احببتها بكل چوارحي

الفصل التاسع

الفصل التاسع من رواية (احببتها بكل چوارحي)
بقلم/مريم السيد

دخلت غرفتها مسرعه وجلست على فراشها وقالت ف نفسها:انا لازم اعرف الحقيقه اللي فارس عايز يعرفها لسالي بعد كل اللي عمله فيها....ايوه انا هحتاج مساعده من واحد هو اللي هيعرف يوصلني بفارس ولازم اقنعه أنه يساعدني مع أنه صعب بس لازم احاول ولازم اقنعه....بس انا مش معايا رقمه...هعمل اي
وظلت تفكر حتى قفزت ف رأسها فكره فنهضت مسرعه الى غرفة باسل ودخلت دون أن تطرق الباب فوجدت باسل يقول بضحك:اي يا بنتي انتي داخله شبه بتوع مكافحة المخدرات 😂😂
ضحكت مرام وقالت:عايزاك ف خدمه صغنونه
باسل:اتفضلي ي مرمر
مرام:انت اكيد معاك رقم إياد اخو سالي
باسل بتفكير قال:ايوه انا كنت اخدته منه يوم لما خرجنا كلنا مع بعض....بس انتي عايزاه ليه
مرام:محتاجاه ضروري... هات الرقم بقا وبعد كده هحكيلك كل حاجه
باسل:تمام بس اوعي تعملي حاجه غلط ولا تطولي مع إياد ف الكلام هو مهما كان راجل غريب
مرام بضحك:ياشيخ اتلهي....بقا دا منظر واحده تعرف تعمل حاجه غلط...بس ع العموم تسلملي ي بيسو ع خوفك ده ي حبيبي
باسل:طبعا لازم اخاف عليكي علشان انتي كل حاجه ف حياتي ي مرمر
وأخذت مرام منه رقم إياد شقيق سالي
مرام وهي تحتضنه: حبيب هارتي😂
باسل:بس برضو هعرف انتي عايزه إياد ف اي
مرام بجديه:اكيد هتعرف لاني هحتاجك وممكن كمان احتاج زياد صاحبك
باسل:دا الحكايه كبيره اوي بقا
مرام وهي تخرج من غرفته قالت:هجيلك كمان شويه احكيلك
وذهبت مرام لغرفته وامسكت هاتفها وقامت بكتابة رقم إياد وقامت بالاتصال فرد إياد قائلا:الو
مرام بإرتباك: الو...اياد
إياد:ايوه انا إياد...مين حضرتك
مرام:انا مرام صاحبة سالي
إياد بضحك: يا اهلا وسهلا بيكي ف موبايلي المتواضع😂
ضحكت مرام وقالت: اهلا بيك ياخويا
إياد بإستغراب:انتي جيبتي رقمي منين؟!!
مرام بضحك:من مصادري الخاصه
ضحك إياد قائلا:انتي اكيد كنتي عايزه سالي صح؟!!
