#كبرت_على_حبه 🌻❤
#الحلقه_الثالثه_والأربعون 🦄🍒
______________________
قعدن مايا وسندس معاها
مايا : سيرين تذكري مره قلتيلي انك شاكه تقعدي حامل
سيرين : لاااه لاااه مانبش انا من مانبش
مايا : اهدي بالكي قلت
سندس : وبعدين كان صاح حرام العيل شن ذنبه
سيرين : ياربي لا ياربي لا
مايا : وسعي بالك وتو نجيبلك اختبار حمل
سندس : عدي للمستشفى اضمن تو يشيلك جواد
سيرين : تبكي انا مش رافضه نعمت ربي لاكن مانبش ايجي العيل وامه وباته مطلقين شن ذنبه يعيش هكي
سندس : باهي عليش الكلام هذا تو تشوفي عمر حيجيك ويصالحك
مايا : ساعه غضب عمر مستحيل يصدق عليك الكلام هذا
سيرين : صدق ولا ماصدقش انا مايهمنيش ومستحيل نردله انا تحملت كل حاجه عشانه عصبيته الزايده عياطه عليا كلامه عشان انحبه لكن يوصل ان يشك في حبي لاه لامستحيل عليش نردله وهوا مش واثق فيا اصلا لو فهم قبل شن صارله ليش هكي ليش وقعدت تبكي
مايا & سندس : قعدن يبكن معاها
سندس : واللهي فتره وتعدي اسكتي بس قتلتي روحك بالبكاء
سيرين : بصوت مخنوق وتشير على رقبته في حاجه هن حاصله فيا نبي نبكي نطلعها مابتش غصه هن والنار يلي هنا وشيرت على قلبها مابتش تطفى شن اندير
مايا : حضنتها وقعدت تبكي هيا وياها بصوت عالي
عمر : يا جمال جيب الخارب هنا
جمال : تي ي راجل هذا رابع باكو دخان مش كويس
عمر : خليني ندخن بالكي نطلع الغصه يلي هنا وشير على صدره
جمال : استغفر الله
عمر : ندعي في ربي من بدري انا يطلع كابوس ونوض ونلقاها جنبي وتصبح عليا وصبى وقعد يمشي فالحوش شوف الحوش كيف مظلم بلها ليش هكي ليش وقعد يكسر ويخبط يده فالمرايا وقعدت كلها دم
جمال : تي لا يراجل شن درت انت
عمر : خليني بالكي نتريح
وجمال قعد يمسك فيه
جمال : هيا امشي معايا للمستشفى شوف يدك
عمر : مانبيش فوتني
جمال : مش بجوك صبي وصباه من يده
طلعو وعدو للمستشفى خيطو يد عمر وبعدها عدو للبحر
جواد : شنو جوها
سندس : ياروحي عليها منهاره بكل
جواد : ماقلتلكش عليش المشكله
سندس : لالاه (طبعا سيرين حكتلها وحلفتها)
جواد : اووف يديا تربطن معش عرفت كيف نصرف خايف تطلع سيرين هيا ل غلطانه
سندس : مسكت يده بيديها الثنين حبيبي والله تو تنحل خصوصا ان هما يحبو بعضهم تو يردو
جواد : مستحيل نردها لاه بعد مد يده عليها
سندس : ماتقولش هكي اختك تحبه وبعدين القرار هذا بيد سيرين وهيا توا معصبه بس والمشاكل ديما يسيرن
جواد : يسير خير نبي نكلمك في موضوع اخرى
سندس : عارفه ي روحي اصلا انا مانبش بيان توا وسيرين زعلانه مستحيل اندير فرحتي و هيا مش فرحانه معايا
جواد : ابتسم عارفه اني انحبك ونموت فيك
سندس : ابتسمت وانا نعشقك
مايا رنت على جمال
وجمال تباعد من عمر
جمال : الوو
مايا : اهلين حبيبي
جمال : اهلين شنو جو عندكم
مايا : سيرين منهاره بكل ومسكرا راسها ماتردش
جمال : يعني اشر منلي عندي
مايا : باهي عمر كن مافهم قبل
جمال : شن يفهم هوا جا وشافهم صاح اختك صغيره وتغلط بس لازم تفهم انا حرام
مايا : جمال انت شن تحكي سيرين صاح صغيره بس مستحيل دير هكي كنك انت
جمال : مايا افهمي قبل
مايا : مافيش حاجه نفهمها انا واثقه من اختى كان ولد اختك ماوثقش فيها هذي مشكلته بس اختي متربيه ومستحيل دير الغلط
جمال : مايا سكري احسن ماتسير مشكله
مايا : باهي تمام اوكي
جمال : تو نجيك فالصبح
مايا : به
جمال : ديري بالك على روحك
مايا : حتى انت باي وسكرت
