#كبرت_على_حبه 🌻❤
#الحلقه_التاسعه_و_عشرون🦄🍒
_____________________
سيرين : حول ماكني شي
عمر : طلقها امشي اقلبي وجك
سيرين : خشت للدار وطلعت توته طويله وسلحت دبشها تبي تغير خش عليها عمر سيرين خذت الماليه تلبس فيها بسرعه
عمر : كرها منها شنو هذا 😮
سيرين : تبكي و تبي تاخذ الماليه عمر هاتها
عمر : عزق الماليه على السرير وقرب من سيرين اخر مره نسألك شنو هذا
سيرين : اتوخر وتبكي قلتلك شي
عمر : خبط بيده على الساس وبصوت عالي مش حاسبه *** امي راجل انتي
سيرين : تلكلك مش هكي
عمر : بصوت عالي ها جاوبي
سيرين : دفاته من عند صدره تبيني نقولك بابا ضربني خلاص بابا ضربني وتخبط على صدره خلاص تعبت من العياط تعبت وتبكي وتشهق
عمر : طلع وسيبها وبعدها سيرين سمعت باب الشقه سكر
سندس : ادق على دار جواد
جواد : تفضل
سندس : خشت نقدر نحكي معاك
جواد : قمعز ها شن تبي
سندس : جت قمعزت عند كرعيه ومسكت يده وتبكي والله انشغلت عليك والله ماكنت
عارفه يلي صارلك
جواد : انتي ي سندس مسلمه فيا ماصدقتي بيش تخلصي من الأحسن الفتره هذي نبعدو شويا
سندس : بس انا انموت بدونك والله كتبتها بيش نقهرك بيها لانك انت قهرتني والله مانتحمل بدونك ثانيه
جواد : كنتي فكرتي قبل لا تكتبي الرساله
سندس : انا غبيه وحماره ومانفهمش
جواد : بحت فيها بنص عين وشنو اخرى
سندس : و عبيطه وحيوانه وبعدها فطنت لكلمه جواد بحتت فيه وضحكت
جواد : فتحلها يديه تعالي ي هبله
سندس : زبقت عليه حضناته اسفه اسفه والله انحبك انحبك ونعشقك اخرى
جواد : هههه خلاص اهدي
سندس : وخرت عليش قلت نبعدو كنت تبي تسيبني
جواد : مسك وجها بيديه و مسح دموعها مستحيل نقدر نبعد عنك بس قلت هكي نعاقب فيك وعارف كلا هبال يلي دزيتيه امس
سندس : ردت حضناته
جواد : حضنها وباس راسها ربي يخليك ليا ❤
جمال : مايا تعالي قمعزي
مايا : قمعزت جنبه وساكته
جمال : خلينا نحكو
مايا : بصوت هادي به
جمال : احكيلي كل شي بدون كذب ولف ودوران
مايا : به 😮 وقعدت تحكيله
جمال : مسكر يده زين وشاد على اعصابه
مايا : تبكي وبعدها بابا سمعني وضربني ورنيت عليه
جمال : قلب الطاوله بيده
مايا : وخرت وتبكي قالي انا مادخلنيش بيك وبعدها وافقت عليك وتغيرت حياتي انا حبيتك انت انت وبس انت يلي سلمتك روحي والله لما شفته ماحسيتش بأي شي اتجاها انت الوحيد يلي قلبي لكي يدق وخذت يده وحطتها على قلبها
جمال : كان يبحت تحت وساكت
مايا : جت عند كرعيه ومسكت وجه والله انت يلي نحبك انت وبس مهند كان ماضي وفترت مراهقه والله نسيته
جمال : دف إيديها وصبى طلع وسكر الشقه
مايا : قعدت تبكي وحست روحها خسرت جمال
سيرين : قعدت تستنى في عمر نين خذاها النوم
عمر خش للشقه شاف سيرين لقاها راقده دار دش ولبس ورقد جنبها على ظهره وحط يده على وجه
سيرين : حست بيه ناضت وجت رقدت فوق منه
عمر : حول يده وبحت في نضتي
سيرين : كنك طولت
عمر : حولها وبرم وجه حاجه ماتخصكش
سيرين : لا تخصني انت حبيبي وزوجي وعمري
عمر : بعد تعتبريني كيف ماتقولي وتحكيلي كل حاجه تعالي اسأليني
سيرين : حضناته من لاوره زين والله صعبه نقولك بابا ضربني
عمر : خلاص ي سيرين نبي نرقد
سيرين : خشت فيه وبصوت واطي به
عمر : حط يده فوق يديها ورقد
سيرين : رفعت روحها وباست كتفه بشويه نحبك
عمر : غمض عيونه ورقد
