كن لي حياة⁦❤️⁩🔞

19

.
.
.
.
.
للعصر اجه عليه مصطفى وودعت اهلي ورجعت للبيت باوعلي صفح وكال
..هااا هاي هي صرنا كخ ماعولتي ترحين ميخالف يابه الي الله

..ههههههه حبيبي انتي الكبد مالي مكانك هنا ميتغير اشرتله على گلبي ابتسم
مرت الايام بسلام هسة يلا حسيت نفسي متكامله الحمدلله ماما بين يوم ويوم تمرلي واني ازورهم وسامر الاخذ دور الاب يتصل ويسأل، ناديه واخيرا طلعت حامل بولد خطيه فرحته متنوصف جانت منتظره الولد على بنات اثنين، واني دخلت بشهري وماما توصي وتعلم وعمتي من جهة ومصطفى من جهة ،

بيوم طلعت واكفه بره منتظرة مصطفى طلع يشتريلي، دخلت نور جايه من الجامعه وجهة اصفر..هاا شبيج منو يركض وراج
اشرتلي اسكت وكملت مشي دخل وراها مصطفى باوع لجهتهة ماحجه شي بس ابتسم، رحت لنور لزكت اتوسل

..فدوة فدوة گليلي شكو يلا حبابه راح اموت فضول احجييي لا اجيب
..هههههه لج بابا دولي ماكو شي
..والله اكو واذا ماتحجين ،شسوي هسة؟ احجييي
..ههههههههه اوك راح احجي، هففففف شوفي اني جنت دأنزل من السيارة ووو شسمه هذا سيف صديق مصطفى جان واكف ديريد يدگ الباب شافني وصفن بوجهي طبعا أنبني ضميري عليه وماكدرت اسيطر على نفسي اني هم اخذتلي صفنه بوجهة وتوتر الجو بينه لمن كال مصطفى موجود؟ اختج العوبه صافنه سايحه بيه لذلك ماسمعته وهو شافني هيج ابتسم وحمحم ينبهني بسرعه فتحت الباب ودخلت جوة ويه دخلتي طبگت سيارة مصطفى ربك ستر ماشافنه يممه گلبي لهسة يوجعني هههههه

..ههههههه عزااا صايره تصفن الاخت ادبسسز دوافقي وفضينه والله خوش سيف
..هههههه ليش بكيفي هو متقدملي حتى اوافق
..هم صحيح

مر يومين وتفاجأت بدانيه اتصلت عليه وبلغتني يردون يرجعون يخطبون نور لسيف بس تريد مني اجس نبضهم قبل لايجون وفعلا سألت نور وطارت من الفرحه الظاهر الاخت غرگانه ورايحه وعمتي وافقت بشرط موافقه نور الا مصطفى سألته گلبي يرجف وتفاجأ وجاوبني فورا

..اني معليه ولا اتدخل توبه هم تصيرلي سالفه وبعدين انتي ليش تسألين؟

..صراحه دانيه بلغتني يردون يجون يخطبون مرة ثانيه، بوكتها شك بالموضوع بس سكت واثق من اخته، وفعلا اجن ثاني يوم خاله ودانيه اخذني بالاحضان ودانيه تگلي
..بذاته لاتجين لاتسألين هي هيج گالوها
ونور الخجلانه لابسه فستان احمر وشال مرتبته ومكياج خفيف طالعه تجنن، يومين بعدما وافق الكل من سمع موافقه نور فرحو واكثرهم مصطفى ورجعنا الخبر بالموافقه بيومها احس عندي وجع من العصر، لليل واني گمت ابجي مو متحمله انخبصو بيه واجتي ماما بليل تركض لازمتني وين مااروح ومصطفى يصيح وين العبايه جهزو السيارة متوتر اكثر مني  ............

كعدت اباوع لفراش حسوني فارغ ياربي راح يموتني هالولد شوكت يكعد ماادري، طلعت من الغرفه ادوره والگاه گاعد بالمطبخ مطشر الخواشيك ويلعب بيهن عطت بيه من الصبح يركض للخواشيك ابو بطن