#كبرت_على_حبه🌻❤
#الحلقه_السادسه_واربعون🦄🍒
________________________
جمال : الووو عمر
عمر : ايوا
جمال : عمر نبي نقولك اا سيرين فالمستشفى
عمر : انفجع كنها اين مستشفى
جمال : يلي نشتغل فيه بس توا تمام
عمر : توا جاي وسكر وطار عالمستشفى
جواد : خش على سيرين معقوله يشينه تفجعينا
سيرين : ولدي ماصرله شي
جواد : قمعز جنبها ومسك يدها لا مصارله شي قوي كيف خاله
سيرين : ابتسمت بنظره حزينه
جواد : سوسو قوليلي شن صار معاك
سيرين : كنت نمشي وفجأه ظلمت عندي الدنيا و طحت
جواد : اها معش تقعدي فالحوش بروحك
سيرين : به
جمال برا يستنى في عمر اول ماشافه عداله
عمر : وينها كيف حالها توا عليش مرضت
جمال : وسع بالك توا
عمر : جمال نبي نخشلها
جمال : باهي تو نخليك تخشلها بس اهدا جواد وباتها معاها تو نحاول انطلعهم وانت خشلها بس فكني من عصبيتك
عمر : تي عصبيت شنو وكيف نبي نصبر عند مايعدو
جمال : الله غالب وهذي فرصتك تفهم منها كل حاجه
عمر : اين نفهم انا يلي طلعت ظالمها و انا الغبي وانا لحمار مانفهمش
جمال : شن صار
عمر : تو نحكيلك بعدين توا شيلني ل دكتورها
جمال : هيا امشي
علي : دز رساله ل سلام (تعالي فالجنان من لاوره )
سلام : (مانقدرش )
علي : ( عندك خمس دقايق )
سلام : سلوى ي سلوى
سلوى : كنك
سلام : علي قالي تعالي لجنان من لاوره حي عليا شن اندير
سلوى : عدي مايبش ياكلك
سلام : اووف خايفه
سلوى : عدي را ينفصل خيرلك
سلام : باهي منظري كويس
سلوى : تهبلي اطلعي
سلام طلعت ل علي و قلبها يدق بسرعه
جمال : خلاص لازم تخلوها تريح
جواد : باهي اي حاجه انا برا باهي
سيرين : هزت راسها به
باتها : ديري بالك على روحك
سيرين : به
جمال : عدو تريحو هيا توا تبي ترقد عليش قاعدين بكرا فالصبح تعالو
جواد : مانقدرش انسيبها
جمال : يعني شن يبي يصيرلها واهو انا معاها
باته : خلاص روح تريح و تو نجو بكرا ومنها تشيلني لاني مش جاي بسيارتي
جواد : سكت
جمال : ها ي جواد
جواد : باهي تمام اي حاجه رن عليا طول
جمال : ان شاء الله
باته : هيا
وطلعو جواد وباته
جمال : الوو ي عمر
عمر : ها شن صار
جمال : تعال بسرعه
عمر : هي
سلام مقمعزه جنب علي و متوتره و تحك في يديها و تشبك فيهن
علي : ماتبش تحكي
سلام : بصوت واطي على شنو
علي : عليش قلتي هكي امبدري
سلام : سكتت
علي : نسأل فيك
سلام : ااا .. وتسكت
علي : عيط عليها عارفه ليا وين ونستنى فيها ااه عارفه وانتي جايه تلعبي بيا انتي قلتيها مش حاسه بيها قلتيها عشان نوقف
سلام : علي مش هكي
علي : صبى ماتحوليش تبرري وجا يبي يعدي
سلام : صبت مسكت يده هذا رأيك فيا
علي : سكت
سلام : جت قدامه وماسكه يده ودموعها ينزلن نحكيلك هذا رايك فيا
علي : باهي وضحيلي عليش قلتيها
سلام : قلتها لاني نحبك مانيش عارفه كيف طلعت بس قلتها وانا حاسه بيها ماقلتهاش عشان نوقفك انت يلي فسرت بجوك
علي : قرب منها ومسح دموعها باهي معش تبكي
سلام : دفت يده حول ماتلمسنيش
علي : مسك يديها والله نحبك ونموت فيك وحاولت اكثر من مره نقولك وانتي تصدي فيا مع انك عارفه اني نبيك ها شن تبيني اندير انتي اول ماقلتيها قلت هذي عارفه نقطت ضعفي و قالت هكي عشان توقفني
سلام : تبحت فيه وساكته
علي : والله نحبك ورب الكعبه نحبك واسف عالكلام يلي امبدري بس ليا زمان نراجي فيها وجت في وقت مش وقتها
سلام : باهي نبي نخش
علي : مستحيل تخشي نين اتقولي سامحتك ونحبك
سلام : مش قايله
علي : كرها معا يديها خلاها قريبه منه لا تو تقولي
سلام : ااا خلاص سامحتك
علي : ولخرا
سلام : لا لاه تو تقولي مش حاسه بيها
علي : قرب اكثر نحبك ونموت فيك ي فراشتي
سلام : سخنت وقلبها يدق بسرعه تباعدت وبحتت في عيونه نحبك وفكت يديها وخشت تجري
علي : ي هبله راجي
سلام : ماعدلتش عليه خشت للحمام وسكراته و قعدت حاطه يدها على قلبها وتضحك
