#كبرت_على_حبه🌻❤
#الحلقه_الثامنه🦄🍒
_________________
جواد : ناض ولقى سيرين مازالت ما وعت
صبى من حذاها وطلع
مايا : انت نضت
جواد : لا مازلت راقد
مايا : هههه بارد شنجوها
جواد : سيبتها راقده
مايا : ماشي للشغل
جواد : لا لاه نبي نقعد معاها غير انعدي انغير ادبشي
مايا : لا عدي انا قاعده معاها
جواد : محمد طلع
مايا : توا كيف طلع
جواد : لاخليني قاعد معناتا
مايا : باهي عدي جيب سندس باتها مش قاعد وهيا تفهم على سوسو
جواد : معناتا تو انعدي انجيبها بس رني عليها قبل
مايا : تمام
رنت على سندس
سندس : خيرات
مايا : انتي ي فرخه جايك جواد يبي ايجيبك هنا حاولي أتأخريه تمام
سندس : الناس اتصبح قبل ي بقره وبعدين عليش أنأخره
مايا : تو بعدين انقولك غير ديري كيف ماقلتلك
طلع جواد ومايا رنت على...
مايا : تعال هلي كلهم طلعو
عمر : تمام والنكديه اختك واعيه
مايا : لا راقده تعال تو انوعيها لكي غير بسرعه
عمر : هيا قريب من الحوش
الباب دق مايا لبست ملايت صلاة وحلت
عمر : اهلين شنوجو
مايا : تمام خش فالمربوعه تو انجيبها لكي
عمر : يسلح في كندرت تمام
مايا : سوسو ي سوسو نوضي بسرعه
سيرين : ناضت مفجوعه كنك ي بلوه
مايا : الصين دارت هجوم على روما وايطاليا هاجرت للهند والهند طربقت من كثر عدد السكان تي صبي العالم مقلوب وانتي راقده
سيرين : اتلم في شعرها مبردك كنك
مايا : تي سندس فالمربوعه عديلها
سيرين : كنها ما رقت هنا انا مانبش نطلع
مايا : تي عيب صبي للبنت وانتي حتى الضي ماعد اتحقي فيه
سيرين : صبت ودوخ ومغمضه عيونه من الضي خشت للمربوعه
عمر : بحت فيها وقلب تقطع على حالتها
وصبى قرب منها
سيرين : عيونها دمعا شن تبي انت
عمر : قرب ومسك ايديها كنك حبيبي عليش دايره فيا وفي روحك هكي
سيرين : كرت يدها حول ماتقربنيش حول
عمر : بهدوء قرب منها كنك انا حبيبك عمر
سيرين : ادف فيه وتبكي حول حول انت واحد خاين حول
عمر : تعصب هذا كله على سبا طلعتلها
سيرين :ادف فيه وتضرب فيه على صدره حول انا شفتكم شفتكم ي حقير ي خاين نكرهك نكرهك
عمر : مسك ايدها دفها بالقوه على ساس وبصوت عالي تي احكي كويس وشنو يلي شفتيه احكي
سيرين : خافت منه قعدت اتبحت في عيونه و ودموعها ينزلن
عمر : محاصرها ويخبط بي يده عالساس تي احكي احكي
سيرين : ادف فيه ماتعيطش عليا حول حول حقيتكم حقيت ل صور حول
عمر : يمسك فيها صور شنو صور شنو تي طلعتي #### امي احكي
مايا : حي عليا شن درت انا حي عليا
سيرين : دفاته وطاحت على الأرض وقعدت تبكي وتشهق دزتلي صور وانت مضبطها حقيتها ومسكت قلبها وقعدت اتنفس بالقوه
عمر : خاف عليها حبيبي كنك كنك
سيرين : اتنفس بالقوه نبي نبي وداخت
عمر : عمر شالها ويعيط ي مايا ي مايا
مايا : جاته تجري حي عليا كنها
عمر : جيبيلي عبايتها انشيلها للمستشفى
