#آحببت_غجريه 💃🔥 الحلقه 6 🔥 🔥
عزيزه : قالت بإرتباك كيف حالك ❤
ايهم : الحمدلله وانتي ؟؟؟
عزيزه : بأفضل حال وابتسمت له وهو ردلها البسمه
نرمين : مستغربه وتفكر من هضوما زعما
ام مراد : بحتت فيها وهمست لأيهم من هذي
ايهم : ااا هذي معلمة رياضه ولها يومين هناا ومنشطتهم هههههه
ام مراد : اها وبحتت فيها صباح الخير كيف حالك
نرمين : الحمدلله
ايهم : نستأذن انا عندي حصه هيا سلام وعده
عزيزه : تبحت فيه وتبيه يقعد 😕 بس هو مابحتش
نرمين : انتو من ؟؟؟
ام مراد : اه نحنا عيلة المدير مراد انا امه وهذي اخته
نرمين : ارتكبت وهزت راسها هو مكتبه في المومر
عزيزه : عارفينه بس نحنا مش سبب جيتنا هو
نرمين : !!!!
ام مراد : سبب جيتنا نبي انشوف وحده تكون مناسبه لوليدي ونبيها معلمه
نرمين : وكأنها طاحت في بير وغرقت فيه 😣
عزيزه : استغربت شكلها في معلمات هناا
نرمين : خذت نفس اها اكيد بس اشويه ويجوو
وبعد وقت جاو الطلبه وقعدو يلعبو في الساحه ويرجو في الطبور الصباحي ونرمين عدت هربت وخشت للحمام معقوله عيلته تبي تخطبله بهالسرعه غريبه بس ليش اضايقت اه ناقصه وجففت يدها وطلعت علي طلعت المدير من غرفته وشافها مرتبكه
وقال : انا اليوم حاسس ان جوك مش تمام في شي
نرمين : هااا !! لالالا مافي شي وعيلتك برا وعدت بسرعه وهو استغرب جيتهم وطلع للساحه وشافهم برا جاهم : شنو جيبكم هنا ؟؟
امه : جينا نغيرو في جو والله حرام
مراد : تنهد لا بس مفروض يكون عندي علم
عزيزه : خدينا الاذن من بوك وهو يلي جابنا وعدا
مراد : تعالو لمكتبي
امه : لا نحنا جينا عشان نغيرو في جو
مراد : هز راسه والاستاذ يلي ينظم في طبور صباحي ما جاش اليوم تأفف وبحت في نرمين شيرلها تنظمهم وتبدأ بدل الاستاذ وهي هزت راسها اوكي
ولبست طقيه : كل واحد يصبي في الطبور امتعه
وخليكم منتظمين 👉 استاريح وبادرو معاها بفرحه وهي قالت بأبتسامه لهم واستاعد ✊ وهو يضحكو معاها وبادرو وهالمره عكس الاستاذ حتى ضحك معاه يخافو منه وهي تضحك معاهم ودارت زي ما دارلهم الاستاذ 👉 هيا لليمين دور وهما لفو لليمين ويضحكو علي حركاتها ولفت هي لليسار دور 😂✊ وتلف معاهم وهما يضحكو وحتى ام مراد وعزيزه ومراد يبحت وساكت هيجتهم اليوم عالصبح ابتسم
ونرمين طلبت منهم يقولو النشيد الوطني وبعد انتهو شيرت للصف الاول هيا علي فصولكم وللتاني نفس الشي وهكذا والصف الاخير انتو خليكم برا عندكم حصه اليوم والله لا ؟؟
الطلبه : اكيد يا استاذه ونبو جو سمح اليوم
نرمين : ههههه حاضر بس قبلها تمشو وراه بعضكم في هالساحه قبل مانشيلكم للملعب اوكي
الطلبه : اوكي وهي هزت راسها وابتسمت وتوقعت انهم عدو كلهم وبعد ألتفتت لقتهم مزالو قعدين ويتفرجو عليهم وهي في نفسها ياا حبيبي كملت مانبيش حد في ساحه انا بس هذي ملكهم عاد شنو نلزهم ولفت للجهة التانيه
مراد : يدخن وهو يبحت
امه : هذي مخطوبه يا مراد
مراد : عليك موال ردينا لمواضيع الخطبه نحنا مش قتلك مانبيش وبعدين هذي يبيها صاحبي
عزيزه : اي واحد يبيها ؟؟؟؟
مراد : يبيها ايهم عجباته وبحت في نرمين
وعزيزه صدمه حصلتها صبت بسرعه وخشت جوا للحمام ومراد مش معاها يبحت في نرمين يلي تهدرز مع الاطفال وطلبت منهم يمشو للملعب وهي عدت معاهم لبس نضارته وامه تبحت فيه
امه : كنك اتبحت فيها
مراد : انبحت عادي يعني من حقي نشوف المعلمين كيف ادائهم في عملهم
امه : هزت راسها بأقتناع وقالت ممتازه ربي يحفظها
أنت تقرأ
احببت غجرية ( روايات ليبية )
Romansaقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
