كن لي حياة⁦❤️⁩🔞

13

.
.
.
.
.
.

دخلنه گعدنه بالصاله كعدت بصفه وهو بصف امه يبوس بيه ويسولفون ويانه سألوني شلون تعارفنا وهو گللهم بعدين موضوع طويل وغير السالفه. لهناك وگامو يحظرون للغده گمت ويه البنات اساعدهن بالبدايه مقبلن بس لحيت ووكفت وياهن

گالت ناديه..شكد حلو مصطفى طلع خادعنا كل هالفترة متزوج ومرتاح واحنه شايلين همة ههههه
..ايي حقه غير يمه غزاله ههههه

بسمة گالت:الحمدلله واخيرا رجع ورجعت المياه لمجاريها بعد الفراگ
ردت عليها نور بحزن: بسببي صار هيج لو ساكته ومامطوله لساني وياه ماجان تشتتنا

..لاا حبيبتي اصلا هو دوم يگول نور هادئه كلش واني جبرتها لذلك صار الصار والحمدلله التميتو من جديد ولو هو ماناسيكم ابد والله اشوفكم بعيونه..

ناديه حجت تغير السالفه: يووو ولجن يلا خل نخلص من الغده لان اكيد بعد الغده تتجمهر عدنا الجماهير بعودة الغائب

..هههههه، بعدها صبو الغده انواااع سفره طويله كلها التمت سوة شكد فرحت بالجو عدهم حبيت اكون منهم وبيهم اكعد بوسطهم اشاركهم بسفرتهم حبييت ترابط عائلتهم حيييل هالشي خله عيوني تلمع فرح، باوعت لمصطفى ابتسملي وسوالي مكان بصفه،

كعدت يمه وهو قربلي الخاشوگه والاكل وكل شوي ينطي شي ويهمسلي.اكلي،جنت خجلانه حيل اول مرة اكل بوسط هيج عدد، البنات يباوعن علينه ويبتسمن وناديه تغمزلي بسكته، كملها عمو لمن
گال

... بويه وكلها انت شبيك مستحي،
صفنه ثواني وطگوها ضحكه كلهم متت خجل ظليت مدنگه وهو يضحك وجاوبهم
...غير تستحي وماجاي تاكل
حجه وائل بضحك: وانت خويه صاير حنييييين ههههههه، كامت عليهم خاله
...اسكتو عاد واتغدو البنيه طبت بهدومها خلوها تاكل يلاا،

خلصنه غدة وناديه تغسل مواعين واني صبيتلهم جاي ووديته وزعته عليهم وهم يبتسمون الي ،كعدنه نسولف ومصطفى حجالهم كل شي يخصني جنت حيييل متوترة وجهزت نفسي انطرد وافرك بأيدية وهو يطمني بابتسامة صغيره

..انا اشكال تجيني بالمركز بس ايه جانت حاله خاصه اتيقنت انه الله دزني اساعدها وفعلا ساعدتها وساعدتني بحياتي زوجه وصديقه وبيت وام تأدي واجبها بكل كفأة بعمري مااحتاجيت شي ومالكيته جاهز ،انا واثق جدا من قراري بالزواج منها ولا لحظه تندمت ولو ينعاد الصار هم راح اسوي السويته واختارها ام بيتي واطفالي

..اسمع كلماته واحس برجفه ودمعتي بطرف عينه بقت تمر عليه كل لحظه عشناها سوة اول ايام خجلي منه وايام دلعنه لبعض وحتى مشاكلنه البسيطه من كلامه أمنت على نفسي وگلبي عنده كمل كلام واني مدنگه ثواني هدوء وكال عمو

..انت عشت وياها وعرفت معدنها وانا ترا شفت الراحه بوجهك اول مااجيت لذلك مرتاح لأختيارك واتمنى تدوم راحتكم وحبكم لبعض واشوف احفادي منكم،

