#كبرت_على_حبه🌻❤
#الحلقه_الثامنه_و_عشرون🦄🍒
_______________________
خالد يدق على دار سيرين و عمر
خالد : سوسو حلي نبي نعدو لماما حلي
سيرين : اوووف يسكان باهي وصبت تبي تحله
عمر : كرها معا يدها وين ماشيه
سيرين : نبي نحل الباب
عمر : عدي غيري دبشك قبل
سيرين : يييي نسيت به
خالد : سيرين حلي ي عمو عمر
عمر : صبى وحل الدار وشاله نعم يروح عمو عمر
خالد : هيييي كنت ننى معا سوسو انت
عمر : ضحك لا لاه سوسو مش قاعده هنا
خالد : نبي ماما نا
عمر : طلع بيه باهي حبيبي تو نشيلك بس شن رايك نعدو للمحل توا انا وانت
خالد : به
عمر : اقعد استناني هنا علي ما بدلت
وخش عمر الدار وسكرها
سيرين : وين خالد
عمر : خليك هنا علي ما طلعت انا وياه العيل فاطن
سيرين : ههههه به
عمر : تو نجيب معايا خبزه
سيرين : باهي معناتا خش اغسل علي ماطلعتلك دبش
عمر : باس خدها نجك لي
سيرين : ابتسمت خلاص خش
عمر : هههه به
مايا : بصوت واطي تعال درت الفطور
جمال : صبى بدون مايرد عليها قمعز وقعد يفطر
ومايا تبرم يلاه فالكوجينه ويبحت فيها من تحت لتحت ويبحت في جسمها كيف معلم
مايا : بصوت واطي شنو تبي الغداء
جمال : حاجه نسمسمها وخلاص
مايا : برمت تغسل المواعين ومابتش اترد عليه
جواد : خوفتينا عليك حمدلله على سلامتك
امه : بصوت تعبان الله يسلمك
محمد : قمعز جنبها و مسك يدها يا يمي يلي تبيه انديره لكي تبي الحوش بروحك والله مافي واحد مشاركك فيه تبي تعدي لعيت جدي عدي اهم حاجه صحتك
امه : اسمعو الكلمه هذي مني المشكله بيني وبين باتكم ماتدخلوش كيف ما انا امكم هذا باتكم
جواد : كيف ماندخلوش حتى نحن تخصنا
امه : كان تبو الربح مني ومن باتكم ماتدخلوش
محمد : وانتي ليش ماقلتينا من قبل
امه : لاني مانبيكمش تكرهو باتكم وتاخذو غضب
جواد : باس راسها انتي يلي تهمينا واهم حاجه انتي
امه : بس حتى هذكي باتكم
جواد : خلاص توا اهم حاجه صحتك الموضوع هذا بعدين وطلع برا
طلع تلفونه لقاه مقفل عدا للسياره وحطى فالشحن وقعد فالسياره يفكر
سيرين : جيتو
عمر : لا فالطريق
خالد : عبيطه
عمر : هههههههههه حتى العيل عارفك هههه
سيرين : والله نوريك شنو هذا
خالد : عمو عمر شراها ليا
كان واخذله بدله و شكاير معبيات حلويات
سيرين : عليش هذا كله
عمر : ماقلت ماجبتش معاه دبش مايجيش يعدي هكي فجبتله والباقي دلع مني هههه
سيرين : باهي هيا تعالو افطرو
خالد : بش نا
سيرين : هيا افطر على شان نعدو لماما
خالد : هااااي به
سيرين : تعال قمعزاته وحطتله وحده قمعز كول تو نجيك باهي وعدت لعمر فالدار
عمر : تعالي حبيبي نبيك
سيرين : قمعزت جنبه نعم شنو
عمر : مافيش حاجه تبي تحكيها
سيرين : كان على موضوع امس بابا ماخذش راينا ولا احترمنا عدا جابها وفضلها على ماما
عمر : بس ي حبيبي الموضوع هذا يخصهم هما بين امك وباتك
سيرين : بس بابا فضلها علينا وعلى ماما ماما مريضه بسببه هوا وهوا ولا على باله
عمر : بس مهما وكان حتى هذا باتك ورضاه مهم يعني كيف ما هذي امك هذا باتك
سيرين : لا مش كيف بعضهم ماما تحملت عشانه وهوا شوف شن دار اصلا الرجاله كلهم هك
عمر : مرفع حواجبه كيف يعني كلهم هك
سيرين : يييي يا عمر ماتفسرش كلامي هكي
عمر : لا جوي تمام مافسرتش شي وصبى وخش للكوجينه
سيرين : اوووف زعل توا صبت وخشت للكوجينه و لقت عمر مقمعز يفطر قمعزت جنبه وبصوت واطي اسفه
عمر : تجاهلها خلودي نحطلك زيتون
سيرين : خنقتنا العبره وطبست راسها
