#كبرت_على_حبه 🌻❤
#الحلقه_الثانيه _و الأربعون 🦄🍒
________________________
عمر : طلاق مش مطلقها ويلي ف راسي تو نديرا
جمال : وسع بالك وافهم كويس قبل
عمر : قمعز وحط راسه بين يديه وقعد يبكي
جمال : عمر مش هكي وسع بالك
عمر : ليش ليش هكي شن درت فيها انا عشان ترده ليا هكي
جمال : سكت وقعد يبحت فيه
جواد : سيرين نشيلك للمستشفى
سيرين : هزت راسها بمعنى لا
جواد : باهي يشوفو فمك بس
سيرين : والله مافيا حاجه نبي الحوش بس
جواد : براحتك
علي : ولدك ملبزها بكل
مايا : قعدت تبكي وصبت خشت ل حمام
امه : والبنت وين توا
حمد : جو خوتها خذوها
مفتاح : استغفر الله وخلاص
حنتهم : هذا اخر اختياره بنات مايتحشمن
علي : توا البنت شن دارت عمر هوا يلي غالط
مفتاح : علي وطي صوتك
علي : اقعدو فيها وطلع
صبت سلام بشويه ولحقت علي
هاله : خشت الدار وقعدت تبرم وتضحك
نعيمه : اسكتي ي هبله تو يسمعوك
هاله : مش مصدقه واخيرا تخلصت منها واخيرا
نعيمه : ههههه توا خلالك الجو
هاله : تو اتشوفي كما عمر جا خطبني عارفته مايتحملش بدوني
نعيمه : ان شاء الله الله كان خاطري نشوفها شن دار فيك
هاله : سمعتيش علي يقول كسرها تكسير
نعيمه : زعمك سليم بعد الطريحه يلي كلاها مايدوش
هاله : هذا بارد مستحيل يدوي
نعيمه : باهي هيا نطلعو نسمعو الأخبار
هاله : ههههه هيا
سلوى : حرام سيرين
انوار : زعمك شن يصير فيهم
سلوى : عمر يموت فيها تو تشوفي تو يردها
عزيزه : بس عليش هوا دار هكي
انوار : علمنا علمك
سلوى : اليوم الخبر بفلوس بكرا بلاش تو نعرفو
انوار : احساسي هاله فالموضوع
عزيزه : صاح شفتها تبتسم وكانها فرحانه
سلوى : هيا مالهاش علاقه فالموضوع بس فرحانه عشان عمر سيب سيرين
انوار : يمكن
إسراء : خشت عليهن صبيلي عصير
سلوى : تدويلي
إسراء : للساس اكيد ندويلك
سلوى : اسمعي فوتيني خيرلك راقيتلي لهن ماتخليهاش تجي فيك
إسراء : 😒 وطلعت
سلام : علي
علي : ألتفت عليها نعم
سلام : ممكن نحكو
علي : تنهد تعالي نقمعزو هنا
قمعزو على الكرسي
سلام : شن صاير فيها سيرين
علي : عمر ضاربها ضرب شين وجو خوتها خذوها و هيا حالتها حاله
سلام : يا روحي عليها باهي عليش
علي : مش عارف بس ان شاء الله مش الأفكار يلي في راسي
سلام : سيرين مستحيل دير هكي هيا تموت في عمر
علي : وكيف عرفتي في شنو نفكر
سلام : لان كلهم يفكرو هكي يعني كانو هما ثلاثه برا و عمر يضرب سليم ويكمل على سيرين كيف تنفهم
علي : والمشكله عمر مايبش يحكي
سلام : انا انقول واحد يطيح بينهم
علي : وكيف هذي
سلام : فكرت في هاله وبعدها سكتت
علي : وين رحتي
سلام : ااا لا شي نفكر في سيرين
علي : انتي شاكه في حد دار هكي
سلام : لا لاه هكي توقعت بس لان سيرين وين تعرف سليم وهيا امبدري كيف حقاته
علي : مسح على وجه ل حكايه ملبزه بكل
سلام : ربي يهدي النفوس ويحلها بينهم والله مايستاهلو
علي : ان شاء الله
