#آحببت_غجريه 💃🔥 الحلقه 5 🔥
🔥نرمين : هههههه بحتت فيه هيا نط وهو بحت فيهم وقعد ينط زيهم وهي تضحك 🔥 نطوو وجنوو 🔥
مراد : ينط معاهم وهي تضحك وكانت اسرع منه
والكل مصدوم يبحتو مع رواشن معقوله مراد يلي يحب الهدوء قعد في الساحة ويلعب مع الاطفال والاستاذه الكل فتح فمه واولهم خطيبته ساره يلي جاته وهو ينط وقالت شنو يا مدير عجباتك هالاستاذه
لدرجة مخلي مكتبك وقعد تلعب مع وحده شرشوحه
نرمين : تحولت ابتسامتها وقبل ما تهزبهاا
مراد : احترمي نفسك شنو هالاسلوب هضاا
ساره : اها شرشوحه حق لبسها بس
نرمين : بالله عليك سكري فمك انا نلبس يلي يعجبني ولبست هاللبس يلي مش عاجبك عشان انا استاذة رياضه للاطفال والاطفال يحبو هاللوان وانتي نفسي تقري في اطفال ولابسه لبس عرس وبحتت في اطفال لبسي حلو يا حبايبي ؟؟؟؟؟
الطلبه : حلو يا استاذه ويجنن عليك
مراد : بحت في لبس نرمين من فوق لتحت كانت لابسه كويش رياضي لونه زهري بالابيض وسروال حمال امريكي مع تي شرت أبيض وشال زهرى حلوو
وبحت في ساره يلي لابسه كعب عالي ولابسه سترشت اسود لاصق عليها واجد وبلوزه بيضه قصيره فوقها جاكه امريكيه وشالها اسود ومش دايرته كويس وشعرها باين ودايره ميك اب واجد
مراد : ربع يديه وبينه وبين نفسه معقوله يا مراد رجاله يحقو فيها وانت ساكت مخليها علي راحتها بس زودتها بحت فيها وكرها مع يدها وعده لمكتبه ونرمين تضحك وطلابها حضنوهاا نحنا نحبوك ❤
نرمين : وانا انحبكم هيا امشو لفصلكم نتلاقو في الحصه يلي بكرا وهما هزو روسهم وعدو
وهي بحتت مع روشن وبالها في مراد وخطيبته
ساره : انت كيف تكرني قدام الشرشوحه هك
مراد : خشاها للمكتب امتعه وسكره وبحت فيها هنا كلمتين حطيهم في راسك ماعش تلبسي هك
ساره : نعم نعم شنو نلبس يلي نبيه مش شورك
مراد : كيف مش شوري هذي ماتنسيش انك خطيبتي وانا علي فكره مش حانطلع العرس حتى تسقمي من حالك يا ساره
ساره : شنو اتحق فياا يا مراد 😡
مراد : شوفي نفسك انا تحملتك ألا واجد لاعند هنا وبس ماعش فيا وبعدين لبس البنت يلي تقولي عليها شرشوحه قال بطريقه استفزتها لبسها محترم
ساره : شنو قصدك يعني انا مش محترمه
مراد : انا مش حانسمحلك تلبسي هك ورجاله يبحتو فيك في مدرسه فيه حتى صاحبي شنو يقول عليا لما يشوفك هك
ساره : وانت تبي تجوزني انا والله تجوزهم هما
وانا ستايلي مش حانغيره
مراد : انا قلت يتغير
ساره : وانا قتلك مش حانغيره عشان وحده حقيره زي هذكي يلي قعد تلعب معاها وما تحشمتش علي وجك الكل يبحت فيك ويحكو عليك وحق ربي نزلت من عيني داير روحك معايا اتحب الهدوء ومن ورايا تنسكنح مع الشرشوحه هذكي
مراد : عطاها كف 👋 طاحت من قوته وبحت فيها بعصبيه وسلح دبلته وصباها ومسك يدها فتحها وحط الدبله في يدها وبحت فيها انتي حره توا ان شاء الله في حد حايرضى بوحده زيك واطلعي برا
