#كبرت_على_حبه🌻❤
#الحلقه_الثانيه_وثلاثون🦄🍒
______________________
صلاح : هاهاها دمك خفيف تصدق كنت جاي نبي نكلمك قالولك تعال
جمال : اصبقني تو نلحقك
صلاح : تباعد منا وبصوت عالي را عندي مقطع فيديو هههههه
جمال صبى يجري وراه
صلاح : قعد ورا جده ي جدي فكني من ولد وراسك
جمال : معصب ي فرخ امسح المقطع خيرلك
مفتاح : اين مقطع
صلاح : مقطع كيف تقضي على الجفاف
جمال : وحق ربي كما تمسحه نمسح بيك البحر ي &&&
جدهم : وسع بالك وانت شن دايرله
عمر : تي امسحى بطل معيله
سلوى : خلينا نحقوه قبل
علي : هههههه حقير العيل هذا
جمال : صلااااح امسح && المقطع
صلاح : اعصابك ي شيخ والله ما صورت هههههه
حمد : يعني تبي هزيبه لروحك
هاله : مهزب هههههه
جمال : والله تشوف عليها المعيله
صالح : اووي كنكم كلكم معا نصي
صلاح : القنك اصلي ي نصي تعال ترافقني حقيتلك دراقي صح بكل غادي
علي : القني نبي نرافقكم
حنتهم : تي تحشمو ي عويله من جدكم
صلاح : تي ي حني انتي راقده جوا وهوا امبدري زايط ع البحر
جدهم : قعد يضرب فيه بعصاته امشي يلي ماتحشم
فتحيه : ل عيل هذا معش يتحشم بكل
سلام : كلهم غير صلوحه واخذ الحشمه وكشخت على علي
علي : غمزلها وضحك
صلاح : القنك صح ي بنت عمتي
جواد : سندس ماتنفخينش
سندس : كنك انت قتلك والله ماني طالعه عليه
جواد : لعيت جدك مافيش مشي وانتهى الكلام
سندس : تبكي حرام عليك عميمه مريضه ونبي نعديلها والله ماني طالعه على ضنى عمي بكل
جواد : عليش لبكاء انا خايف عليكي شفتي شن دارو فيك ولا نسيتي
سندس : مانسيتش ومانحبهمش بس عميمه والله طيبه وكويسه معايا وهيا مريضه ودزت عليا
جواد : تنهد وسكت
سندس : وراسك حبيبي والله ماني مطوله
جواد : باهي اسكتي بيش نخليك تعدي
سندس : نجك لي انحبك انحبك انحبك
جواد : اسمعي عندك ربع ساعه بس تقعدي
سندس : حاضر حبيبي خليني نعدي نلبس
جواد : البسي عبايه
سندس : حاضر اي اوامر اخرى
جواد : اها في بوسه وبعدين سكري
سندس : اااااا... 😨
جواد : بسرعه را نغير رايي ونقولك ماتمشيش
سندس : امووووواه وسكرت وقعدت تضحك وقلبها يدق
قعدو الشباب يشوو ويشفطو على بعضهم والبنات يوتن فالسفره و الحاجات دارو طاوله طويله
سيرين : انخش نغسل يديه تو نجي
عزيزه : ماطوليش بيش تعشي
سيرين : ع السريع
عمر قمعز وقمعزت جنبه هاله ومن جيها لخرا نعيمه وكانن متفقات
سيرين جت تبي تقمعز لقت عمر مقمعزات جنبه قمعزت جنب حمد و سلوى
سلوى : بصوت واطي وسعي بالك
سيرين : بحتت في عمر وكشخت عليه حقي كيف مستمع هوا
سلوى : فوتي يقهرن فيك
سيرين : حتى انا فايته
حمد : بلاش قرمه هههههه
سيرين وسلوى طربقن ضحك
عمر : ضحكونا
هاله : انا و عموري مانسمعو في شي هههههه
سيرين : بحتت في عمر صار عموري ورفعت حواجبها
سليمه : هههههه عادي من هما وصغار متعودين على بعضهم
حنتهم : كيف الخوت
سيرين : بصوت واطي موت ياخذها وبعدها قالت لا عادي حتى انا تقدرو تقولولي سوسو هههههه
عمر : رفع حواجبه وفنص
صالح : سوسو مديلي الملح هههههه
سيرين : هههههه هاك انت و خوك مانستهلكش فيكم دلعين دلع واحد صلوحه للثنين
جمال : هههههه اختصار مع ان بمبه ماشي مع الحقير هذك احسن
مايا : هههههه مازال شايل عليه
صلاح : ياكل ومش معدل عليه
نعيمه : عند ل وكال معش يعرف حد
سلوى : في عالم ثاني يقعد هههههه
حنتهم : صلو على نبيكم كنكم معاه
صلاح : يظلمو فيا ي حني هههههه
جدهم : كولو الخير واجد
عمر كان معصب مابش يرد ولا يناقش فالموضوع
ولا تخلى القعده من حركات هاله هههههه😂
