Hanan Adil
#انت_نعمتي1
في نص الإجازة والزهج متملكني شديد والوحده كاتلاني اتصلت عليه : سامح 😢انا زهجانه ياااخ
سامح : حنونتي انا مشغول اسي دقايق وبرجع ليك ماشي؟
انا : بعد الدقايق دي هتلقاني مت
سامح : بعد الشر عليك ي قلبي ما تقولي كدا😢
انا : جد زهجانه ياااخ
سامح : وانا علمتك لم تكوني زهجانه تعملي شنوو هااا تعملي شنو
انا : ما عارفه يلا هاقفل بس ضحك وقفل في وشي الحيوان هو علمني لم اكون زهجانه اصلي ركعتين واقرأ قران💙وفعلا صليت وقلت اسمع قرآن فتحت تلفوني سورة البقرة بصوت الزين يا الله ياخ سكينه وطمأنينة تنزل على قلبك من حيث لا تدري بجد كنت حاسه بنفسي مخنوقه شديد وفجأة غطيت ف نومه عميييقه ومريحه من التعب العلي 😴سامح جا الساعه 5 وانا لسه نايمه دخل اتدوش وحضر الغدا وجا صحاني حنوون حناني
انا : امممم سيبني ياخ
سامح : ي بت قومي انتي عارفه الساعه كم
انا : تعبانه ي سامح سيبني
سامح : وانا جعان ما بقدر انتظر
انا : امشي اكل وحل عني
سامح : عارفاني ما بقدر اكل بدونك ولا بنزل لي من حلقي بطلي كسل قووومي وبجرجر فيني من شعراتي
انا : يووووه يوم اسود من بدايتو مالك معاي ياخ
سامح : قووومي 5 دقايق خشي الحمام وغسلي وشك اتاخرتي بحرد الأكلا والله قمت وانا بتافف ومكسله شديد نفسي ف دش بس لو اتاخرت عليه هيحرد الاكل زي ما قال وهو ما بفطر فالشركه بس على الشاي البشربو معاي ما بزيدو الا فالغدا غسلت وشي سريع وجيت لقيتو جايب بيتزا انا م عملت غدا ، معاها عصير رمان وشيبس بطاطا ، قعدت وهو بعاين لي
انا : اهاا مالك ، سامح : بالزمه اسي دي خلقه يقابلو بيها زول وكمان ما عامله اكل حضرة سيادتك مقضياها لي نوم
انا : سوري مش قلت ليك زهجانه وتعبانه
سامح : والمزهجك شنو مع ابتسامه خبيثة شديد
انا : 😧سامح والله اقوم اخليلك الاكل
سامح : هههههه اسي سالتك انا اكلي عشان عاملك مفاجأة
انا : بجد 😍 سامح : حصل يوم غشيتك؟
ابتديت اكل بشرهة اتاريني جعانه وما حاسه بنفسي
سامح : حنان انتي ما فطرتي الليله صح
انا : غلبني اكل
سامح : غلبك ولا مكسله ما قلت ليك ما تقعدي جعانه وانتبهي لصحتك ما تعزبيني معاك انتي ما صغيرة بعد كدا
انا : اسفه سامح : يلا اكلي وما تعيديها ، بعد خلصنا لميت باقي الاكل وعملتلو قهوة هو كان مراقبني داخله ومارقه وانا عامله زعلانه من الهرشه مديتلو القهوة وهو ماسك الضحكه بالعافيه قلت ليه في شنو
سامح : ههههه تعالي تعالي اقعدي جمبي هنا
انا : ابيت😏 سامح : حضن صغير بس
انا : ماشه زاتو خليتلك الهول ده ، هو كان بقولي هتجيني راجعه اسي هههههه دخلت غرفتي وانا بطنطن واتفاجأت بكيس هدايا كبيير ف سريري جريت عليه سريع فتحتو كان فيه شوكلاتات منوعه ودبدوب وردي صغيروني مكتوب فيه ماي لايف وكمان اسبورت كان نفسي فيه وعطر بينك بس جد انبسطت ياخ اكتر شي بالاسبورت ياااي وبقيت انطط واصرخ سااميييييح وجريت لقيتو منتظرني واقف وبضحك اتشعبطت ف رقبتو وضماني شدييد ، سامح ياخ بحبك شديد ي احلى سامح فالكون ،
سامح : ههههه مش قلت ليك هتجيني راجعه اسي من قبيل بتتعززي مالك 😂
انا : ما كنت قايله في محفزات
سامح : اها الزهجه راحت