مايا : لا لا الله يربحك هلي تو ايديرولنا قصه
عمر : بحت فيها باهي وين دارها
مايا : فوق فوق
عمر : رقا بيها وحطها على سرير وفتح الرواشن وقعد يبخ عليها في ميه حبيبي نوضي انا اسف غير نوضي
مايا : تبكي لاتاكل لا تشرب
عمر : استغفر الله اكيده هبوط عدي جيبيلها كبايت عصير علي ماناضت وقعد إيوعي فيها
سيرين : فتحت عيونها حول شن تبي
عمر : مسك إيديها باهي فهميني كنك وشنو يلي شفتيه
سيرين : دوب ما قمعزت وتحكي بصوت مبحوح عمر انا شن درتلك بيش هكي ادير فيا
عمر : استغفر الله تي فهميني شن درت فيك انا
مايا : جت هاكي عصير
سيرين : دفت يدها حولي مانبيش وحسابك بعدين
عمر : خذا كبايت العصير اشربي
سيرين : حول مانبيش
عمر : فنص فيها اشربي ولا تشوفي حاجه ثانيه
سيرين : خافت وخذت الكبايه وقعدت تشرب وتبحت فالجهه الثانيه
عمر : مايا اطلعي شويا
سيرين : ماتطلعيش خليك
مايا : حلو مشاكلك برواحكم انا طالعه وطلعت وسكرت الدار
سيرين : حطت الكبايه واللهي تشوفي
عمر : قرب منها ومسك ايديها حبيبي والله والله ماخنتك ولا انبحت في غيرك والله انا نحبك انتي
سيرين : بحتت فيه و دموعها ينزلن والصور يلي شفتهن
عمر : مسحلها دموعها ماهذا يلي نبي نفهما صور شنو حبيبي احكيلي
سيرين : جيبلي نقالي فالدولاب
عمر : صبى وقعد ايفتش فالدولاب
سيرين : من فوق
عمر : اهوا لقيته وجا مدا الها هيا فهميني
سيرين : تفتح فالنقال وحطت عالصور وتبكي ها شوف شوف كيف حاضنها شوف وتقولي نحبك
عمر : كر منها النقال ويقرا فالكلام تي الحقيره ال ####### وحط النقال والله ماهكي الموضوع
سيرين : حطت ايديها على وجها وتبكي تعبت والله تعبت
عمر : حول ايديها وحضنها والله انحبك انتي وبس وماحد مالي عيني غيرك بس عطيني فرصه نشرحلك
سيرين : مسكت فيه زين وقعدت تبكي والله انحبك ونقهرت لما شفتك معاها
عمر : يمسح على شعرها اششش والله حتى انا انحبك انتي
سيرين : وخرت باهي فهمني
عمر : قعد يحكيلها ...........
سيرين : بس انا قلتلك ماتعديش
عمر : مسك يديها حبيبي انا كنت متعقد من الجو يلي ديري فيه انا مانحبش حد ايتحكم فيا وكان نبيها را خذيتها
سيرين : دموعها نزلن معش تتزعلني انا مانتحكمش فيك بس مانبيش حد ايشاركني فيك
عمر : حط ايده على وجها ومسح دموعها بي صبعه حبيبي وعد ماعاد انزعلك بس انتي خليك واثقه فيا
سيرين : حضناته انا نحبك ونغار عليك
عمر : ابتسم وانا انموت فيك
سيرين : وخرت خلاص عدي
عمر : باسها في خدها اسمعي كولي وعدي للمستشفى نبي نطمن عليك
سيرين : مافيش داعي حبيبي
عمر : صبى مايا ي مايا
مايا : جت عسل ولا بصل
عمر : يضحك عسل عسل بس نبي انقولك قولي لي جواد را داخت خليه ايشيلها غسبا عنها
سيرين : تضحك باهي تمام
مايا : بالي شفنها هالضحكه قبل كانت اتقول عفريته
عمر : هيا سلام وحلي نقالك
طلع عمر ومايا وصلاته للباب
