#آحببت_غجريه 🔥 🆕 🔥 الحلقه 20 🔥
بحتت في جهة الدروج وقعدت اتنادي يا مراد 😭 تعال بوك طاح مش عارفه شنو صارله وقعدت تبكي ومراد نزل بسرعه ونرمين وراه وجود اتبحت واذكرت معاناتها بموت عيلتها 🔥 ومراد مصدوم قعد ينوض في باته وبحت في امه : شنو صارله ليش طاح وامه تبكي وقالت : مش عارفه يا وليدي طلع من الصاله بسرعه وبعدهاا طاح ومراد شاله وقال : انا لازم نشيله للمستشفى ونرمين قالت : نمشي معاك وعدت بسرعه لحوشها وامه : طمني عليه يا مراد مش قادره حتى انصبي علي كرعي ومراد توا نطمنك وعدا بسرعه وحط باته في السياره وركب ولع سياره ونرمين جات بسرعه ركبت جنبه ومراد عده للمستشفى طول وهو مشغول باله علي باته وخايف يصيرله شي ونرمين تهديي فيه وكل اشويه اتبحت في باته يلي مزال فاقد الوعي وبعد وقت خش مراد للمستشفى وهما عرفو ان حاله طارئه جالوله سرير متحرك وحطو فيه باته وشالوه جواا للاسعاف ونرمين لحقت مراد يلي خايف يصير شي لباته بحتت فيه نرمين وحضناته : ما تخافش مش حايصيرله شي ومراد قال ودموعه يبي ينزلو : لو صارله شي حانموت والله مانقدر يا روحي مانقدر علي فراقه ونرمين بحتت فيه ومسحت دموعه : مش حايمشي ومش حايخليك هو تعب اكيد ولكن مش حايخلينااا وحضناته وبعد حوالي ساعه او ساعتين وهما يراجو مرا يقعدو ومرا يمشو في المومر وبعد وقت طلع دكتور ومراد صبا بسرعه وقال : طمني يا دكتور شنو صارله هو حايتحسن صح والدكتور قال : قلبه ضعيف وكان حايوقف ونحناا قدرنا انخلوو نبضات قلبه اترد طبيعي والحمدلله ما خسرناش والحمدلله علي سلامته وعدا ومراد فرح وهمس الحمدلله وحضن نرمين الحمدلله ما عدش وهي ابتسمت مش حايعدي ولا يقدر يخليناا ومراد ابتسم وباس يدهاا وبحت في غرفة العمليات وبعد وقت طلعوه حطوه في غرفه خاصه ومراد ونرمين لحقوهم وبحتو فيهم : نقدرو انخشو وهما هزو روسهم : بس ما اتعبوش المريض قلبه ضعيف وما يتحملش ومراد : هز راسه وقرب من باته وباس راسه وقعد عالكرسي ونرمين تبحت فيه وزعلانه عليه ومراد اتصل بأمه وطمناا علي باته وبعد ناض باته وفتح اعيونه نطق بصعوبه وقال : مراد وهو بحت فيه وقال : بابا وصبا وبحت فيه الحمدلله علي سلامتك خوفتناا عليك ونرمين قالت : الحمدلله علي سلامتك ياا عمي وهو هز راسه وشد علي يد مراد وقال بصوت واطي : امك واختك وينهم ومراد قال : توا نجيبهم لك حاضر وباته قال : جيبهم كلهم حتى بنت يلي جبتها ما تخليها بروحها ومراد هز راسه ونرمين خافت وتفكيرها عدا بعيد : زعماا يقوله اجوزهاا انموت بعدهاا حقت مراد عده وهي لحقاته مراد وهو ألتفت وبحت فيها : نعم يا روحي ونرمين قالت : نمشي معاك ومسكت يده ومراد قال : لا خليك مع بابا بلكي يبي شي ونرمين ما طلقتش يده وهو بحت فيها وقرب باس راسها ما تخافيش انا عيوني لك انتي وما تبحتش في وحده غيرك انا انحبك انتي ومش حاتكون في حياتي بنت غيرك وهي ابتسمت وحضناته وبحتت فيه ما اطولش وهو هز راسه وباس يدها وعدااا ونرمين تنهدت وردت للغرفه اخرا وبحتت مع روشن وشفاته عدا ابتسمت وبحتت في باته حسن يلي رد غمض اعيونه ونرمين قعدت عالكرسي وترجا في مراد ايجيه وفكرة ان مراد يبحت في وحده غيرها او يتزوج غيرها تبخر بعد قال ان مستحيل ايكون في حياته بنت غيرها هي ابتسمت ❤
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