مرام بإرتباك وتلعثم:لاء مش صح...انا كـ....ک...ک
ضحك إياد قائلا:انتي هتكاكي زي الفراخ ولا اي😂😂😂
ضحكت مرام بتوتر وقالت بسرعه:انا كنت عايزاك ف موضوع مهم وما حدش هيعرف يساعدني فيه غيرك
إياد بجديه:تحت امرك اتفضلي...انتي عارفه انك بالنسبالي زي سالي وساره بالظبط
مرام:ربنا يبارك ف عمرك وانت والله زي اخويا بالظبط
إياد:ها قولي بقا كنتي محتاجه مساعدتي ف اي
مرام:الكلام ف التليفون مش هينفع انا لازم اشوفك
إياد: تمام...شوفي الميعاد اللي يناسبك
مرام:بس انا مش عايزاك تقول لسالي اني كلمتك
إياد بإستغراب:تمام
مرام:يبقى بكره الساعه 5المغرب هنتقابل ف نفس المطعم بتاع المره اللي فاتت
إياد:تمام هستناكي هناك
مرام:بس ماتقولش لسالي حاجه
إياد:تمام
مرام:يلا سلامووز بقا
إياد بضحك:حتى انتي كمان بتقولي سلاموز😂😂
مرام:طبعا...يلا سلام
إياد:سلام
وأغلقت مرام وقالت ف نفسها:انا هاخد باسل معايا علشان ماينفعش اقعد مع إياد لوحدي
وذهبت إلى غرفة باسل وطرقت الباب ودخلت فقال باسل:ها كلمتي إياد؟
مرام:ايوه...بس هو انا محتاجالك بكره معايا ف مشوار كده
باسل:تمام...بس فهميني الحكايه من الاول
مرام:تمام...بص يا سيدي فاكر فارس اللي كان خاطب سالي صاحبتي
باسل:ايوه طبعاً فاكرُه...بس هما سابو بعض من زمان...بس انا مش عارف السبب لغاية دلوقتى
مرام:ايوه... المهم دلوقتي أن فارس بقاله سنتين بيحاول يوصل لسالي حاجه وهي مش راضيه تسمعه
باسل:بردو مش فاهم حاجه
مرام: النهارده واحنا راجعين من الجامعه كان في عربيه هتخبطنا...وطلع اللي كان هيخبطنا ده فارس...وكان بيتوسل لسالي انها تسمعه وهي مش راضيه....المهم دلوقتي أن في حاجه غلط ف الموضوع وانا لازم اساعدهم لانهم لسه بيحبوا بعض
باسل:طب هتساعديهم ازاي؟!!
مرام: اللي هيعرف يوصلني بفارس هو إياد وطبعا انا عارفه أن إياد مش طايق يسمع اسمه بس هو اللي هيعرف يجيبه ويفهمنا الموضوع وانت هتيجي معايا بكره وانا رايحه اقابل إياد
باسل:طيب هما سابو بعض ليه
مرام:لو طلع فارس برئ هعرفك السبب...لكن لو طلع فعلا عمل كده ف انا مش هاعرف اقولك.... وبعدين كده كده هتسمعني وانا واياد بنتكلم بكره
باسل بقلة حيلة:ماشي هساعدك وامري لله...طيب واي دخل زياد صاحبي بقا
مرام:لما نشوف بكره بس وهتعرف كل حاجه
باسل:تمام
مرام:يبقى انت كل اللي عليك تعمله بكره انك تقول لبابا اننا هنخرج الساعه 5 المغرب وتحاول تقنعه
باسل بضحك:لاحظي انك بتستغليني😂😂
مرام بضحك:استغلك مين ياخويا....بس يلا لو ليك حاجه عند الكلب قوله يا....
باسل:قوله يا سيدي
فضحكت مرام وقالت:ماشي يا سيدي😂😂
وخرجت مسرعه فقام باسل بالركض ورائها وقال:يعني انتي قصدك أن انا كلب ي كلبه انتي
و ظلوا يركضون خلف بعضهم حتى اصتدمت مرام بوالدتها فقالت مرام وقد توقفت عن الركض:اوووبس🤦انا اسفه ي سوسو
سميره:انا لو كنت....
فقاطعتهامرام وباسل ف نفس واحد:انا لو كنت خلفت فراخ كانت بقت احسن منكو
فضحكت سميره وقالت:انتوا مجانين والله😂😂
فضحكوا فقالت مرام بفخر: بصراحه يا سوسو دا وسام أضعه ع صدري😂😂
فضحكت سميره وقالت ربنا يهديكوا
وبعدها دخلت مرام غرفتها وبدأت ف المذاكره
~~~~~~~~~~~~~~~~~~~~~~~~~~~~
(ف صباح اليوم التالي ف منزل سالي)
استيقظت سالي وهي تشعر بالحزن لأنها كلما حاولت نسيان هذا الفارس حبها يتغلب عليها وتجد نفسها تشتاق إليه اكثر من قبل وترى أن حبه يتوغل بداخلها وكأنه خلية سرطان تنمو بداخلها فقامت وتوضأت ودعت ربها أن يرزقها الصواب وبدلت ملابسها بفستان باللون الاسود المتسع قليلا وارتدت عليه چاكت قصير من الچينز وارتدت عليه وشاح باللون الاسود وارتدت حذاء باللون الاسود وذهبت حيث تجلس عائلتها فقالت:صباح الخير
الجميع:صباح النور
إياد بإستغراب قال:مين اللي مات؟!!