انا : عولاق، مشيت خليتو بضحك قالي طالع الصلاة ما بتاخررجعت اجرب فالاسبورت والعطر وقشرت معاه بالعبايه الخليجيه واتصورت رفعتها استوري انا وشوزي الجديد سامح لم جا وفتح الواتس شافها رد لي : وبالنسبه للجاب الشوز قلت ليه ده العشق ياااخ
بعد شوية رفعت صورتنا انا وهو صورتها يوم لمن كان موصلني الجامعه وكتبت عليها عشقي الثاني بعد الشوز طوالي😂 ، شافها جاني داخل : اه ي كلبه ي رمه بعد الشوز قلتي لي انا : ههههههه لا والله بمزح ياخ انت الكل فالكل
سامح : ااي اكلي لي عقلي بشويتينك ديل
انا : معقولة بث
سامح : ما قلتي لي الليله مالو قايم عليك نسيتي الحبه مش نفسيات
انا : سااامح
سامح : خلاص خلاص احكي مالك
انا : مليت من الوحده+اشتقت لماما
سامح : اممم ينفع اسفرك ليها ؟
انا : وانت 😢؟
سامح : انا ما بقدر اسافر معاك ظروف شغلي ما بتسمح لي بس امشي انتي تمي اجازتك مع امك وتعالي
انا : ما بقدر اسيبك براك
سامح : ههههه ليه شايفاني صغير ولا صغير على فكرة بقدر اعتمد على نفسي براي
انا : برضو ما ماشا
سامح : حنون كبري عقلك انتي مشتاقه لامك امشي ليها انا بحاول قدرتي ما انقص منك شيء ولو عملت ليك المستحيل ما بعوضك فقدان الأم وانتي ماجزة وانا غصبا عني ما فاضي ليك امشي قضي اجازتك معاها ، غصبا عني دموعي سالت وحضنتو سامح ما تقول كدا انت امي وابوي واخوي وصحبي و حبيبي وكل دنيتي انت نعمتي عارف كداضماني اكتر وقالي عارف ي نعمتي انتي بس برضو هتسافري
انا : لا يعني لا وقبلت منو بالاتجاه التاني قالي هتكسري كلمتي
انا : والله والله ي سامح تجبرني تاني ما اجيك راجعه
سامح : ده تهديد جديد ؟
انا : واعتبرو اتنفذ ضحك وقالي عنيده زي ابوك ربنا يرحمه
انا : سامح الله يخليك ما تبعدني عنك
سامح : انا قلت ليك ابعدي؟ قلت ليك زيارة وتعالي راجعه لكن براك العايزة تبعدي
انا : لا والله انا كدا مرتاحه جمبك
سامح : راحتك اهم شي طبعاً بس ما تقعدي كل مرة تدقدقي انا زهجانه وانا غيرو شوفي ليك شغله غيري
انا : هههههه حاضر وعد ما بزعجك وبشوف لي موضوع غيرك باسني ف راسي وقالي يلا تصبحي على خير ي خيري تعبااان ماشي اصلي العشا وانووم خليتو طلع مشيت خلطت ليه منقه وختيته جمبو فالتوليت ، فتحت تلفوني بدردش مع صحباتي ما مكمله النوم بالنهار لقيتهم كلهم عاملين ريبلي عالاستاتيو تبعي البتقولي احييي من سامح انا والبتقولي عرسيهو لي والبتقولي سامح السرور ي يمه وعندي زميل كاتب لي اريتني سامح انا عوالييق واحده علقت لي عالشوز مافي همهم الأكبر سامح ويقعدو ينبرشو لي فيه اليوم كلو فاقعين مرارتيولم اقولهن انطمن انا بغير عليه بضحكن علي تخيلو بس ما عايزين اغير عليه ده انا لو بيدي اقغلو ف قزازة مظلله زول يشوفو مافي 😏والعجب يوم ساقني معاه الشركه وفي واحده مااايعه كده راقده ليه رز وسلطة اسود وتتقدم وتجي بحجة الشغل بدون وعي شخت ليها وعدلته مشيتها الرمه جني وجن خفة البنات وهو يضحك مبسوووط الحيوان لم يشوف الغيرة ف عيوني وكل ما نطلع سوا لازم يعملي حركة ينرفزني بسبب الغيرة
اللهم انك انعمت علي بنعم لا تعد ولا تحصى وفضلك ونعمتك الكبرى هي سامح فاللهم السلام لقلبه 💙وروحه ، الهي احفظه لي من كل شر ومن كل سوء وعافه في بدنه ودينه وادمه لي نعمة ي ارحم الراحمين 🌹🌸👋👋
