كن لي حياة⁦❤️⁩🔞

20

.
.
.
.
.
.

تمددت بغرفتي احاول انام گوة اتحرك جسمي يوجعني. دخل سامر باوع بأرجاء الغرفه وباوعلي گال..هاي شنو وحدج وين امي وسارة؟

..بلعت ريك هسة شكله
..اا ممادري
ضيق عينه يباوعلي رديت بسرعه
..راحت لبيت خالو وبعد لاتسألني تجي واسألها
...هممممم تمام يصير خير، خو مامحتاجه شي  شلون عافنج وحدج
..لا سلامتك جنت دأنام
..ماشي نامي ارتاحي واني هنا كاعد بالصاله انتظر رحمة الله،

طلع متضايق طلعة ماما بدون متگله
نمت وحسيت صوت ماما برا هي وسامر يحجي عليهم المن رحتي وهي تگله رحت اجيب حسوني معليه بمصطفى اني،

وفتحت الباب فزيت همست..نامي ماما عبالي گاعده جبت حسوني مثل مگلتي خطيه جان يبجي عليج
..جيبي ماما ميته عليه،

صاحته واجه يركض لحضني ويباوع لأيدي ووجهي الوارم مخترع
..ماما يوجعج هنا
.. اي حبيبي،
باس ايدي المكسورة عود حتى تطيب متعلم هيج يسوي من يتعور وتمدد بحضني جان مبين صوته مخنوگ باجي هواي نام بسرعه الظاهر منايم ووين ينام اعرفه اذا مو بحضني مينام وميفارگني دقيقه، نومته وصحت سارة اجتي عدلت نومته وكعدتها ..احجيلي شصار هناك

..اففف امي راحت هناك لعبت جولة ،طبينه وماقبلت تكعد وين اخوي عندي حجايه وياه هي هاي الامانه شنو الذنب العظيم الارتكبته بنتي حتى تجيني مكسرة، اجه خالي وكعدها گوة وصاح على مصطفى هم اجه كعد وامي تخزر بيه جان مبين ضايج،

ماما ماحاجته الحجي صار لخالي تبجي وتگله اريد حق بنتي منك انت ليش يصير بيها هيج لاطلعه ولاطبه من دون الناس لاتطلب ولاشي كل اهتماماتها تربي ابنها وتخدم رجلها،ليش هيج صار بيها انطوني غلط واحد سوت وسكتوني،

خالي تعذر منها ورزل رجلج رزاله ناشفه وگال التريده ايه يصير وانت تنفذ وبس رجلج ماحجه ساكت شيحجي بيا عين يحجي، المهم گلتلهم ماما تريد ابنها تاخذه هناا رجلج طفر يصيح ..شنووو تاخذه ابني يمي قابل اني طاردها وبعدين مرتي انا غلطت وانا اراضيها بس انطوني مجال خلوني اشوفها

..ماكوو بنتي تحلم تشوفها البنيه تعبانه تريدها تموت بعد
..عمممه ميخالف اعرف تعبانه وغلطت وغلطتي عظيمة بس خلوني اصحح غلطتي يابه ليش تتدخلون ابني ميروح

صاح بيه خالو وگله انطيها ابنها وصحح غلطتك خليها على راحتها البنيه تعبانه لاتعبها اكثر وتكرها بيك اكثر،

المهم گوة اخذنه حسوني ورجلج يتوعد انا ماعليه مرتي اريد اتفاهم وياها
..لابالله عباله السواه شويه يتفاهم وياي ولااريد اشوفه وكلشي انتها بينه ابني يمي ومااريد شي بعد، اتذكرت مرة گتله اذا ضربتني بعد تنساني بوكتها حاولت اخوفه حتى ميعيدها بس الظاهر مامهتم وماخذني على گد عقلي ،