سالي بإستغراب:هو في حد مات وانا مش عارفه
إياد:انتي لابسه اسود ومسوداها ع الصبح ف انا قولت اكيد حد مات
فضحكت سالي بحزن وقالت:خضيتني والله...انا هروح لمرام بقا
وذهبت حيث منزل مرام فوجدت مرام تفتح لها الباب وبعدها نظرت لسالي بإستغراب وقالت:خير ي سالي في ايه
سالي بإستغراب:في اي
مرام:لابسه اسود ليه؟!!
سالي بضحك:هو انتي واياد مستقصدني بقا
مرام:طب يلا علشان نلحق محاضرة چنكيز خان😂😂😂
فضحكت سالي وقالت:يلا ياختي
وتوجهوا الى الجامعه بعدما استقلوا سيارة أجرة ودخلوا وتوجهوا حيث قاعة المحاضرات ودخلوا فنظرت مرام وقالت بفرحه:هيييييه 💃😂
ضحكت سالي وقالت:في اي يا هبله
مرام بفرحه:چنكيز خان لسه مادخلش يعني مش هتهزق النهارده
ضحكت سالي وقالت:طب يلا نلحق مكان قبل ما الدكتور يدخل ونتهزق احنا الاتنين
جلسوا ف أماكنهم وبعدها دخل دكتور عمار وقال بصوت هادئ:السلام عليكم
الجميع:وعليكم السلام
وبدأ ف شرح محاضرته و ولكن كان شارد الذهن وملامح وجهه تبدو عابسه فقالت مرام بهمس:ماله ده...مقفلها ف وشنا حسبي الله والله😂
فضحكت سالي بصوت منخفض لأنها سمعتها ولاحظ عمار مرام وهي تحرك شفتاها بالكلام فقال بغضب:انتي يا آنسه
مرام بإستنكار:انا
عمار بغضب:اومال انا يعني؟!!
مرام بإستفزاز:نعم يا ضاكتور😂
فضحك جميع من في القاعه وهو حاول كبح ضحكته وقال بجديه مصطنعه:انا اسمي دكتور مش ضاكتور ي مهزئه
فقالت مرام بمرح:لاء بعد اذنك لحد هنا واستوب...الا كرامتي يا ضاكتور...دا حتى بيقولك الواحد من غير كرامه زي راغب من غير علامه😂😂
فضحكوا جميعاً بما فيهم عمار وقال بضحك:طب اقعدي مكانك ومش عايز اسمع صوتك....مفهوم
مرام وهي تؤدي التحيه العسكريه بمرح: تمام ي فندم
فضحكوا واكمل عمار شرح المحاضره وبعد وقت ليس بقصير انتهت المحاضره وخرجوا جميع الطلاب وذهبت مرام وسالي إلى كافتيريا الجامعه فضحكت سالي وقالت:بصراحه انتي ماخلتيهاش جامعه😂😂
مرام:ياشيخه خلينا ننبسط ونبل الشربات 😂 (بصوت عم شكشك😂)

(وع الجانب الآخر ف الجامعه)
كان يقف عمار ويتحدث بالهاتف مع شقيقه عمر ويقول:يعني بابا دلوقتي صحته كويسه ي عمر
عمر عبر الهاتف:ايوه ياعم عمار والله بقا زي الفل
عمار:طب خد بالك منه لغاية لما اجي
عمر:حاضر
عمار:يعني الضغط بتاعه اتظبط
عمر:ايوه والله الضغط اتظبط
عمار::طيب احلف
عمر بضحك: وراس ابويا وراس امي وراس السنه بقا كويس😂😂
ضحك عمار وقال: الحمدلله...دا انا والله كنت طول المحاضره زعلان اني مش عارف اقف جنبه
