احببت غجرية ( روايات ليبية )

حلقة 3🔥

#آحببت_غجريه 💃🔥 الحلقه 3 🔥 🔥
نرمين : غصت
ايهم : عطاها اميه اشربي
نرمين تشير علي ضهرها زقني
ايهم : كيف 😮
نرمين : اممممممم
ايهم : اها فهمت وصبا وزقها بالقوه 👊
نرمين : اااااه يا تافه وزقاته علي بطنه خزي عليك شكل وهو حسها حط يده علي بطنه و وجه قعد احمر والاستاذيه مصدومين فتحو فمهم 😮 من يلي صار توا وايهم ما حوته قعد ويده علي بطنه وهي ماسكه ضحكتها علي شكله وغمزتله وهو ابتسم الفرخ ☺
وقعد يتفرج عليها وهي تاكل حتى كملت وصبت وهو لحقها فطنت له بحتت فيه كنك يا فستري شنو تبي
ايهم : هههه لا شي عادي نوصلك
نرمين : لا توصلني لا نوصلك حوشي قريب خطاني توا اديريلي شوبها
ايهم : هههههه في حد قبلي قال انك تجنني 😉
نرمين : لا ما حدش قال وشكرا عاللقاقه وعدت
وهو ضحك عليها وقال اه والله اتجنن

روحت علي كرعيها نرمين حتى وصلت للحوش
نرمين : وينك يا ماما وسلحت كويشها وخشت
امها : انا هنا في المطبخ اندير في الغذاء
نرمين : خشت عليها امممم شنو هالريحه الحلوه هذي بس انقني توا ماعندي نيه لشي نبي نرقد ونوضيني علي اذان الضهر
امها : باهي شنو صار في الشغل
نرمين : امور تمام غار المدير دمه ثقيل هو وخطيبته ربي يعيني عليهم وخلاص
امها : تحملي وخلاص ما اضيعي شغلك يا بنتي وهيا عدي تريحي
نرمين : حاضر تصبحي علي خير هههههه وعدت
وامها ضحكت
خشت نرمين غيرت وعدت غسلت وجها ويديها وكرعيها خشت لسريرها رقدت 😂

مراد يدخن ويتأفف خش عليه ايهم
ايهم : روحت خساره
مراد : وانا انقول المدرسه قعدت هاديه توقعتها عقلت تريتها روحت
ايهم : كنك معاها يا راجل وبعدين عندها حصه وحده بس عطتها وروحت وهذي استاذة رياضه كلهم هك يعني كنك انت
مراد : لا مش كيفها وحق ربي مجعزه مش بس هرجه يلي دارتها برا حتى قلت ادبها معايا واترد كلمه بكلمه تي جالطه وما اتحشم علي وجها شكلها مش متربيه
ايهم : راك زودتها شنو اتقول انت وهنا كلمتين يا صاحبي تحكي عليها هك اخرا انا حانخلي مدرستك هذي نحكي جديات راك تحكي علي بنت الناس والله حكيت معاها عليك جو فيها واحسن من خطيبتك اخرا وعلي قولتها قطيعه وعدا طلع وهو معصب
مراد : لا هك واجد سحراته هالبنت شنو دايرتله شنو عجبه فيها وحق ربي عليك طبع اخييي
وخداه مفتايحه وطلع وتلاقه مع خطيبته
ساره : شنو حبي تبي اتروح انت
مراد : راسي يبي ينفجر ونبي نرقد
ساره : يانعليا سلامة راسك حبيبي وحطت ايديها علي راسه وهو نزلها وعدا وهو يتأفف ويتمتم انا كرهت بنات حواء اليوم
ساره : كنه هضا ناقصني انا كل مره بطبع احسن حل انكسد مع حسن وطلعت اتصلت بيه وتحكي معاه

يسوق وهو يعيب عليها صار انا مشيتي زي النعجه توا نوريك وحق ربي اتشوفي وبكرا حانوريك يا ام لسان طويل والله هضك يلي كبد فيها بسرعه وما يتحمل فيها كلمه وحده تي شنو عجبه فيها عليك ستايل عليك قلة ادب عليك صوت مجعز ماتسكتش بكل قرقرقرقر وخلاص تي شنو هضا ناقص انا اول مره نحقك وحده هك تي نسحب بنات حواء كلهم  رقيقات تي هذي لا رقيقه لا فيها انوثه همجيه وما اتحشم علي وجها لسانها تبيله قص ✂ تي خلتني زي المجانين نحكي بروحي خزي عليها وقعد يسوق ومزال يحكي عليها 😂 حتى بعد وصل للحوش ومزال يتمتم بسيرتهااا خش لغرفته وسلح ساعته ودبلته وخداه منشف وهو يتمتم نمشي ندوش خيرلي  ونمشي ننخمد وامه بعد سمعاته جاه عدت لغرفته ولقاته مش قعد وسمعت صوت الميه في حمام عرفاته يدوش ابتسمت وقبل ما اتعدي سمعاته يحكي بروحه بسم الله كنه وقربت تسمع
مراد : تمشي زي النعج انت وحده تافها وحط شامبو علي شعره وهو معصب وحق ربي ما اتحشم كل بنات حواء ما ايتحشمن اخرا وامه فرحت تسحبه يحكي علي خطيبته لان مش عاجبتها هو اختارها بروحه وهي ما عجبتها عدت وهي فرحانه 😂 الحمدلله ياربي ان شاء الله يفترق هو وياها ما حبيتهش وما نبيها تكون كنتي وبحتت في بنتها يلي تضحك عليها
عزيزه : كنك يا ماما تدوي بروحك
امها : خوك يا حنه روح توا ونسمع فيه يسب ويحكي علي بنات حواء شكله متعارك مع خطيبته احسن ان شاء الله يتخلص منها بسرعه قبل ما ايجوزها
عزيزه : هههههه واخيرا الحمدلله يلي تعاركووو وحق ربي ما انحبها اخييي رافعه خشمها ومغروره بجمالها ما تسحب روحه الملكه كيلوبترا 😂
امها : اشش خلاص توا يسمعك
مراد : لف روحه بالمنشف ويتمتم صار تاخديني بالاحظان وتبوسيني وحق ربي مش مزبوطه هالبنت وما كمل كلمته وهو زالق وطايح اااااه يا ضهري
امه : بسم الله شكله طاح خزي كله منها شكلها داعيه عليه ان شاء الله ما تتهنى في نومها وعدت هي وبنتها يدقو عليه يا مراد كنك شنو صار
مراد : صبه وهو يتألم ما اصلا حظي متفترش انا ويومي من بدايته اخييي وفتح الباب ما تخافوش طحت وعدا قعد عالسرير اه تكسرت اطلعو نبي نغير ونرقد تعبان بكل انا
امه : باهي مافيش اخبار حلوه
عزيزه : اها قول فيه اخبار حلوه مثلا زواجك امتى
مراد : تي اي زواج انتو تحكو مش وقتكم بالله عليكم خلوني في حالي راه ننفجر قنبلتي عليكم 💣
عزيزه : يا ساتر
امه : لا شكله الموضوع كبير
مراد : قتلكم خلوني في حالي تي اطلعو نبي انغير
وعزيزه هربت خافت منه وامها قبل تبي خبر حلو ان انفصلو بس طلعت بعد شفاته معصب وهو سكر الباب بالمفتاح .... طح سعدها وحق الله جالطه وقليلة ادب
ولبس توته وخش لسريره توا تشوفي بكرا توا نفضالك
وغمض عيونه ان شاء الله ما تطلعي في حلمي بس