نترست عيوني دموع واني اشوفهم مبتسمين بوجهي كلهم ،عمتي دارت عليه وگالتله

..وهسة تعال گلي ليش هيج يمه كل هالوكت يلا تذكرتنه ماحنيت يمه ولاخليتنه نوصلك لييش، حاجته ونزلت دموعها
حظنها هو وگال..ماجنت مستعد يمه الندم اكلني ماكدرت انسه السويته صعبت عليه شوفت اختي غاركه بدمها وانا السبب
..وهسة استعديت؟
..باوع لنور وگال، اي استعديت اتلقى عقابي من اختي

ابتسمت نور من بين دموعها وگالت..عقابك ملابس الدوام كلها عليك
ضحكو كلهم وكاللها تتدلين

..صدكني نسيت لاتلوم نفسك اني خطأت واعتذر
ابتسملها وسكتو ثواني وگال

..لهنا وفاض الشوق بيه واجيتكم وخلص لحد يلومني بعد ترا تعبت والله
رد عليه عمو..هذا هو يابه صفحه وانطوت تعاتبتو وخلص تنذكر وماتنعاد وان شاء الله تعلمتو من اخطائكم واجه وقت نرجع نلتم سويه سكت ثواني وكال،

.. غرفتك موجودة يابه وبيتك موجود ماريد اشوفكم ابعاد بعد
انصدمنه بكلامه ومصطفى فتح عيونه على وسعهن وكال..لايابه بيتي موجود واني اروح وارجع عليكم ماعوفكم بعد

ماقبل ابوه وكال ماكو هيج حجي ترجع ويانه ونفرغلك الطابق الثاني  واخوك ينزل يمنه عود من يتزوج نبنيله شقه يمنه حاله من حالكم ، راد مصطفى يحجي گال عمو..هسة مو وكت هذا الحجي هسة ابقو هنا وانت داوم ومرتك يمنه ومن ترجع عود النه حجي بعد بس اذا مرتك ماراضيه لا بعد بكيفكم، اني كال هيجي واني كمزت رديت عليه مبتسمة

..لا لا عمو اصلا ياريت ابقه هنا،

سكتت متفشله ودنكت وهم ضحكو تفاجأة شلون طفرت بسرعه
مصطفى ضحك وكال
..خو انتي ردتيها من الله

كاعدين وبدت الجماهير توصل اجو عماته واولادهم  نسوان وزلم كبار وصغار وشباب ومصطفى لازم ايدي وحاطني وراه وكل شوي يضغط على ايدي ادري بيه يتخبل من اختلاطي ويه الزلم، بعدين نقسمو الزلم بالاستقبال والنسوان بالغرف، كعدت يم نور وناديه منصيه راسي عماته مبتسمات بوجهي ويتبسبسن ويه عمتي ام مصطفى،

عطشت وطلعت اشرب ماي، بطلعتي طبت مره ووياها بنيه شابه تقربت المره صفنت بوجهي ورفعت ايديها حاوطت وجهي باديها عيونها مغرغرة بالدموع واني مدري شبيه خفت واتوترت منها، همستلي منو انتي؟

رديت..اا اني زوجه مصطفى
بسرعه حظنتني ثواني وابتعدت تمسح دموعها وتبتسم همست.شكد حلوة انتي تشبهيين...

ماكملت كلامها مسدت على خدي وابتعدت اتقدمت بعدها بنيه شابه صغيرة تبتسم سلمت عليه وگالت

.اني سارة بنت عمة زوجج هذي امي
..اهلا وسهلا بيكم، دخلو يم النسوان واني رجعت وراهن، كعدت بصف ناديه ونور، همستلي ناديه تعرفني ع الكاعدين
..هذي الكاعده يم خالتي هذي امي اسمها منى (ام اركان) وهذن البنات الثلاثه اليمها اخواتي وهذي الثانيه خالتي سهى(ام جعفر)وهذني بناتها التلاثه وهذي الاجت هسة خالتي نهى (ام سامر) وهذي بنتها الاجت وياها سارة، هذني خالاتي اخوات امي يصيرن عمات رجلج افتهمتي
..يووو دخت يعني انتي شتصيرين لمصطفى
..هههه اني اصير بنت عمتهم
..هااا.....يتبع

لتنسون التفاعل ...