كن لي حياة⁦❤️⁩🔞

4&5

.
.
.
.
.

بارت 4
عافني متوترة شنو يحجي وياي اوففف شكد غريبب بعمري ماشفت مثله، اتذكرت من ساعدني وطلعني من المركز عززه ماشكرته .لازم اشكره عيب حتلو صرت مرته ،كمت الملم الاماعين واغسلهن واتذكر موقفه وياي لوما هو جان شصار بيه بأيد منو هسة اني؟ كملت وردت اروح انظف الغرفه گلت لا الصاله والصحيات واخر شي ارجع للغرفه، تؤاا مااكدر اروح للغرفه وهو بيها مستحيه وخايفه منه من اتذكر البارحه نايمة وحاضني يمة اصخننن...

وخلصت ليلتي كلها انظف جنت اول مرة اشتغل هيج شغل تعبت تعب ماصاير بحيث طلع البيت يللللمع وريحة العطور تعط منه، جانت غرفه بالميتم واني واكعتلها غسل واعطرها ببخور عربي شرط.
هالمرة هم ابخر بالبيت ومرتااحه وادعي يارب تدوم راحتي، بقيت الطارمة لباجر لان صرت 12 واحس رجليه ماتشيلني بعد من التعب گوة ذبيت ماي على روحي وطلعت بسرعه اركض للنوم،

صعدت للغرفه على كييف ورحت للسرير عيوني كوة افتحهن توني انام حسيت على ايده نمدت على كتفي رغم نعسانه بس رجفت مستغربه ومابيه حيل افتح عيوني ولااتحرك بعد ماحسيت الا والنوم مسيطر عليه ..
فتحت عيوني الصبح صافنه احس عظامي مكسرة، لحظه وانتبهت لنفسي نايمة بحظنه وجهي بصدره لا والاقوى منها اني حاظنه ايده شنو راح يشرد!

انسحبت على كييف و نزلت للمطبخ الساعه ب10 هسة اني تعبانه ونايمة لهلوكت من شغل البارحه، انت شعندك نايم لهسة عزاا الظاهر مايشبع نوم! افتر بالمطبخ جوعانه سويت بيض وطمامة وعزلتله ع صفحه وجاي وجبن وصمون توني اريد اكعد اتريك سمعت خطواته ينزل ع الدرج الغرفه، طب يشرب ماي وشافني كال:صباح الخير،گواج الله ع تعب البارحه

..ابتسمت مدنكه الله يگويك، تتريگ
رفعت راسي شفته صافن عليه، اي اريد بيض وطماطة انه هم

..طلعت حصته من الاكل وكعدنه نتريك وهو يتفحص البيت ويباوع كانما اول مرة يشوفه حقه انگلب لونه،هالمرة خلص هو ويباوعلي بعدني اكل على كيفي كعد شويه يهز برجله واني ماخذه راحتي بالاكل لحدما گام غسل وراح ،كملت ريوكي وغسلت الاماعين وحسبت حسابي اروح للغرفه انظفها اليوم اگلبها گلاب اليوم لأطلعها عروس! صعدت واشوفه متمدد عالسرير وتلفونه بأيده، شافني واكفه

..شبيج واكفه تصفنين تعاي
..رحت يمه عالسرير دأحاجيه. اا تكدر ت..

بعدني ممكملة ومااحس الا جرني من ايدي ووگعني عليه شهگت متفاجأة وفاتحه عيوني ع وسعهن صرت امد ايدي دأحاول افلت اديه من خصري بس محال،ايديه التفت على خصري ثبتني فوكه لازمني ويباوع بعيوني واني عيوني على ايده، قرب وجهة عليه رجعت وجهي لورا مرتبكه حييل ايده لامست خدودي وتمشي عليهن ثواني وقرب وجهة على رگبتي احس بنفسه الحار يجول على رگبتي گلبي صار يرجف وبطني مغصتني، خايفه ومااعرف شحيصير همس بأذني من شافني ارجف