#انت_نعمتي3
#Hanan_Adil✒
سامح كان مسخن شديد شوية وبدأ يهضرب بكلام ما مفهوم وجسمو كلو ماشي مويه بالرغم من انو التكييف شغال انا بقيت ببكي بس جسمي كلو برجف اول مرة اشوفو بالحالة دي ي ربي اسوي شنو بصحي فيه سامح سامح قوم رد علي ي سامح مالك ما كنت كويس وهو ولا معاي بقدرة قادر شلت تلفونو واتصلت على فؤاد صحبو رد لي بالووو ابو عادل لحقت تشتاقلي
انا : فففؤاد انا حنان الحقني سامح بموووت
فؤاد : شنو في شنو وانتو وين؟ سامح مالو ؟
انا : ما عارفه نحن فالبيت عليك الله تعال سريع وجدعت التلفون فاتح وانا ببكي ،، مفروض في ظرف زي ده الواحد يشيل حيلو شويه ويحكم عقلو بعيدا عن العواطف عشان يقدر يتصرف بس انا ما قدرت ما بتحمل عليه نزلة برد خلي اشوفو وهو في حالة سيئة زي دي ولا حتى برد علي سامح ده الحسنه الوحيده في حياتي هو الفاضل لي فالدنيا دي من امي وابوي ، كتر خيرو فؤاد ما تاخر عليه وجانا سريع وهو مهجوم وخايف عليه شابكني مالو سامح مالو وانا ببكي ما عارفه نام قبيل ولم.جيت اصحيه ابى يصحى لي كان معاه واحد تاني شالوه وكانو نازلين وانا وراهم لحد ما وصلنا العربيه فؤاد انتبه لي : اتتي هتمشي كده وطلع سريع لقى عبايتي وطرحتي فالسرير جابن لي كنت كنت بجلباب البيت ولا منتبهة لنفسي ولا اهتميت بالي كلو مع سامح 💔فؤاد.طاير بالعربيه طير وانا شايفه ماشي براحه وبقولو اسرع ي فؤاد اسرع خاته راس سامح في كرعي وبتكلم معاه فؤاد بزعل ضرب الدركسون وقال كم مرة اصريت عليه يمشي يفحص ويشوف الحاصل بس هو عنيد وما بسمع الكلام وشغال بالمسكنات بس ، انا ركزت في كلامو : قصدك شنو ي فؤاد سامح مالو الولد المعاه قالي ما عندو حاجه اخوك كويس واسي هتشوفي واقف زي الحصان وعاين لفؤاد عين ليها معنى ، رجعت اصحي في سامح لحد ما وصلنا وشالو دخلو فؤاد كان جاري مع الدكاترة وحكالم العارفو وعملو ليه فحوصات وصور وكلام كتير وانا الخوف انتهى مني ولسه مواصله فالبكى ي فؤاد سامح مالو قالو عندو شنو ؟
فؤاد : مافي شي ي حنان فحوصات روتينيه اصبري لحد ما تطلع ونشوف الحاصل واهو الدكتور طمنا عليه عندو شويه هبوط وبس ، فؤاد.بطمن فيني وهو متوتر وخايف اكتر مني بعد ساعه من القلق والرهبه الكانت فينا سامح صحصح وقال انا وين الممرضه قالت ليه حمدالله عسلامة انت فالمشفى حاسي بحاجه ؟
سامح : حنان حنان وين ؟ ، الممرضه فتحت الباب ونادتني بسال منك ، انا ما صدقت سامح صحى وجيت جاريه دايرة اقع سامح انت كويس حاسي بشنو ها قولي ؟
سامح : وهو بقش لي دموعي ههه انا كويس ها بسم الله
فؤاد : حمدالله عسلامة ياااخ خوفتنا كلنا والله كيفك اسي
سامح : احسن كتير الحمدلله ما تخافو يخوانا مجرد ارهاق
انا : ارهاق شنو البعمل كده جننتني ي سامح حرام عليك
فؤاد : هههه زولتك دي جرسه شديده طلعت خوااافه
سامح : اصلها جرسه شوف وشها عامل كيف تخوف بسم الله
انا : ضربتو براحه بطل غلاظه جد ي سامح كنت حاسي بشنو يعني نهائي ما بنتبه لنفسك لاحظت لاكلك.بسيط
سامح : كويس ي بت شوية صداع وارهاق بتكون ملاريا بس
فؤاد : الحمدلله جات سليمه اسي تطلع الغحوصات ونتطمن ان شاءالله، جا داخل الولد القبيل سلم لسامح وكفر ليه فؤاد قالو ده يس ود.حلتي ، يس قال لفؤاد تعال دقايق ساقو ومشو للفحوصات كان طلعت فؤاد استلمها وخشى عالدكتور المناوب ، انا قاعده جمب سامح وبهبش في راسو وبسال فيه حاسي بشنو ؟ سامح : حنااان روقي ي بت انا كويس والله
انا : ما انت لو شفت الحاله الكنت فيها كان عذرتني والله سامح : كنت واسي انا تمام خلاص قلنا ، شوفي ديل مشوا وين عشان نطلع
انا : تطلع كيف يعني مافي ليك طلوع مالم يقرر الدكتور منتهي ،قاطع كلامنا فؤاد :سامح السمح الدكتور مصر يستضيفك يوم الليله ده وبطلعك بكرة ان شاءالله شد حيلك عشان تقوم شدييد ، كان بحاول بقدر الامكان يبين انو طبيعي لكن تعابير وشو خانتو كانت وااضحه جداً انو ما بتبشر بخير حتى يس كان متلبك فضلت اعاين ليهم بتساؤل حتى سامح كان متاكد انو فؤاد داسي حاجه فضل يعاين ليه بس وما اتكلم انا : هيي في شنووو؟
