احببت غجرية ( روايات ليبية )

حلقة 17🔥

*#آحببت_غجريه 🔥 🔥 الحلقه 17 🔥 في صباح يوم جديد ❤ ناض مراد قبلهاا هالمره وقعد يتفرج عليهاا وهي راقده زي الملاك وبدون مايسمع هرجتها الواجده ابتسم ولمس خدها بحنان وقرب باس راسهاا وحط راسه عالمخده اخرا وقعد يبحت فيهاا وهي لفت للجهة التانيه وشعرها مغطي وجها وهو ابتسم وصبا ولف للجهة التانيه وقعد علي ركبيه وقعد يبحت فيها وحول شعرها من وجها وحب يجعزهاا زي ما اديرله وهي تحول في يده ولما شافها تبي تفتح عيونها رقد تحت وماسك ضحكته وفي نفسه قعدت زيك يا مهبوله وهي ما لقتش حد ردت غمضت اعيونهاا اخرا وهو رفع راسه من تحت سرير وشافها غمضت اعيونها لمس خدها ورد رقد اخرا وهي تأففت غطت وجهاا بالفوطه وهو بحت فيها وشافها غطت وجهاا صبا وقعد علي حاشية السرير وهي حست عليه حولت فوطه من عليها وبحتت فيه : يعني هضا انت وهو ابتسم وهز راسه وحط راسها في كتره وقعد يلعب علي شعرها : جربتي الازعاج يعني وهي ابتسمت حتى بانو غمازاتهااا وبحتت فيه كل شي منك حلو ❤ وهو ذاب من هالبسمه وكر خدودهاا انحبك يا عسوله شنو رايك نطلعو نغيرو جو برواحناا وهي فرحت وقعدت وحضناته وقالت :  اكيد انا موافقه خلينا نمشو وهو بحت فيها وقال :  ابتسم هيااا يا قلبي نوضي خشي للحمام هضا وانا توا نمشي للتاني ههههه وهي ضحكت وهو سحاراته هالضحكه غمزلهااا وهي ردتله الغمزه وقربت باست خده وصبت وقبل ما ننسى صباحو هههههه وهو ضحك ناعلياا من هالصباح الرايق والمجعز اخراا ههههه وغمزلها وهي عزقتله بوسه في الهواء وخشت الحمام وهو ضحك وهمس مجنونه هالبنت بس نعشقهاا ❤ وخداه منشف وعده للحمام التاني وهي بعد وقت طلعت من الحمام وصلت الصبح وبعدها جهزت نفسها انتبهت لخشته وهو لاف روحه بالمنشف ابتسمت وهو غمزلهاا وعده فتح دلابه وهي جاته تجري وقالت : انا حانختار ستايلك اليوم وهو ضحك اوكي وقعد عالسرير يجفف في شعره المبلول هيا وريني يا قلبي وهي بحتت في ملابسه وخدت سروال وعزقاته عليه طب علي وجه ضحك وشنو اخرا وهي اختارت تي شرت ابيض وعزقاته عليه وطلعت جاكه سوده جلد وبحتت فيه وغمزتله وهو ابتسم : حلووو حانلبس هك وصباا وهي حضناته وهمست نوعدك مش حانعصبك اخرا زي امس لان خفت منك انا وقالتها بطفوله وهو ضحك وبحت فيها انتي تخافي انتي 😉 وهي غطت وجهاا مابتش اتبحت فيه وهو عجبه هالجو وحضنهاا انتي في جميع الاوقات اتجنني حتى هبالك حلو رغم ان مجنني وباس راسهاا وبحت فيها حانفطرك براا نراضيك عشان امس وهي ابتسمت وهزت راسهااا

  خش عليهاا بورده حمرا وقعد علي حاشية السرير وخلاها اتشم هالورده 🌹 وهي فتحت عيونها وشفاته يبتسم وهو ماسك الورده وقال : يسعدلي هالصباح الحلوو ❤ والله لما الواحد يفتح اعيونه يشوف هالملاك قدامه وغمزلهااا وهي ابتسمت وقعدت وباست خده وقالت : هضا تاني صباح نتصبح فيه وانا نبتسم هك وجوي يكون حلووو لان انت حداياا وجنبي علي طول وهو ابتسم : انغريت راه وغمزلهاا وهي ضحكت وقالت : وهالغرور  يليق عليك وحضناته انا انحبك وانموت فيك ❤ وهو همسلها بعدين حانلعبو كاغظه راه وهي ضحكت حاضر     عند نرمين ومراد طلعو مع بعضهم وهو ماسكين ايدين بعضهم فتحلها باب السياره وهي قعدت بغرور وهو ابتسم وقعد في كرسيه وبحت فيها ناعليا منك وفتح درج السياره طلع باكو مستكه وهي ضحكت وهو همسلها بالفروايه يا فرواله انتي 🍓 وهي ابتسمت وطلعت قطعه وحطتها في فم مراد وهو ابتسم ومسك يدهاا وباسهااا وهي وجها قعد احمر وخدت قطعه وقبل ما اتحطها هو خداها من يدهاا وحطها لهااا وقرب باسهاا وبحت فيها ناعليا من الرايق وبس 😉🔥 وهي وجها احمر قعد وبحتت قدامها وقعدت تمضغ وهو قعد يمضغ زيها وتمتم وهو يبتسم عليك حاله وخلاص قعدت نرمين رقم 2 وهي انفجرت ضحك وهو نفس الشي* ** وساق السياره وهو يبتسم وشاف محل ورد وزهر نزل وجاب باقة ورد طبيعي وجاه عطاها الباقه 💐 مع روشن وشمتها وهي ابتسمت ردلها البسمه وركب في سياره ولبس نضاره وساق السياره وكل اشويه يبحت فيها ويبتسم وبعدها حط علي اغنية