#آحببت_غجريه 🔥 في الحلقه 22 , 👌 🔥
في صباح يوم جديد والله عالاجواء الحلوه ومراد جهز نفسه عشان يمشي للمدرسه ونرمين شفاته وابتسمت وقالت : نمشي معاك نغير جو مليت ياروحي وهو 😂
وبحت فيها : تبي تمشي علي شان تغيري جو والله عشان غايره عليا وتحطي العين عليا يا بنت 😉 وهي ضحكت وقالت : الاتنين وهو ابتسم وقرب قعد جنبها وهمسلها : انا نفرح لما انتي تغيري علياا وخاصة وانا نشوف في هالنظارات المتفحصه هذي لما تشوفيني متأنق وانا نموت في غيرتك والله وباس راسها وهي وجها قعد احمر وحطت يدها علي بطنها شوف ولدك تحرك وهو ضحك وحط يده علي بطنها : اووو يتحرك هالحلو امتى يجي ونمسكه ونفرح بجيته ويفرح العيله بجيته وهي ابتسمت وشدت علي يده : نحبك
مراد : ابتسم نموت فيك اناا وهياتا كان تبي تمشي وهي فرحت وصبت وجهزت ت ت قعد يساعد فيهاا وهي فرحانه بإهتمامه وحبه لها وهما نازلين من الدروج شافو جود تراجي فيهم تحت وابتسمت لهم وهما ردولها البسمه وقالو : يا صباح الحلاوه يا جود
وهي ابتسمت : صباحو يا حلوين علي فكره انتو تجننو مع بعضكم ولايقين علي بعضكم واجد ربي يحفظكم ويسعدكم يارب 🙌 وهما ابتسمو ومراد بعد وصل لاعندها باس راسها و يحفظك يارب شنو وين ماشيه ليش لابسه وهي قعدت تلعب علي صوابع ايديها بإرتباك ونرمين بحتت في مراد وابتسمت علي تصرفات جود وارتباكهاا زي البيبي ومراد ابتسم وبحت فيها شنو يا بنت تبي شوكلاطه 😂 وهي ضحكت و وجها قعد احمر لالا مش شوكلاطه انا نبي نمشي معاك للمدرسه واي شي تعطيني نمسكه راضيه بيه مليت من قعدت الحوش وهو ابتسم : تنور المدرسه والله اكيد هياا وحتى الاميره تبي تمشي وبحت في نرمين وغمزلها وهي ابتسمت وجود ضحكت وحضناته : شكرا وهو ابتسم : هيا راه انغير رأي انتو الاتنين راه اخرتوني بما فيه الكفايه وهنا ضحكن وعدو مع بعضهم بعد ودعو الام وان طالعين ركبو في السياره وفي طريقهم للمدرسه وبعد وقت وصلو ونزلو مع بعضهم والطلبه بعد شافو نرمين جوها يجرو وهدو عليها وهي ضحكت وقعدت تبوس في خدهم كلهم وهما فرحو وقالو : رايفنا عليك يا استاذه وهي ابتسمت : وانا اكتر رايفتلكم واجد يا حبايبي ونور مسكت يدها : يعني حاتلعبينا زي قبل ونرمين كشخت بضحكه لالا مانقدرش توا بعد انجيب البيبي الحلو هضا وحطت يدها علي بطنها انا حانجي ونلعبكم اوكي وهما فرحو هااااي ✊ وهي ضحكت وحتى مراد وجود وخشو مع بعضهم جوا ونرمين رايفت علي اجواء المدرسه قعدها مراد عالكرسي وجود بحت فيها : امممم محتار وين نحطك يا بنت
وهي ابتسمت : اي شي وبحتت في مقصف من ماسكه هضاا ومراد بحت في المقصف اممم : ماسكه حمزه بس توا عريس امسكر هههههه شنو تبي تمسكي مكانه وهي هزت راسهاا ومراد قال بأبتسامه : حلوو توا نجيبلك المفتاح ونعطيه لك وهي هزت راسها وقعدت جنب نرمين وقعدو يرجو في مراد
جود : مراد مافي اطيب منه
نرمين : اكيد هو حنون وانا انحبه واجد
جود : كيف تعرفتو علي بعضكم خاطري نعرف قصتكم تشوقت انا علي فكره
نرمين : ههههه قصتنا غريبه ضرب وسب وعرايك انا وياه علي فكره وهو كان خاطب وياما صار ههههه
جود : لا عاد تبيلناا قعده حلووه هك وتحكيلي القصه كلهااا نبي نعرف ونرمين ضحكت وهزت راسها حاضر
مراد جاه ومدلها المفتاح : تفضلي يا اميره
جود : ابتسمت شكرا يا الغالي وعدت وهي تبتسم وفتحت الباب وبدت في شغلهاا
نرمين : كيييييوت جود ربي يحفظهاا
مراد : ويحفظك يا قلبي وباس يدهاااا
وألتفتو علي صوت عزيزه وايهم وضحكو بعد قالو : شنو اجواء زمان عكس توا نحنا نشوفو في الحب مش الكره والحقد 😂
مراد : لا عاد توا غير توا هي كل شي في حياتي