لليل دگ تلفوني رقمه رفضته ودگ ورفضته دز رسائل يأمرني افتح ارد عليه ويشرح بس افتحي خط دأحجي وياج
..ليش دتعاندين مو احاجيج رديييي
..يابه اعرف غلطي ترا وداحاول اصححه بس انطيني فرصه
..كل انسان اله فرصه ثانيه والله يسامح انتي شبيج حقودة
..داحجييي وياج رديييييي لااجي انعل يومج
رسائل رسائل اتصالات وكلااام مو طايقه اسمع شي هالفترة غلقت التلفون وضميته ملييييت يعني بس اريد ارتاح فترة مايصير تعباااانه مايصير ، ايام مرت واني رافضه اسمع شي منه عالاقل لمن اصير زينه، خالو وخاله والبنات يرحون ويجون عليه مرة يوصوني ارجع ومرة يگلولي ارتاحي هسة، خاله جانت دائما تنصحني ارد عليه واني ارفض

..ايه ترا كلنه وياج وندري غلط بس هو ندمان والله لوتشوفينه بس يفتر ومهموم ويجي يتوسل بينه بس اقنعوها تحاجيني ابنكم هم اتبهذل يريدكم اثنينكم تفاهمو ترا مايصير هيج

..خاله الله يخليج خلوني ارتاح تعبت كافي تظغطون عليه، انهاريت ابجي وگعدن يهدأني وامي سدت الموضوع نهائي من گالت بعد ممنوع تفتحون هالسالفه لحد ما هي تطلب رغم ضاجو بس عذروني
ثاني يوم سمعت صياح سامر برا وصوت مصطفى يصيح مااروح لمن تحاجيني،

سامر..مصطففففى رووح منااا متريد تشوفك وترا ساكت على سوايتك لخاطر خالي وابنك والا والله اكسرك ببدالها روح وخليني مهدي ببالي عليك
..يااابه شبيكم افهموننييي غلطت غلطتت ومامعصوم بس انطوني مجااال شلون بالله كلنه بوقت العصبيه مانشوف دربنه ايييييه اطلعيييي داحجي ويااج

..ماما كعدت تلطم فضحنه واني دخلت لغرفتي قفلت الباب عليه خايفه من شوفته كعدت ابجي واسمع صياحهم عليه وماما تهدي بيه وتتوسل بيه يروح ويهدئ وكلشي ينحل صار هدوء عرفته راح وبعدها مااجه بس محاولاته استمرت يدز خالي يسألوني بهدوء ماغيرتي رأيج اجاوب بدموعي وفورا يسكتون حسوني يروح لأبوه عصريه او الصبح ويرجع مايگدر بدوني مرت الايام والحمدلله تحسن حالي وايدي شلت اللفاف منها ماما عوضت عن طفولتي ورجعت تهتم بيه كأنما طفله تجيب بالاكل وماكو وشعري تمشطه بأيدها بالزيوت والخلطات الطبيعيه اهتمت بيه زايد تجملت اكثر من العاده سارة جانت تگعد وتتضجر تمزح

..والله عمي ظلم شنيهاي ادري اني هم بنتج يممه اغااار والله مايصير بس لست ايه الدلال ذبيني بالشارع وخلصي بعد عليمن،

..ههههههه روحي لج انتهى دورج، ماما تباوعلها بطرف عينها وتسكت وهي تموت من الغيره بالزايد
مرة اجتي خاله ووياها نور وبسمة، نسولف ونضحك انتبهت بسمة تصفن هواي كعدت استجوبها وصارحتني

..قبل يومين خطبني صديق وائل ومن خلال العرفته هو خوش ولد حباب انسان محترم وحالته زينه على گد حالنه بابا ووائل مدحو بيه هوايه وراح يجون بعد باجر حتى يشوفني واشوفه متوترة حيييل
..انتي تحجين صدك!!!معقوله؟ ولج وياسر شنو؟
..يااا منو ياسر؟

..ياسر ياسر فهمتي عدل وانتي تعرفين بيه يحبج شلون اذا عرف

..ياا واني شكو يحبني ماخطبني والله لو خاطب جان وافقت ماعندي مشكله المهم رجال يحترمني ويقدرني بس هو غلس واني والله ماعندي شي وياه حتى مااباوعله اخاف اخليه يتعلق بيه واصلا تدرين بيه اموت من سوالف الحب وبعد اني منتظره قسمتي وين تصير صديق وائل اشوفه واذا عجبني اوافق عليه مغلطانه بشي اني

..صحيح كلامج يلا الخيره فيما اختاره الله.......يتبع

❤️❤️