#آحببت_غجريه 🔥 🆕
🔥 الحلقه 19 🔥
🔥 عنوان الحلقه ألتقيت بأختي ولم اعلم حينها 🔥
نرمين تسمع بإهتمام وبعد انتهاء البرنامج طفت تي في وعدت دغري لغرفتهاا واختارت فستان حلو ولبساته وطلقت شعرهااا ودارت لمسات بسيطه وبخت عطرها يلي يحبه مراد وبعد وقت سمعاته فتح الباب وخش وهي ابتسمت وعدتله وهو حط الاكياس عالطاوله وهي جاته وحضناته وهو حس عليهاا وهي بعد وقت انصدمت و وخرت من عليه بعد فاحت عليها عطر نساء هي ما تستخدم فيه وهو ألتفت وبحت فيهاا والصدمه التانيه حطت يدها علي تي شرت امتعه هضاا شنو 😨 هضاا روج من ؟؟ بحت فيا احكي اتخون فيا يا مراد ودفاته احكي ليش تبحت وساكت جاي لاعندي بهالمنضر تعلن في خيانتك ليااا جاي وريحتك عطر وحده تانيه ؟؟؟ واثار شفايف علي تي شرت امتعك وهو بحت في تي شرت امتعه وانصدم وبحت فيها : لا انتي فاهمه غلط
وهي عصبت : شنو يلي فاهمه غلط كل شي واضح قدام اعيوني انت خاين انا ما قصرتش امعاك يا مراد وحتى كل شي يعصب فيك انا غيرته علي شانك لاني انحبك بس طلعت غلطانه انا انضحك عليااا وهو عصب وضرب الطاوله بيده : قتلك انا ما خنتك وسلح تي شرت امتعه وعزقه بعصبيه عالارض انا ما خنتك افهمي قبل ما تحكمي عليااا وهي نزلو دموعهااا وهو قال : انا ما خنتك صدقيني ومسك وجها بإيديه وهي نزلت يده وخر ماتقربش مني وعدت وهي ترعش لغرفتهاا وحطت ايديها علي وجها ومراد لحقهاا وقعد علي ركبيه ومسك يديها بعد كرهم من وجها بحتي فياا في حد يخون يلي يحبه انتي مش واثقه فيا ؟؟
نرمين : نزلو دموعها فهمني قولي شنو هضاا وريحني
مراد : حاضر توا نحكيلك بس اهديي وجايلها اميه وشربهاا توا جاهزه تسمعيني وهي هزت راسها وشدت علي يديه احكي يا مراد نسمع فيك 😣
مراد : تنهد اناا لما طلعت من عندك هنا وماشي للسوبر ماركت وهو يذكر شنو صار قبل ساعتين
نزل من سيارته وخش للسوبر ماركت جوا وخداه الحاجات يلي طلبتهم نرمين وحطهم في السياره وبعدها ركب في سيارته وعداا وهو ماشي في الطريق وقفاته بنت في نص الطريق وقعدت تشيرله يوقف بسرعه وهو وقفلهاا وهي دغري فتحت باب وبحتت فيه : تحرك بسرعه يبو يمسكوني هيااا لو سمحت
مراد : استغرب وحرك السياره وبحت فيها من يلي يلحق فيك وشنو يبو منك ؟؟؟
جود : انا هربت منهم بعد قتلهم نبي نخلي شغل
مراد : بحت فيها وشنو هو هالشغل ؟؟؟
جود : لو سمحت فكني من التحقيق وسوق انا شقتي في منطقة ؛؛؛ ومراد سكت ومستغربها بحت فيها وهضا وين انتبه للبسها الاوفر تأفف وبحت في طريق و وصل بعد وقت للمنطقه يلي قالت عليها هالبنت وهي نزلت وبحتت فيه انزل معايا اشويه ومش حانعطلك خايفه يكونو يراجو فيا هنااا ومراد بحت في عماره وتنهد ونزل من السياره وجاه معاهاا وهي تمشي بسرعه و وراته شقتهااا فتحتهاا وهو خش وبحت فيها : شنو شغلك انتي ؟؟؟
جود : تضايقت من اسألته وحبت تغريه يمكن يسكت وماعش يسألهاا وقربت منه وحضناته ومراد حاول يحولها بس هي شاده عليه وبعد جات تبي تقرب منه مراد دفها : حولي شنو اديري انتي 😡 شنو هالتصرف
جود : بلعت ريقها توقعاته زيهم بحتت فيه اهدأ ما درتش شي بس انا خايفه
مراد : خايفه تتصرفي هك ؟؟
جود : معاك حق اسفه حقك علياا وقربت باست كتفه وتلطعت روج وهو ما انتبه لهاا وبعد قربت منه اخرا دفهاا بالقوه وهو يبحت فيهاا بحقد وفتح الباب
جود : خودني معاك حايجوني وانا مانبيش نمشي معاهم انا ماعندي حد يتيمه وانضحك عليا وانا هربت منهم لان طلع المكان يلي قالولي اشتغلي فيه مش مزبوط وانا هربت مانبيش نكمل هالطريق بس احميني لو سمحت يعرفو عنواني هضا وتوا يجوني وانا ماعندي وين نمشي وانت كتر خيرك وقفتلي مافيش حد وقفلي غيرك الكل تهرب ومراد شد علي يده وهمس : استغفر الله خشي استري روحك وألحقيني ونزل وهو راقيتله وقعد في سياره وهي بعد وقت جات ولابسه جاكه فوق فستان وسروال ولافه شال وركبت في سياره ومراد بحت فيها : اسمعيني انا راجل متزوج ونحب زوجتي والتصرف يلي درتيه قبل اشويه ما يتعاودش مفهوم 👉
وهي هزت راسها وقالت : انا بس نبيك تقعد وماتمشيش وانت تسأل فياا ومانبيش حد يسألني عن مكان شغلي درت هك عشان وبعدها سكتت
مراد : عطاها نضره وهمس قلة ادب وحرك السياره وهو معصب وبعد وقت وصل للحوش بحت فيها انتي خليكي هناا لاعند ما انجي اشويه بس نحكي لزوجتي يلي صار بس مانبيش نخشيهاا فجأه وهي هزت راسهاا ومراد خداه الاكياس معاه وركب للدور الاول
ونرمين شفاته وهضا يلي صار
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