ساره : تضربني يا مراد تمد يدك عليا حسبي الله ونعم الوكيل فيك ان شاء الله اتموت وهذكي ان شاء الله تنشل هالشرشوحه ومراد كرها مع يدها وطلعها برا المكتب اطلعي برا وسكر الباب في وجها وهو معصب وضرب الباب بيده 👊 اه ياربي منين جات هالمصيبه
انا مش ناقص وطلع دخانه وقعد يدخن بعصبيه وكلمات ساره عصباته انا سنكوح ونسنكح معاها يا ساره وتدعي عليا في حد يحكي هك لشخص علي اساس تقولي انا انحبك لو تحبيني فعلا اي كلمه انقولها تقولي حاضر بس يلي اكتشفته اني طلعت غلطان وايهم صدق اختياري سيء بحت مع روشن وتنهد وقعد يدخن بعصبيه وعيونه علي نرمين يلي قعده وساكته حاسه ان صارت مشكله وحطت اللوم عليها قعدت تلعب علي صوابع يدها بإرتباك وبحتت في جهت الروشن وتلاقت عيونها مع عيونه ارتبكت
وصبت بعد فطنت لساره تمشي وتسب وجايه في جهتها وطلقت الدبله عليها تريحتي توا اهوو خلاني خوديه واشبعي بيه في مليون واحد يتمناني وعدت
ونرمين طبست ورفعت الدبله وبحتت فيه وحست بذنب وعدت لمكتبه ولقاته يرجا فيها وعرفها جايه لاعنده قعد عالكرسي وساكت وهي قربت وقعدت حداه مكتب وبحتت فيه شنو قصه وحطت دبله عالمكتب وهو خداها وعزقها في سطل الكناسه حشاكم
ونرمين انصدمت : عليش عزقته انا السبب صح 😢
مراد : لا مش انتي نقاش بيني وبينها كان المفروض من زمان نحكو فيه بس ماحكيتش وتوا جاه وقته ولما تطوالت في الرد نهيت كل شي بيني وبينها وحط راسه بين ايديه وتنهد اطلعي نبي نقعد بروحي
نرمين : سكتت انا اسفه وصبت
مراد : عليش تتأسفي قتلك مش شورك انتي اطمني
نرمين : اسفه عشان طلبت منك اتنط وطلعت
مراد : تنهد وقعد يدخن ودقق في طريقة دوتها معاه بكل احترام ابتسم اول مره يحقها تحكي معاه هك واكتشف جانب حلو فيها وخاصة بعد حطت اللوم عليها وتأسفت تنهد وقعد يدخن وهلك روحه
ونرمين روحت بعد طلعت من مكتبه وطول الوقت ساكته وهي تمشي اول مره اتحقه حزين تعودت علي مناقرتها معاه مش متعوده ان يحكي بهدوء معاها ولا بحزن واضح عليه انتبهت لسياره تبيب لهاا
شاب : انت يا حلوو وغمزلهااا ليش هالحزن شنو ميت عندك حد والله كيف وهي جوها شين عدت فاتتهم
والشاب التاني اذكرها : لالا فوتها هذي حاتضربك ضربتني انا مره نابشتها في الصبح وقتلها عطيني من سندوتش متعك زقتني يا راجل في بطني وعطتني طريحه فننصحك اتفوتهاا
شاب : وانت تقول فيها ومش متحشم تضربك بنت عليك عار بلكي ما انعجبت بيك وتوا تشوف كيف تاخد حتى رقمي ونزل بغرور ولحقها وصبا قدامهاا
وقال بأبتسامه حلوه الله عالجمال يلي عندك وطلع كرته تفضلي ممكن نحكو وغمزلها
نرمين : حطت ايديها في جيبها حول من طريقي
الشاب : مش حانحول حتى تاخدي الكرت وسكر عليها الطريق وبحت فيها بثقه انها حاتخد الكرت بس شاف العكس بعد فصعتله يده يلي ماسك بيها الكرت وكراته منه وحشاته في فمه وغمزتله وعدت وهو مصدوم وحط يده علي يده التانيه وهو يتألم وجاه رفيقه انا قتلك انها ضربتني من قبل ماتبيش تسمع كلامي شوف شنو صار
أنت تقرأ
احببت غجرية ( روايات ليبية )
Romansaقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
