:سابني وهيخطب يا مرام
واسترسلت حديثها ببكاء قائله:مش كفايه انه كان بيخوني وهو عارف اني بحبه...يعني هو راح يخطب اللي كان بيخوني معاها وهو عارف اني لسه بحبه لغاية دلوقتي
مرام ببكاء:يعني انتي عايزه تسافري امريكا ل عمك وتسيبيني...عايزه تهربي
سالي: انا تعبت يامرام...انا ماكنتش اتوقع انه يخوني💔
مرام بإندفاع:فارس مش خاين يا سالي
سالي بإنتباه:ومين اللي قالك يامرام
مرام بإرتباك:اااا...انااا...كان...يعني قصدي ان هو بيحبك فأكيد مش...مش هيخونك
سالي وقد توقفت عن البكاء وقالت وهي تضيق عيناها بإنتباه:مخبيه اي عني يا مرام
وهنا دخل اياد قائلا:بتعملوا ايه ياحلوين
مرام بهمس لنفسها:الحمدلله عدت ع خير
اياد بضحك وهو ينظر لمرام:مالك يامرام عامله شبه نبويه مرات البواب ليه كده وبتعيطي وحالتك حاله
ضحكت مرام قائله:ولما انا ابقى نبويه مرات البواب يبقى انت تبقى اي بقى
سالي بضحك:اكيد هو البواب
ضحكوا جميعا
اياد بجديه مصطنعه:لاحظوا اني اكبر منكم ياشوية عيال
وغادر وهو يضحك فضحكوا فقالت مرام بشك:يعني انتي مش هتسافري وتسبيني يا سالي
سالي:هسافر يا مرام ممكن انسى مع اني عارفه اني استحاله انساه
مرام برجاء:بالله عليكي ماتسيبيني
سالي بمكر:مش هسافر بشرط
مرام بسرعه:وانا موافقه
سالي:مش لما تعرفي الشرط
مرام:اي هو الشرط؟؟
سالي:انك تيجي معايا الخطوبه
مرام بصدمه:خطوبة مين؟!!
سالي: خطوبة فارس
فغرت مرام فمها من أثر الصدمه فقالت سالي:اقفلي بوقك ياختي
مرام بعدم تصديق:انتي بتتكلمي بجد ولا بتهزري ولا اي
سالي:ايوه بجد
مرام:طيب يا سالي هاجي معاكي
سالي وهي تحتضنها:انا عمري ماهنسى وقفتك معايا ف كل حاجه
مرام بعتاب:اخص عليكي دا واجبي ناحية اختي وانتي اختي ياهبله...وبعدين طب مانتي دايما واقفه معايا
سالي:ربنا مايحرمني منك يا مرمر
مرام:ولا منك ياقلب مرمر
سالي بجديه بعدما ابتعدت قليل عن مرام: سمعتي عن ڤيروس كورونا
مرام بضحك:كورونا بالبشاميل😂😂
سالي بضحك:بالله انتي مجنونه
مرام:يابنتي كل الناس سمعت عن الڨيروس ده...ماما وبابا جننوني كل شويه اغسلي ايدك بديتول خلوني احس ان انا كورونا ماشيه ع رجليها😂
ضحكت سالي وقالت:ماهو احنا اخدنا اجازه اسبوعين بسبب الڨيروس ده
مرام بخضه:ياختااااي...اسبوعين بحالهم
واسترسلت حديثها بزعل:يعني مش هنروح الكليه الا بعد اسبوعين
سالي بخبث: زعلانه يعني علشان مش هنروح الكليه
مرام بتأكيد:طبعا زعلانه
سالي بمكر:زعلانه علشان الكليه ولا علشان دكتور عمار
مرام بإرتباك:ها...ااا
سالي بضحك:قولي يا مرام انتي مخبيه اي
مرام بخجل:بصراحه انا عايزه اقولك على حاجه
سالي بضحك:اتفضلي كلي آذان صاغيه
مرام بخجل:انا...انا...انا
سالي بضحك:انتي هتغني ولا اي...انا عارفه الاغنيه دي بتاعت انا مش عارفني انا توهت مني انا مش انا...بتاعت عبدالباسط حموده😹😹
مرام بغضب:بس ياجزمه والله مااقولك حاجه
سالي:خلاص قولي وانا مش هتكلم
مرام بسرعه:انا بحب دكتور عمار
ووضعت يديها ع وجهها كي تداري خجلها
فقالت سالي بسعاده:والله انا فرحتلك جدااا ربنا يهنيكي يارب
