Sweet And Sour Roommate

CHAPTER 19 Cat and Dog

Amira's POV

Nagmamaneho ako ngayon pauwi at hinihingal ako dahil tumakbo ako palayo sa club na pinuntahan ko. 

"Mukha ba akong nakikipaglaro doon?! Let's play a game daw" inis kong sabi.

Tumakbo na lang ako palayo dahil hindi ko alam kung anong pwedeng gawin nila sakin lalo namang hindi ko alam kung anong atraso ko sa lalaki na yun. 

"Bakit ngayon ka lang?" tanong ni Ace sakin pagpasok ko ng bahay.

"Pakealam mo ba" sagot ko naman at pumunta na ng kwarto para makapagpalit ng damit.

Kumatok siya sa pintuan. "Saan ka nga pumunta?" 

"Ano ba meron kung saan ako pumunta? Boyfriend ba kita ha?" 

"Pwede naman kung gusto mo" mapangasar niyang sabi.

"Ewan ko sayo" sagot ko at pumunta naman ng kusina para maghanap ng makakain.

Pumunta din siya sa kusina at may kinuhang tupperware nilagay niya ito sa microwave oven.

"May natira pang adobong manok, ininit ko na para sayo" sabi niya.

Nagsandok na lang ako ng kanin sa plato ko. 

"Kumain ka ng madami, ano ba kasi nangyari at mukhang hinihingal ka kanina. May humahabol sayo?" tanong niya.

"Pwede ba, kumakain ako diba" masungit kong sabi. Umalis na siya ng kusina at pumunta sa sala.

Hinugasan ko na yung pinagkainan ko at naglakad papunta sa kwarto ko pero humarang siya.

"Umalis ka nga diyan sa harapan ng pintuan ko!" 

"May humahabol ba sayo?" seryoso niyang tanong.

"Wala" sagot ko. 

"Hindi ko ginusto makipagdate kay Britney" sabi niya.

"Bakit? Anong kinalaman ko diyan?" tanong ko.

"Kaya matagal ako nakauwi non dahil pinakilala niya sakin mom niya at nandoon din si Mr. Rondell"

"Nasa Pilipinas si dad?"

Tumango siya. "Kwinento lahat sakin ng mom ni Britney nung mga panahon na bata pa kayo"

"Huwag ka maniniwala sa kung anong sasabihin ng babae na yun" sagot ko.

"Bakit naman?"

"Anong sinabi niya sayo?" mahinahon kong tanong.

"Na sobrang close kayo ni Britney dati at hindi niya daw alam kung anong rason kung bakit galit na galit ka sa kanya"

"Liar" sagot ko. Walanghiya talagang babae na yun bakit kailangan niya pa magsinungaling kay Ace.

"Ano pa?" tanong ko.

"Bukod sa pinagmamalaki niya ang sarili niyang anak, sinabi niya din na pinalaki ka niya ng isang mabuting anak at dapat nga daw magpasalamat ka sa kanya"

"Miss ka na rin ng dad mo, pinapasabi niya sakin" miss niya na daw ako?! Kung hindi pa nga dahil kay Ace e hindi ko pa malalaman na nandito sila sa Pilipinas. 

 "Mga sinungaling sila!" inis kong sabi.

"Bakit ka ganyan kay Ms. Maria at sa dad mo?"

"Hindi naman totoo lahat ng sinabi ng mama ni Britney e, na close kami ng anak niya? Na inalagaan niya ako ng maayos? Sinungaling siya!"

"Nasaan ang real mom mo? Lagi kasing binabanggit ng dad mo na si Ms. Maria yung mom mo, pero nalaman ko dati diba na half sister mo si Britney"

"Wala na si mom" malungkot kong sabi.