#آحببت_غجريه 💃🔥 🔥
المقدمه والحلقه 1 🔥 ❤
تحكي حكايتي عن بنت اسمها نرمين م 90 وهي مستهتره بكل ومجنونه رسمي وهي وحيدة عيلتهاا وطبعا متخرجه وتوا هي قدمت في مدرسه وما حصلتش ألا استاذة رياضه 🏀⚽🎾⚾ وطبعا وافقت ورضت بالشغل واليوم أول يوم لها 🔥
الحلقة 1 /
قعده في غرفتها تجهز في نفسها ولبس ستايل خطير كأستاذة رياضه وطلعت من غرفتها وامها شافتها وقالت : صباح الخير طالعه توا
نرمين : اها يا ماما ماشيه توا دعواتك ليا وكرت سندوتش من يد امها
امها : ديري بالك علي روحك يابنتي
نرمين : ما تخافيش يا ماما وهيا باي وطلعت تمشي علي كرعيها وتاكل في الشارع هههههه
والكل يبحت فيهاا
وفي شاب قال : انتي يا سمحه اقسميلي من هالنص يلي في يدك 😉 والله تعالي قوليلي منين جايبه هالسماحه بس 🔥
نرمين : ولعت فيها النار وقعدت مصبيه وتاكل بهدوء وماردتش عليه ولا كملت طريقها وهو يسحبها وقفت علي شانه عدالها وهو يبتسم بثقه وبعد قرب من جهتها __ بحركه سريعه منها لفت وزقاته بمرفقها علي بطنه وهو انصدم ومش بس هك ضرباته مره تانيه وقعدت اتسب فيه 😂👊 وهو من الصدمه خلاص حتى ما قدر يدير شي عدا يجري هرب
نرمين : واحد تافه ما يتحشم علي وجه خزي لعنت الله عليه وعلي وجه عليك شكل عالصبح 🐸
وكملت طريقها حتى وصلت لبوابة المدرسه وخشت وقعت وان جات اليوم وطلعت صبت في الساحه مع باقي الاستاذيه وكل اشويه تسقم في روحها والطقيه يلي لابستها كل مره اديرها في جهة 😂 وكلهم يبحتو فيها ورافعين حاجبهم وخاصة من باكو الالوان يلي لابسته ههههه وهي فطنت لهم ورفعت حاجبها وهما تنحنحو وبحتو قدامهم وبعد انتهاء الطبور الصباحي والطلبه عدو لفصولهم الا فصل نرمين قعد في الساحه
وهي جاتهم وقالت : صباح الخير
الطلبه : صباحو النور استاذه
نرمين : انا اسمي نرمين وحانعطيهم في الحصص الرياضيه واهم شي عندي هو النشاط تنشطو معايا وعمركم 12 فأنشطو هااا شنو قلتو جاهزين
الطلبه : جاهزين استاذه
نرمين : بصوت اعلى جاهزين ورفعت يديها ✊
الطلبه : جاهزين يا استاذه ✊
نرمين : هيا اول شي اجرو في هالساحه اشويه وراه بعضكم وبنظام هياا وقولو ون : تو : تري : فور : فايف
الطلبه : حاضر استاذه وقعدو يجرو ويقولو زي ما قالت وهي تطلب ان يعلو الصوت اكتر واكتر وتسببت في اجعاز باقي الطلبه يلي في حصصهم وحتى مدير هالمدرسه بحت مع الروشن وشافها في نص الساحه وهما حوالينها ويجرو وهو رفع حاجبه
طبعا بطلنا مدير مدرسه شاب في التلاثينات من عمره
ومدرسه خاصه دايرها بنفسه وعصبي بكل مايحبش الهرجه ولا التصرفات يلي ادير فيهم نرمين يلي برا واليوم اول يوم لها وطبعا المدرسه حديثه ومش متعود هو عالاجواء هذينا طلع برا للساحه وشافها
تخلي فيهم ينطو وهي تنط معاهم وتقول ون : تو
وهو ربع يديه ورفع حاجبه وهي ما انتبهتش له اصلا
وهو ساكت ويراقب في تصرفاتهااا وهي طلبت منهم ان يمشو لملعب كورة السله 🏀 ويلعبوها
نرمين : هيا يا شطار وراه بعضكم للملعب وبحتت في الطالب يلي شفاته ممتاز انت شنو اسمك
علي : اسمي علي يا أستاذه 😊
نرمين : حلو هيا يا علوش وعزقت الكوره 🏀 لاعنده وهو مسكها وهي ابتسمت بطل هيا اعزقهاا في السله وريني شجاعتك يا علوش
علي : اكيد يا استاذه وصبا وعيونه عالسله وبعد ثواني عزقها وطبت في السله نط من الفرحه خشت
نرمين : شطور براووه عليك
علي : ضحك والكل جرب وماحدش خشاها الا علي
والمدير يراقب وبعد قرب من جهتهم هي
خلتهم يلعبو كورة قدم ⚽ والكوره كل مره ماشيه لجهه حتى هي ضربتها وكانت لابسه حذاء سبورت وطبت الكوره في وجه المدير مراد 😱 وهو مسكها بعد طاحت من وجه وبحت فيها بعصبيه وهي قعدت تضحك ولا عدلت ولا تندري أن هضا المدير والطلبه قبل يبو يضحكو بس سكتو وماسكين ضحكتهم 🔥
#يتبع
تفاعلووو وحاي شنو يصير في المدير مراد ونرمين
🔥 Sultana koky 🔥
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
