#كبرت_على_حبه 🌻❤
#الحلقه_الثالثه_وثلاثون🦄🍒
_______________________
كانو كلهم مقمعزين وجن سلوى و سيرين
هاله : مبروك ي سيرين
سيرين : عليش
هاله : قالو باتك اجوز
مايا : شنو
عمر بحت في سيرين سيرين انصدمت
مايا : نعم شن قلتي انتي توا هههههه بابا اجوز هههههه
سليمه : شنو تقولي ي بنت
هاله : والله هذا يلي سمعتى
مايا : سيرين ادوي شنو هذا
سيرين طبست راسها
حليمه : شنو العيله هذي ماتحشمش حتى على كبرى يعدي يزوج
مايا : قربت من سيرين سيرين احكي ادويلي
سيرين : هزت راسها و دموعها نزلن
جمال : مايا وسعي بالك
مايا : ما حبتش تحكي قدامهم سيرين تعالي نبيك فالدار
سيرين : به
ورقن مايا و سيرين
صالح : توا انتي ي بهيمه شن دخلك اه
هاله : شن عرفني ان اختها مش عارفه
سلوى : عليك طروح
عمر : صبى وهوا راقيله ولحقى جمال
جمال : وقف ي راجل خليهن يحكن برواحهن
عمر : مسح على وجه تي شفت لطروح يلي دير فيهن بنت خوك ازح
جمال : بالكي مش قصدها
عمر : تي انا يلي عارفها البنت هذي
جمال : وسع بالك وانا تو نحكي معا مايا
عمر : تنهد ومسح على وجه
مايا : ان شاء الله امتى كنتي ناويه تقولي
سيرين : مايا انا مقدرتش انقولك لانك حامل
مايا : تعيط بلاش كذب يعني احسن نسمعها من البرانيه من قالك خافي عليا حتى هما هلي ومن حقي نعرف
سيرين : مايا ماتعيطش عليا وتفشي غلك فيا انا مش ذنبي
مايا : انتي خبيتي حاجه ماتخصكش وحدك كنتي لازم تحكيلي ولا خلاص انسيتي اني اختك
سيرين : مايا انتي شنو تحكي شنو الكلام هذا
مايا : ذكرت لسبوع يلي فات وشنو يلي صار معاها وقعدت تبكي ومنهاره انتو اصلا انسيتوني مافيش حد منكم اذكرني اسبوع ماسألتوش عليا ولا شنو يلي صاير فيا عزقتوني وجوزتوني جمال غصب عني وخلاص معش نهمكم قعدت عليش هكي عليش محد جا سأل عليا و طاحت على اركابها و ايديها على وجها وتبكي
سيرين : حست في حاجه طبست على مايا ومسكت ايديها وتبكي ميمي شنو يلي صار معاك فالأسبوع يلي فات
مايا : صح النوم توا تسألي وفكت ايديها معش تقربيني ولا تدوي معايا ودفت سيرين
سيرين : مايا مش انتي وحدك يلي انقهرتي تبي تشوفي انا شنو صارلي ورفعت تي شرتها حقي حقي
مايا : 😯 سيرين شنو هذا
سيرين : هذا بابا ضربني لان دويت على مراتى تبي تمشي علشان يسير فيك كيفي انا ماحبيتش انكد عليك
مايا : بحتت في سيرين ماما شنو وضعها
سيرين : حضنتها وقعدت تبكي
مايا : تبكي اسفه عيطت عليك
سيرين : وخرت ومسحت ادموع اختها ومسكت ايديها كما عيطتي عليا عليا على من تبي تعيطي
مايا : تنهدت بابا عليش ضربك
سيرين : صبي قبل من على سراميك مش كويس عليك
صبتها و قمعزت هيا وياها على السرير تحكيلها
سلوى : عليك موقف حقير دراته هاله
سلام : بنعرف وين سمعتها بس
سلوى : كنت نحكي انا و سيرين عالشط
انوار : حرام وجعتني سيرين
عزيزه : هنا ل ثنين حتى مايا انصدمت
سلام : مافيش حد كلمها العقرب هذي
سلوى : حقيتيها كيف طلعت منها
انوار : القنها ثقلت واجد
مفتاح : خش وعاقد حواجبه انوار تعالي نبيك
انوار : صبت به