مرام بعد ان ازالت يديها من على وجهها وقالت:انا بجد مش عارفه ده صح ولا غلط
سالي:هو اي اللي غلط ياهبله...انتي ماعملتيش حاجه غلط ولا حاولتي تعرفيه اصلا
مرام بهيام:بس يخربيته قمرر
سالي بضحك:ربنا يهديكي يامرام
مرام بزعل:بس انا زعلانه من حاجه
سالي بجديه:اي ياقلبي
مرام:ان هو احلى مني بكتيير ابن الايه...انا مش عارفه مامته كانت بترضعه اي قشطه😂
ضحكت سالي وقالت:يخربيت كده بجد
وضحكا سويا فقالت مرام:همشي انا بقى لان ماما زمانها عايزه تولع فيا
سالي بضحك:تمام ياروحيي ربنا معاكي
وسلمت عليها فقالت لها سالي:تعالي اوصلك لغاية الباب
مرام بضحك:وتوصليني ليه ياختي هو انا مشلوله😂
ضحكت سالي فقالت مرام:سلام بقا انا هنزل لوحدي
سالي:تمام
وغادرت مرام غرفة سالي وذهبت نحو الباب فألتقت بإياد فقالت له:اياد
اياد:نعم
مرام:سالي مصممه تروح خطوبة فارس
اياد برفعة حاجب:نعم
مرام:مش وقت طرش هو...زي ماسمعت
ضحك اياد وقال:انا هكلم فارس واقوله وهو يتصرف
مرام:اشطا...سلام
اياد بتعجب:انتي بتقولي اشطا
مرام بضحك:اما مارديتش اقولك اشطا ياشبح
اياد بضحك:تمام يا زميكي
جاءت سالي فقالت بضحك:اي لغة السرسجيه دي
مرام:سلااااام...ومش هنسلم مش هنبوس مش هننشر الڨايروس
وغادرت مسرعه فضحكوا عليها
~~~~~~~~~~~~~~~~~~~~~~
(ف منزل مرام)
وصلت مرام المنزل ودخلت فقالت لها والدتها:خير يامرام
مرام:دي سالي كانت عايزه تسافر وانا كنت بحاول امنعها....انتي عارفه ان عيلة سالي نقلوا القاهره هنا قبلنا بسنه وانا كنت بموت من غيرها
سميره:ربنا يديمكوا لبعض يارب
مرام:يارب
سميره:سلمتي ع حد يا مرام
مرام بضحك:حضنتها بس
سميره بصراخ:طب ادخلي اغسلي ايدك ووشك وحُطي معقم ع ايدك
مرام بضحك:انا دخلت التويلت لقيت ف دولاب التويلت صابونتين ديتول وصابونتين لايف بوي ومعقمات حسيت ان الحمام عنده مكرونه احم اقصد كورونا😂
ضحكت سميره وقالت:روحي اغسلي ايدك ياجذمه
جاء باسل من غرفته وقال:انا نفسي اعرف انا عملت اي علشان ماما تحبسني ف البيت
مرام:ربنا يعديها ع خير علشان انا زهقت
باسل:ياااارب
مرام بإستغراب:هو بابا فين يا ماما
سميره بإرتباك وتوتر:هو...هو ف مشوار وجاي
مرام:اوك...تعالى يا بيسو نلعب بدل الزهق والملل ده
باسل بحماس:نلعب اي
مرام:بلاي ستيشن
باسل:اوك يلا
وذهبوا ليلعبوا وظلت سميره تدعي لاولادها وزوجها
~~~~~~~~~~~~~~~~
(ف منزل فارس)
جلس فارس ع فراشه بعدما حدثه اياد واخبره ان سااي سوف تحضر خطبته فظل يفكر
فسمع صوت طرقات ع باب غرفته فقال:اتفضل
دخلت ملك وقالت:بتعمل اي
فارس:اقعدي ياختي لما احكيلك ع اللي حصل
ملك بقلق:خير اتكلم
اخبرها فارس بما تريد سالي ان تفعله فقالت ملك:وانت هتعمل اي
فارس بخبث:هغير شويه ف الخطه
ملك:ازاي
فارس بإبتسامه خبيثه:هقولك
~~~~~~~~~~~~~~~~~~~~~
(ف ڨيلا عمار)
كان يتحدث عمار هو واخيه عمر مكالمة ڨيديو ع اللاب توب الخاص بعمار مع علي صديقهم الذي يعمل ف مجموعة شركات استيڨان ف امريكا فقال علي:انا عندي ليكوا خبر تحفه
عمار وعمر:اي
علي:انا عرفت مين الخاين
عمار وعمر بإنتباه:مين؟!!
