Sweet And Sour Roommate

CHAPTER 6 Beach Resort

Amira's POV

Sinabi ni tita na sagutin ko muna yung tawag pero inend call ko na lang ito dahil unknown number.

"Tita please, kaya ko naman magisa sa condo unit ko e"

"Anak, alam ko namang kaya mo pero hindi naman yun yung rason ko"

"Yung pagiging single ko na naman ba? Tita naman"

Tumango siya at uminom ng iced coffee na inorder namin.

"Bakit ganun mo ko kabilis ibigay sa iba tita? Malay mo masamang tao pala yun"

"Hindi masamang tao si Ace atsaka magiging kapartner mo lang naman yun sa pagmamaintain ng resort"

"Oo nga pala, wala akong alam tungkol sa kanya"

"Gusto mo ba malaman? Para may pagasa na maging kayo?" ngumiti si tita Iza.

"Imposibleng magustuhan ako nun atsaka ayoko ko sa kanya"

"Four years na nagwowork si Ace dito sa resort kahit college student pa lang siya dati ay nagpapart time job siya hanggang maging full timer na siya at nakita ng daddy mo na sobrang sipag niya at responsible na bata. Inuuna niya yung trabaho kagaya ng kuya Austin mo at balita ko single yun. Taga Manila din siya pero parents niya nasa ibang bansa at may isa siyang kapatid pero hindi ko pa nakikilala. Mabait na bata yun, madami kang matututunan don. Magaling pa magluto" 

"Wala me pake kung single siya tita atsaka hindi yun mabait, ang sama sama nga sakin e. Magaling nga magluto pero ayaw naman magshare ng food" 

"Hayaan mo magiging close din naman kayo nun. Malay mo maging kayo" ngumiti ulit si tita. 

"Never na mangyayari yun tita" inubos ko na lang yung cupcake na nasa lamesa at nagtanong pa kay tita tungkol sa resort namin. 

"Huwag mo na sakin itanong yung mga yan. Malalaman mo na rin naman kay Ace. Siya na bahala sayo. Una na ako anak, madami pang pinapagawang papeles dad mo" umalis na siya ng coffee shop at ako na lang naiwan.

Si tita Iza nagtratrabaho din sa resort namin dito sa Pangasinan pero bakit kailangan ko pa malaman yung mga bagay bagay doon sa lalaki na yun. 

Nagring yung phone ko at nakita kong number ni Georgia to. 

"Oh bakit ka napatawag?"

"Anong floor yung condo unit mo atsaka anong room number?" tanong niya.

"Bakit mo tinatanong? Huwag mong sabihing andito ka sa Pangasinan ngayon"

"Andito nga ako bestfriend" 

"Sabi na e, antayin mo ko diyan ha sa swimming pool area" Binaba ko na yung tawag at sumakay sa kotse ko. Oo, tama yung narinig niyo syempre nakapasa ako sa drivers license exam. 

--------------

Pagdating ko sa swimming pool area ay wala naman doon si Georgia kaya tinawagan ko na lang ulit to.

"Asan ka na?" tanong ko.

"Hi bestfriend hindi mo naman sinabi na sobrang pogi pala talaga yung roommate mo" sabi niya ng mahina.

"Gusto mo ba ng water, juice or kape?" narinig ko yung boses ni Ace sa kabilang linya.

"Ikaw na lang, ay este kape na lang" tumawa ng mahina si Georgia. Binaba ko na yung tawag at pumunta na agad sa elevator.

Pagpasok ko sa condo unit ko ay nakita kong nasa sala si Georgia at niyakap ako bigla.

"Miss na kita agad bestfriend. Buti na lang nakita ko tong ka roommate mo sa baba at tinanong ko kung kilala ka niya"