كن لي حياة⁦❤️⁩🔞

16

.
.
.
.
.
.

عمتي وكفت بالمطبخ وطبخت انواع الاكل لمصطفى بما انه توه راجع واني جنت مشتاقه اطبخله الاكلات الي يحبها فماقصرت وعمتي تمشي وتزيدني فخر

..عفيه عفيه بنيتي نادرة، بارك الله بيج سنعه، عاشت ايدج حلوو، كلماتها زادتني حماس بحيث خلتني اطبخ واصيح بعد ههههههه

گعدنه نتعشه الكل ملتم ومصطفى كل شوي وقدملي صحن وكال اكلي بحيث انحرجت گدام الكل شلت الخاشوكه دأكل وگال عمو ..يابه ماگتلي شسويت بموضوع اهل زوجتك
وگعت الخاشوكه من ايدي انصدمت شنو اهلي يا أهل!!

باوعلي ومسد على ظهري همس..على كيفج لتخافين ماكو شي اهدي
..شنوو اهلي
رد عليه عمو مستغرب ..شنوو يابه مرتك ماتدري فهمني الموضوع لگيتهم لو شنو؟
شهگت مصدومة ..ششنو عفيه فهمني شكووو

..اهدي يابه اهدييي يابه مرتي ماتدري بأي شي ردت اتأكد والگاهم يلا ابلغها، عمو انصدم وگال.. يابه عبالي تدري
دارلي مصطفى واني احس گلبي انعصر مدري ليش اتمناهم دائما رغم مااعرف شنو يعني اهل
گال..راح احجي بس اهدي واصبري عليه..قضيتج انسدت بعدما خلص التحقيق وياج بس قبل شهر رجعت فتحتها حتى اعرف منو اهلج ،وحققت ويه هواي ناس من الميتم واكدت ع الكبار بالسن وواحد من العاملين اعترف انه انتي كنتي طفله مخطوفه بس أثناء الطريق صاير حادث والخاطف مات بالحادث والمرحومة نهاد الي هي صاحبة الميتم لاگيتج ومعالجتج من جروح الحادث ومتبنيتج، العرفته انه زوج نهاد يعرف أهلج او ممكن يعرف الخيط الي يوصلني لأهلج بس المشكله هو انهزم خايف من عصابة خطف الاطفال وانا مستمر ادور عليه وأوعدج قريب جدااا راح تلتقين بأهلج اوعدج بنفسي احط ايدج بأيد عائلتج

دموعي تنزل بغزارة ممصدگة الكلام اريد استوعب شنو ديصير شنو مخطوفه شنو ديحقق وحيعرف اهلي منو شنو يعني اني مو يتيمة اكثر شي اذاني وصدمني كلمة مخطوفه بقت ترن بأذني مسح دموعي بأيده يهدأني ،

عمتي تبجي وتطيب بخاطري وعمي والولد والبنات مصدومين ويحاولون يهدأوني گدما كان مفرح كان صادم بنسبة الي، بعدها مصطفى گومني لغرفتي ارتاح، اخذني لحضنه يوعدني بأيام اجمل بوجود اهلي غفيت على حضنه
ثاني يوم كعدت دايخه وكفت گوة غسلت ورحت للمطبخ جانت عمتي تتريگ هي وناديه وعمي صبحت وگعدت وياهم مااشتهي لحت علية عمتي على الاكل وقدمتلي البيض گمت لعبانه نفسي من البيض تقيأت وروحي طلعت بجيت واغسل بوجهي وعمتي صافنه تغسلي وتصفن لمن طلعت من الحمام وسألتني..ولج خاف حامل

..نزلت دموعي مترجيه يااارب اكون حامل اعراض الحمل كلها باينه عليه فرحت عمتي تدعي الله يجيها طفل مصطفى، وگالت روحي گولي لرجلج يجيبلج اختبار حمل ماقبلت ردت اتأكد وافاجئة واقترحت عليها تجيبلي او تدز احد يجيبلي بدون علم مصطفى،

ركضت ناديه لوائل تگعد بيه بخبال بحيث خطيه طفر طفرة تسوى عمره طلع يركض الكفشه والبدي بيده يلبس بيه، واني ضامة روحي بالمطبخ
..يووو شگد فشلة لو گايله لمصطفى ولا هالاحراج ويه وائل

..يمعودة عادي اصلا اني كلشي ذابته براس وائل هو مبتلي بيه.

