كن لي حياة⁦❤️⁩🔞

21

.
.
.
.

جنت اتظاهر بالقساوة بس بداخلي حنين لهدوء بيتي لأبتسامته الي يذبح نفسه يله يبتسم رغم الي صار بس حبنه صادق وبعدني على قراري معانده اشوفه وعايفيني على راحتي مااعرف احس كل ميمر الوقت ازيد برغبتي مااريد اشوفه ،

مرت اسبوعين واجتي خاله تزورنه وفاجأتنه بخبر ردو خبر بالموافقه على صديق وائل وحيسون حفلة الخطوبه الخميس هذا شددت علينه الخميس هذا يعني جهزوا نفسكم جانت دتبلغنه مو تعزمنه، اني رديت

.. اعتذر اا اني ماراح احضر ،اعرف بيه موجود مو بداومه لان امس اخذو حسوني اله وگالو ابوه اجه ويريده خفت اروح واشوفه
ردت عليه بدون اهتمام..لا مو على كيفكج اني ماجاي اعزمج انتي چنتنه ولازم تكونين موجودة انتي ملزمة مو مخيره احضري الحفله ولاتسمحين لأحد يتشمت وعود بعدين ارجعي ويه امج

تدخلت ماما بسرعه وردت اي اكيد تحضر قابل اعيفها وحدها بالبيت ماعليج منها تجي تجي ومن الصبح هم
ماخلني اعترض اصلا
راحت خاله واني مغضبه وجهي على ماما
..ماما انتي شلون توافقين وتحرجيني ماريد اروح اجباري يعني!!

..لا مو اجباري ماما بس الزواج مسؤليه ومسؤليتج توكفين ويه عيالج وحماتج بهذا اليوم عيب ماما روحي ورجعي مرايدين منج شي هم

اقتنعت نوعا ما مااعرف جنت خايفه اتهرب منه يلا احاول عود ماالتقي بيه، انتبهت لسارة تجهز بحماس هم تضحك هاي مستعجله ع الحب والزواج ماتدري بيه ظيم،

اخذتنه ماما للسوگ لاول مرة اطلع لمكان بدونه، امشي واتحسر واكول الحمدلله اشتريت فستان احمر طويل ردن بس الظهر مكشوف وسارة اشترت فستان نيلي قصير بس مامنفوش عادي يليق بحفلة خطوبه ،

احلا شي بماما تكعدنه بالليل اقنعه للوجوه ومرطبات واكل منتظم كله تجهيزات للحفله تجهزنا بأيدها ساعات اگعد ابجي من اشوف اهتمامها بينه اركض لحضنها وادعي الله يحفظها النه طول العمر
اجه الخميس وجان سامر الوحيد متضايق مقابل على روحتي يگول مدام مجبورة عوفها لاتروح بس ماما ردته عيب خالك دز عليها تحضر وياهم

وصلنه سامر لبيت خالي وراح لزمت بعباية ماما وهي تجر بيها حسوني بس شاف البيت ركض قبلي يصيح ماما بابا هنا رايح اشوفه

سارة تهمس يمي اجاك الموت ياتارك الصلاة ههههه
خزرته وگلبي يدگ حيييل متوترة دخلنه وسلمنه ونور غمزتلي.. شبيج خايفه ياكلج البعبع

..ماتضحك درت وجهي عنها وكعدت بصف ماما لزك جانت خالتي ام ناديه هم جايه التهينه وياها نسولف شويه وصاحوني البنات للغرفه رحت يمهم واحس هسة يلا اخذت نفس

بسمة..شبيج خايفه مايدري بيج تجين ترا اصلا البارحه يگول ادري بيها ماتجي
جريت نفس براحه وهمس الحمدلله ..الا تعالي گليلي شسمه اا ياسر ماكو صوت منه شوو
..هههههه اي باعي هذا الحب ماهتم ولاگال شي من بلغهم بابا