احببتها بكل چوارحي

الفصل الثامن والعشرون

الفصل الثامن والعشرون(28)من رواية(أحببتها بكل چوارحي)
بقلم/مريم السيد

ف ذلك المكان الغامض ف محافظة قنا)
كانت جالسه كعادتها وحيده فوجدت احد يدخل الى غرفتها فعلمت من هو فهي منذ مايقارب الثلاث سنوات وهي لا ترى غيره
فسمعته ينادي بإسمها فقالت بتأفف:نعم
فقال بحزن:هو انتي هتفضلي كده لغاية امتى يا ماليكه
ماليكا بحزن:لغاية ماتسيبني اعيش حياتي زي باقي الناس يا...مروان
مروان بغضب:انتي مش هتعيشي دقيقه واحده بعيد عني
ماليكا:حرام عليك بقا انا مش بحبك ولا عمري هحبك
مروان وهو مازال غاضب:بس انتي عارفه اني بحبك
ماليكا بسخريه:وهو انت بتسمي ده حب؟!!... بتقول ع اللي احنا فيه ده حب؟!!...ان انت تموتني بالحيا ده حب؟!!...ان اهلي يموتوا من حسرتهم عليا ده حب؟!!...انك تحرمني من حياتي ومن اهلي ده حب؟!!...انك تكرهني ف حياتي وف العيشه اللي عيشاها ده حب؟!!
مروان بحزن وقد شعر بفداحة فعلته قال:يااااااه ياماليكا...كل ده ف قلبك
ضحكت ماليكا بسخريه ودموع قائله:بتستغرب من اي...انا ف قلبي وجع بيقتلني كل يوم لما بفتكر اللي حصلي ف حياتي وانك جبت جثه وقولت عليها دي ماليكا بنتكم وانا اخدتها م الحادثه وكفنتها وماينفعش تكشفوا وشها لانها متشرحه وهما طبعا صدقوك لانك ابن عمي ...اومال لو ماكنتش بنت عمك كنت عملت فيا اي...طب كنت اعمل حساب صلة الدم اللي بينا...لكن انت لاء ماسبتش حاجه تعملها علشان تقتلني بيهاوماعملتهاش...ليه يا اخي حرام عليك انا عملت فيك اي
مروان بغضب قال:انتي ماعملتيش حاجه لكن عمي اللي هو باباكي عمل
ماليكا ببكاء: بابا عمل اي استاهل اتعاقب عليه كده
مروان بغضب: قولي ماعملش اي...كان دايما شايف نفسه احسن من ابويا ف كل حاجه...ولما اتقدمتلك والكل كان عارف اني بحبك من صغرنا لكن عمي رفض بسبب انه شايف اني مش من مقامك وان شغلتي ماتنفعش تفتح بيت او بالمعنى الصحيح ماتنفعش تفتح بيت في ماليكا بنته مع انك كنتي بتشتغلي بس ف مكان مِلك لباباكي....بس باباكي كان عايز دكتور هو اللي يتجوزك...بس انا مش ذنبي اني طلعت بالنسبه لوالدك حتة محاسب ف بنك مع ان كان كتير غيري يتمنوا الشغل ده...
قاطعته ماليكا ببكاء فطر قلبه قائله:وانا برضو ماليش ذنب ف كل اللي انا فيه ده
مروان وهو يحاول ان يصل لشئ معها قال:خلاص تعالي نتفق اتفاق
ماليكا:اتفاق اي اللي اتفقوا مع واحد زيك
مروان وهو يحاول كبح غضبه قال وهو يضغط ع اسنانه:مش لما تسمعي الاتفاق الاول يمكن يعجبك
ماليكا بتأفف:قول اما نشوف اخرها
مروان بإبتسامه:الاتفاق بقى ياستي ان احنا نعيش مع بعض عادي ونحاول نتأقلم وناخد ع بعض وبعدها...
قاطعته ماليكا قائله:هو لسه في بعدها....انا استحاله اتأقلم ع وضعي معاك
مروان بخبث:خلاص نعيش عادي مع بعض لمدة شهرين ولو بعد الشهرين دول مش مرتاحه هطلقك
ماليكا وقد بدت الفرحه ترتسم ع معالم وجهها قالت:بجد...انت بتتكلم بجد
مروان: ايوه بتكلم بجد
ماليكا:ع شرط
مروان:قولي
ماليكا:اننا مش هنعيش هنا تاني لان نفسيتي تعبت م المكان ده ونرجع القاهره واخرج واعيش حياتي زي باقي الناس..وكل اللي ليك اني اشوف انت محتاج اي واعملهولك غير كده ماتطلبش مني
مروان بخبث:يعني اي غير كده مااطلبش
ماليكا بخجل:يعني نفضل زي مااحنا ماتقربش مني
مروان بمكر:تمام وانا موافق
واكمل حديثه بتساؤل:بس انتي عرفتي منين اننا مش ف القاهره
ماليكا:ماانت اكيد مش غبي للدرجه دي علشان تسيبني ف القاهره
مروان بضحك:بغض النظر عن كلمة غبي اللي اتقالت دي بس انا موافق ع شروطك
نظرت له ماليكا ف هي اول مره ترى ضحكته فقال مروان بخبث:بس خلي بالك من نفسك لانك ممكن ف الشهرين دول تحبيني