عمر:طب اي ذنب الناس اللي انت بتشرحلهم
عمار:ذنبهم اني الدكتور بتاعهم
عمر:طب سلام بقا علشان تشوف شغلك
عمار:تمام سلام
واغلق عمار مع عمر وزفر براحه وقال: الحمدلله
وذهب للداخل
وبعد مرور ساعات انتهى اليوم الدراسي فقالت مرام:يااااه الحمدلله خلصنا
سالي بشرود:ايوه فعلا
مرام بإستغراب:هو اي ده اللي ايوه فعلا
سالي بإنتباه:ها.. بتقولي حاجه ي مرمر
مرام بحزن لحالة صديقتها:لاء ي حبيبتي مش بقول حاجه
وتوجهوا الى منازلهم
(ف منزل مرام)
دخلت مرام المنزل وام تجد أحد فقالت بصوت عالي:يامااااماااا....انتي ياست ياللي بابا اتجوزها😂
فجاءت سميره وهي تقول:الصبر من عندك يارب
مرام:فين باسل ي ماما
سميره:ف اوضته
مرام:تمام
ودخلت مرام غرفتها لتبدل ملابسها وبعد قليل خرجت وذهبت لغرفة باسل فطرقت الباب ودخلت فقال باسل:انا ظبتلك بابا واقنعته أن احنا هنخرج شويه نتفسح
مرام:حبيب قلبي
باسل: حبيبتي ي مرمر اي خدعه
مرام:يلا هروح اقعد مع مامتي وبابتي شويه😂
باسل:تمام
وبعد مرور بعض الوقت جاءت الساعه الخامسه مساء وكانت مرام مستعده للخروج هي باسل فقالت مرام: يلا ي بيسو
باسل:يلا ي قلبه
وذهبت مرام وباسل للمطعم المتفق عليه ودخلوا فوجدوا إياد ف انتظارهم فتوجهوا حيث يجلس وسلموا عليه وبعدما جلسوا قال إياد:يلا شوفوا هتطلبوا اي
مرام:احنا مش جايين ناكل ياخويا
ضحك إياد وباسل فقال إياد:اتفضلي اتكلمي ي مرام هانم
مرام بإرتباك حاولت إخفاءه قالت:بص احنا هنتفق قبل مااتكلم انك مش هتتنرفز ولا تعلي صوتك ولا تتعصب
فضحك إياد وقال:انتي ليه محسساني انك هتتكلمي ف حاجه خطيره
مرام بتوتر:ما انا فعلا هتكلم ف حاجه خطيره
إياد بقلق:خير ي مرام
مرام:بصراحه الموضوع يخص سالي
إياد بقلق واستغرب:مالها سالي؟!!
ونظر إياد لباسل فقال باسل:اعتبروني مش موجود من الاساس
فقالت مرام:هو الموضوع مش يخص سالي لوحدها
إياد بنفاذ صبر:اومال مين ي مرام...انتي هتنقطيني بالكلام
مرام: الموضوع يخص سالي وفارس
اياد:فارس مين؟!!
مرام بخوف:فارس اللي كان خاطب سالي
إياد بغضب وقد تحولت عيناه للون الاحمر قال بغضب وصل لعنان السماء:نعم
************************************خلص البارت التاسع من رواية(احببتها بكل چوارحي)
بقلم/مريم السيد
البارت طويل اهو ي قمرات وبجد بشكركم كلكم ع تشجيعكم ورأيكم اللي انا بحبه وبيفرحني وربنا يديمكم متابعين وبجد انا بحبكم اوي والله مش مجرد كلام⁦ لانكم زي مانا بقولكم ع طول انتو عيلتي التانيه وربنا يبارك فيكم جميعاً⁦
بحبكم في الله 💙