علي:مارك چورچ
عمار:مين ده
علي:دا واحد كده ف الحسابات وبينقل كل معلوماتنا لشركة منافسه
عمار بغضب:عملت مع الكلب دا اي
علي بخوف من غضب عمار قال:اهدى بس يا وحش
عمار:قول عملت اي
علي:هو دلوقتي ف مخزن من المخازن التابعه للشركه
عمار بغضب:خليه هناك وانا بكرا هكون عندك وهتصرف معاه
عمر:انا هاجي معاك
عمار:طيب...سلام دلوقتي ياعلي
علي:سلام
واغلق عمار اللاب توب فقال عمر:كده تمام اوي احنا نسافر نعلمه الادب
عمار بغموض:ربنا ييسر
عمر لتغيير دفة الحوار قال:طبعا انت سعيد علشان عندك اجازه اسبوعين
عمار بشرود:لاء
عمر بعدم فهم:لاء اي
عمار بإنتباه:ها... لا ولا حاجه
وظلوا يتحدثون ف مختلف الاحاديث
~~~~~~~~~~~~
(ف منزل مرام)
كانت تجلس هي وباسل مع والدتهم بعدما انتهوا من اللعب ع البلاي ستيشن وكانوا يتحدثون حينما سمعوا صوت رنين جرس منزلهم فقالت مرام بحماس:دا اكيد بابا انا هروح افتح
باسل:لاء انا اللي هفتح
وذهبوا مسرعين يتسابقون من سيقوم بفتح الباب اولا بيتما سميره تدعي بخوف لانها تعلم ما الذي سيحدث
فتحت مرام الباب وبجانبها بايل فوجدوا والدهم ومعه شاب تبدو عليه الملامح الغربيه فهو يمتلك بشره فاتحه وعيون بلون الزيتون الاخضر وشعر كستنائي به بعد الشعيرات الصفراء وكان فائق الجمال ولكن يبدو عليه الحزن فقالت مرام بإستغراب:اتفضلوا
فدخلوا وجلسوا وضعت مرام حجابها فنظر باسل ومرام الى بعضهم بإستغراب من هذا الغريب الذي دخل منزلهم فقال عبدالحميد:اكيد انتوا بتسألوا نفسكم مين ده
مرام بضحكه:ايوه بصراحه
وقالت بهمس ل عبدالحميد:هو مش مصري
عبدالحميد بخبث:ايوا
مرام بصوت مسموع:طب كويس ان هو مش بيفهم مصري...بصراحه الواد قمرر اوي
فضحك الشاب فقالت مرام بصدمه:انت فهمتني
الشاب:ايوا فهمتك يامرام
مرام بخضه:وكمان عارف اسمي...اكيد انت مراقبني من زمان وبتكراش عليا
ضحكوا جميعا فقالت مرام:بس بجد مين ده يا بابا
عبدالحميد بخوف من القادم قال:دا يبقى..دا
باسل:مين يا بابا
عبدالحميد:دا يبقى جاسر اخوكم
نظرت مرام وباسل بصدمه فقالت مرام وباسل بصدمه:مييين؟!!
سميره:زي ماسمعتوا...دا يبقى اخوكم
**************************
خلص البارت الثامن عشر من رواية(احببتها بكل چوارحي)بقلم مريم السيد
واتمنى الروايه تكون بتنول اعجابكم وياريت تقولوا رأيكم ياقمرات وربنا يديمكم ياحبايب قلبي
بحبكم ف الله💙