ايهم : ناعليا انااا وبحت في عزيزه وعلي فكره اختك اتجنن زي خوهااا وياريتني من زمااان متزوجها هههه
مراد : والله منك ليش ما طلبتهاا مني من زماان 😉
عزيزه : قعد وجهااا احمر 🙈
ايهم : ناعليااا من هالخجل يارب
وعلي فكره يا مراد الاميره تبي تشتغل هنااا
مراد : اوووو شنو انتو يا عيت حنه متفقين مع بعضكم والله كيف جود ونرمين وتوا انتي ههههههه
عزيزه : ههههه تحكي جديات جود هنااا
مراد : طبعا وشير عالمقصف وايهم وعزيزه ضحكو : تي نحنا قبل نبي نحكولك تشغلها بس هي سبقتنا هههه والكل ضحك وجود سمعت ضحكهم بحتت فيهم مع الروشن وقالت بضحكه : فطوركم عليا اليوم
وهما انفجرو ضحك وقالو : اوكي اهم شي المنظر يلي يشهي وهي ضحكت : تأمرو انتو من اعيوووني 😉
حمزه : بحت فيها حبيبتي يا كسوله نوضي من امبدري وانا نرجا فيك اتنوضي رايفت عليك وعلي صوتك وهي فتحت عيونها ولقاته قريب منها وينوض فيها ابتسمت بخجل وقالت : صباح الخير
حمزه : الله عالصباح يلي يجنن هاليوم هضا مش حاننساه لان اول يوم في حياتي نتصبح علي ملاك راقد جنبي وهي وجها احمر قعد وغطت وجها : خلاص والله يا حمزه كلماتك ذوبتني ساد عاد وهو ضحك وحول يديها من وجها : ليش بس ماهو من حقي نتغزل في هالملاك واجمل ملاك ناعلياا اناا طاير عقلي فيك وبكل شي انتي اديريه واتقوليه و وجها زاد احمرار وهو ما بطلش وباس راسها وهمسلها هناا الموده ❤ وباس خدودها في جرت بعضهم وقال : وهنا العشق وهي وجها قعد احمر وهو ابتسم وقرب باس شفايفهااا 💋 وهمس وهنا الروح ومسك يديها وبحت في اعيونها وباس يدها 😘 وهنا الاحترام وهي راحت فيهااا وقالت بخجل : انت ناوي تقتلني
حمزه : ليش بس في حد يقتل روحه وحول جمتها من وجهااا هااا قوليلي وهي ابتسمت وحضناته : اناا انحبك وانموت فيك قعدت مهووسه فيك ياروحي
وهو ابتسم وهمس شنو تبي ترقدي اخرا والله كيف وهي ضحكت وبحتت فيه : وما احلاني لما نرقد في حضنك الدافي يلي حسيت بالراحه وانت غامرني بحبك وانت سحرتني في كل شي درته ليا وكل كلمه قلتهاا كان واضح الحب بعيونك وانا الغبيه يلي ما انتبهت لك من زمان وهو ابتسم ومسك يدهاا وبحت فيهاا : انسيه الماضي وخليكي في الحاضر انتي حلالي توا انتي حاتكوني معاياا طول العمر وهي ابتسمت وهمست واحلى عمر حايكون معاك ❤❤
وهو ابتسم وحضنهااا وهي غمضت عيونها وطاير عقلهاا فيه وهي تعشقه بجنون قعدت زي ما يعشقهاا
نرمين تتفرج علي مراد وهو يلعب في الطلبه في كوره ابتسمت وهي تبحت فيه وزاد حبها له انتبهت لها جود مع الروشن وهي تبحت في مراد وقالت : ناعليا المسكين مش فاطن لنظارتك يا سموحه ونرمين وجها قعد احمر ومراد انتبه لها وشاف وجها ابتسم ودارلها شكل قلب بصوابع يديه (｡♥‿♥｡)
وهي ابتسمت وحركت شفايفها بكلمة انحبك وهو فهم وقال بصوت عالي وانا اكتر 🔥 اشويه واحد من الطلبه طلق الكوره علي راسه 😂 والكل ضحك واولهم نرمين انفجرت ضحك وقالت تستاهل وهو دار روحه زعلان : ما انا الراجل المسكين يلي مش ملاقي حد يخاف عليه ويحبه ويجيه يلمس وجعه ويشفيه له وابتسم بعد شافها صبت وجات لاعنده وحطت يدها علي راسه وبحتت في عيونه هالوجع قبل ما انت اتحسه انا حسيته وهو وجعني قبلك ومراد ابتسم وحضنها انحبك وجود تضحك 🙈 ااه من يلي يرضى فيااا بس ونزلت راسهاا وجات عينها علي صوره معلقه عالساس قربت منها وبحتت فيهااا كان فيها شاب هي استغربت من ايكون بعدها اذكرت ان مراد قال ان ماسك هالمقصف واحد وهو عريس توا تنهدت ونزلت راسهاا وهمست ربي يسعده شخصيه وردت للروشن اخرا وهي تشوف في مشاكسة الطلبه لنرمين ومراد ويضحكو حواليهم ابتسمت لهم ❤
.......يتبع
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