..جابلي الاختبار وحللت طلع خطين واضحات، عمتي وناديه ونور وبسمة الكعدتهن ناديه من الحماس لكيتهن واكفاتلي بالباب عمتي تفرگ بايديها بسرعه كمزت بوجهي ..هاااا؟
مديتلها الاختبار مبتسمة انطته لناديه وهاي شافته وكامت تگمز وحضنتني تصيح حامل صرت بنصهن وهن يحضن ويباركن خو عمتي تبجي وتحط ايدها على بطني

ناديه..يلا يلا عيني روحي لرجلج بشري حتى آخذ البشارة بعدج
..ههههه ،رحت للغرفه جان نايم براحه تمددت بصفه مبتسمه تأملته لحضات واخذت ايده حطيتها على بطني تقربت لشفايفه بسته على كيف واستاذ مصطفى بهالسوالف تشتغل عنده الحاسة السادسة بحيث بسرعه حس وسحب شفايفي بقوة

حركت ايده على بطني عقد حواجبه وفتح عيونه باوعلي مااهتم حرك ايده بقصده يتلمس جسمي
رجعت اخذت ايده حطيتها على بطني رجع باوعلي مافاهم شي

اعتلاني يباوع بعيوني بسرعه بعدته عني ..اوكف اوكف حبيبي لاتجعصنه هيج
ضيگ عيونه بأستفهام
..شنو لاتجعصنه

..ابتعدت عنه وايدي تتلمس رگبته مبتسمة حجيت بدلع..اممم حبيبي تجعصنه اني وابنك
..بلع ريگه صافن لحظات وتحولت نظرته لهفة وبسمة ..ابنييي لج ابنييي يعني يعني اني راح اصير اب موو هههههههههااااي ياللله هههههههاي ،حضني بقوة واني صحت بيه اضحك

...هههههههه حبيبي وخررر حتخنگنه هيج
..وخرت وخرت هو انتي تريديلج حجه، تعاي اگلج شلون عرفتي بحملج وشوكت
..اممم هسة عمتي دزت وائل جابلي اختبار منزلي وحللت وطلعت حامل اني اعراض الحمل تعبانه صار فترة احس بيها وعمتي لحت احلل
..اووف الحمدلله بعدج تعبانه؟
..لا شوي دوخه

..گومي نروح للطبيب نچيك ونطمن على وضعج
..لا لا موهسة مابيه حيل عفية
..تمام العصر نروح
الكل فرح وباركولنه كعدوني كأنما اميره مااتحرك بحيث مصطفى راد قميصه صاحت بيه عمتي امشي منا عنها ولاتتحرك لمن تجيب

ناديه تضحك عليه وتگول بعدج ماشفتي شي لج اني ببناتي خلت رياض يكمز ماتقبل اروح يمه ولااتحرك خلصتها نوم ماتشوفين بناتي فاهيات وبس نوم مخلصاتها

للعصر رحنا للدكتور ة اني وياه وطمنتنا كل شي تمام
رجعنا للبيت فرحانين لليل ووائل گعد يبسمر

..تهي بهي هاي تاليتي اكعد من الصبح اركض حافي اجيب اختبار حمل لنسوان اخواني والله يالله الشغل عليهم والتعب عليه

احس وجهي دخنننن اشتعلت نااار من الفشله گوة كاتمة ضحكتي وعمو رزله رزاله من التمام.......يتبع

هذة بارت تفاعل ياقوم✨