ماليكا بتقزز:انااااا احبك انت ليه الدنيا خربت
مروان بمكر:انا عرفتك وانتي حره وانا اللي كلامي هيطلع صح ف الاخر
ماليكا بسخريه:ف احلامك يااااا زوجي العزيز
~~~~~~~~~~~~~~~~
(ف مكان اخر عند الكينج)
بعدما هبط جاسر من السياره وع وجهه ابتسامه خبيثه وكذالك لم يقل عنه عمار مكر فأبتسم له وقال:كنت مستني زيارتك دي من زمان
جاسر ببرود:وانا جيتلك بنفسي اهو يا....كينج
فرد عمار قائلا:اظن ان حان الوقت اننا نتحاسب ع كل اللي فات
جاسر بخبث:مابلاش علشان هتطلع خسران
عمار بسخريه:بتحلم
واسترسل حديثه قائلا:وخليك عارف اني هخليك تتحسر ع كل حاجه بتحبها ف حياتك وهخليك تشوف حياتك وهي بتتدمر قصاد عنيك
جاسر بتحدي وسخريه:اما نشوف مين فينا اللي هيخسر بس تقريبا انت مش هتخسر اكتر من اللي خسرته
عمار بضحك مستفز:انت قولتها اهو مش هخسر اكتر م اللي خسرته يعني مش باقي ع حاجه...وبعدين بيتهيألي اني ماخسرتش قد كده...اما اللي هيخسر هو انت
جاسر بضحكه هو الاخر:هو انت مفكر اني ناسي اللي انت عملته معايا
عمار بهدوء غريب:وهو انت بتسمي اللي عملته معاك زمان ده حاجه؟!! ده مايجيش حاجه ف اللي هعمله فيك بعد كده
جاسر بإستفزاز:هنشوف مين اللي هينتصر يا...كينج
عمار:ايوه كده بالظبط لازم تعرف اني كينج وهفضل كينج كده علطول
جاسر بإستفزاز:المهم نشوف قدراتك بس
عمار ببرود:انا رجعت شوفتك تاني يعني اعتبر عزرائيل ف طريقه لقبض روحك
جاسر:هنشوف مين اللي روحه هتتقبض بجد...سلام يا....كينج
ودلف الى سيارته بهدوء وغادر وظل عمار واقف بضع ثواني ثم ابتسم بمكر ودلف لسيارته هو الاخر وغادر
ترى ماذا سيحدث بينهم وما السبب لكل هذا وما الذي سيحدث نتيجة افعالهم؟!!
~~~~~~~~~~~~~~
(ف منزل سالي)
كانت مرام تجلس مع سالي ف غرفتها وتحتضنها فكانت سالي تبكي بشده فقالت مرام في محاوله منها للتخفيف عن سالي:انا مش هقولك ماتعيطيش والكلام ده لاني عارفه انك اكيد خوفتي م المنظر وكده بس هي خدت جزائها
اعتدلت سالي ف جلستها بحيث تكون ف مقابل مرام قائله:انتي عارفه يعني اي تشوفي انسان بيموت قدامك حتى لو كنتي بتكرهيه
مرام: طبعا عارفه يقلبي
سالي:مش قادره انسى الموقف
مرام:لازم تنسيه علشان اهلك وفارس هيتجننوا عليكي
سالي: ربنا يقدرني
مرام بمرح:وبعدين ياستي انتي محسساني ان انچلينا چولي هي اللي ماتت دي كانت شبه الكلب الجربان...يلا الله يرحمها
ابتسمت سالي وقالت:حرام عليكي ياشيخه اذكروا محاسن موتاكم
مرام بمرح:محاسن موتاكم ولا محاسن الحلو هيخووخوو😂
ضحكت سالي وقالت: ألش رخيص
مرام بضحك:مش ضحكتي وخلاص ياقمر
سالي:بجد والله مش عارفه من غيرك كنت هعمل اي...انتي الوحيده اللي بتعرفي تغيري مودي
مرام بضحك:مودي ولا كوكي قهققهقه
سالي بغيظ:يعني انا بشكر فيكي وانتي غبيه اويييي...قومي امشي يامرام
ضحكت مرام وشاركتها الضحك ايضا سالي
فقالت مرام: همشي انا بقى يا سوستي
سالي:ليه خليكي شويه معايا
مرام:اصل بعيد عنك جاسر اخويا اعوذ بالله عليه مابعرفش اخرج ف مكان من غير اذنه ولازم ارجع بدري....ف امشي دلوقتي بكرامتي احسنلي
ضحكت سالي وقالت:تمام يقلبي علشان بس ماحدش يزعقلك
مرام:يلا ياسوستي سلام
احتضنتها سالي قائله: سلام يامرمورتي
وبالفعل غادرت مرام بعدما ودعت الجميع وعندما وصلت الى منزلها جاءت لتطرق الباب ولكنها وجدت من يكبل يديها وفمها فدب الرعب في اوصالها و......

نكمل البارت الجاي بقا😂😂
**************************
خلص البارت الثامن والعشرون(28)من رواية(أحببتها بكل چوارحي)
بقلم/مريم السيد
بحبكوا جداااا ياحياة قلبي انتوا وشكرا لكل اللي بيشجعني واتمنى ماتنسوش الڤوت والتعليق وعايزه اعرف أرائكم وتوقعاتكم ياحبايبي
بحبكم ف الله💙