فؤاد : في انو لازم ترجعي البيت ي شاطرة ما بتلزمينا بعد ده وبضحك بتنكر واضح شديد
انا : في احلامك ي شاطر انت سوق صحبك واتخارج ما قصرتو اتعبناكم معانا انا هافضل مع سامح
سامح : حنان ما ينفع تبيتي هنا انا هدا كويس خلاص امشي لسمر وبكرة بجيك
انا : بس يا سامح....فؤاد : ما تبسبسي يلا يلا اوصلك واجي
انا : طيب بس ما هامشي الا تاكل حاجه قدامي
سامح : يا لطيييف من عنادك حاضر طيب ، فؤاد : خلاص انزل اشوفلك حاجه خفيفه كده ، فالوكت ده انا جمعت المغرب والعشا مع بعض وفضلت ادعي كتيير لسامح ربنا يحفظو لي من كل شر وما اشوف فيه مكروه ابدا يا رب، فؤاد جابلنا ساندويتشات كللنا اكلت سامح اولا بعد تعب حتى كملو لي مع انو حجمو صغير شديد فؤاد رفض ياكل وكان بستعجلني طلعت بعد اطمنت على سامح وخلينا معاه يس مع انو ما نفسي امشي واخليهو بس اصروا علي، طول الطريق كان متوتر وساكت سالتو انت مالك ؟ قالي مالي
مهدا كويس ، ما اقتنعت لكن سكت خليتو ، وصلت ناس سمر بعد وصفت لفؤاد نزلت ضربت الجرس وهو واقف لي فتح لي عمرو اخوها قالي تاااني جيتينا ي بت انتي مالك معانا لزيتو لجوة واتلفلت لفؤاد شكرتو وخشيت هو جرا قدامي كلم ناس امو سمر اتلقتني مخلوعه في شنوو ، انا : مافي حاجه بس سامح فجأة تعب لحد ما فقد الوعي وفضلت احكيلم لحد اخر لحظه ،
سمر : لا حولا ولا قوة الا بالله الف سلامه ليه ما يشوف شر ان شاءالله
خالتي : حمدالله عسلامتو ي بتي بركه البقى كويس ، انا : تسلموا ان شاءالله ، واسي خليتي كيف ؟ انا : احسن كتير الحمدلله ، خالتي نادت لين ومشت ، لا اراديا دموعي سالت غصبا عني
سمر : مالك ي بت مش بتقولي بقى كويس ؟
انا : اي بس انتي ما شفتي الحاله الجبنا بيها ي سمر لاخر لحظه افتكرت اني فقدتو للابد
جات حضنتني وقالت : قولي بسم الله ما تتفائلي عليه ان شاءالله بكرة ببقى كويس ويرجع احسن من اول ونشوفكم احلى كابلز مكسر الدنيا وهارد فشفاشنا
انا : يا رب ي سمر يا رب ادعيلو ، سمر : ان شاءالله يلا قومي عشان ترتاحي ، انا : طيب بس انا ما دايرة عشا اكلت مع سامح سمر مشت جابت لي عصير ،، فالمشفى بعد ما فؤاد رجع لسامح لقاه منتظرو بفارق الصبر شكر يس وقاليه ارجع البيت ما قصرت معانا والله ودعهم ومشى ، سامح : فؤاد الدكتور قاليك شنوو ؟ فؤاد شال نفسو وما قادر يتكلم ، سامح : الصور فيها شنو ؟
فؤاد : سامح استهدأ بالله الصور دي روتينيه بس بكرة هنمشي نقابل اخصائي كبير ونشوف الحاصل وان شاء الله كل خير ، سامح : يعني احتمال يطلع شكي في محلو ؟ فؤاد : لا ما هيطلع ولا شي انت ارتاح اسي وخليها عالله
سامح : ونعم بالله ونعم بالله ،
انا طول الليل ما نمت وبفكر فيه وفي الحالة الشفتها بيه اخر شي قمت صليت لي ركعتين ودعيت دعيت لمن نمت في مصلايتي ، يعني انا قدر ما احكيلكم قدر شنو انا وسامح مرتبطين ببعض ما بقدر اوصفلكم وما اظن نحن برانا ده الطبيعي بين كل الأخوة امكن نحن مزودنها شويتين ،، من وانا صغيرة كنت متعلقه بسامح شديد امي وابوي ما فاضين لينا من النقاشات ومشاكلم الما بتقيف وشكوك امي الزايده عن حدها كل يوم طالعين لينا بمشكلة جديده كنا عايشين في جحيم اسود يخليك تتمنى الموت أفضل ، وآخر النهاية ابوي ما اتحمل وطلق امي في لحظة غضب بأمر منها ورفضت تمسكنا قالت لابوي ماشي تتصرمح براحتك مش وانا الاضحي ؟ ده في احلامك ي استاذ واولادك ما بفارقوك شبر نحن كنا في الامارات ،خلال يومين ابوي كان جهز لينا للسفر ونزلنا السودان اشترا الشقه دي وباشر في شغلو طوالي بمساعده اصحابو ، اول فترة عدت علينا صعبه جددا جدا الطريقه الانفصلو بيها وسفرنا لقينا نفسنا في بلد جديد وناس جداد مدرسه جديده وحياة مختلفه تماماً عن الكنا عايشنها فراق امي صعب علي انا اكتر لاني كنت صغيرة في تالت في عز حوجتي ليها سامح شويه كده كان اوعى مني ،لكن استوعابو للحاصل ازمو اكتر مني هو الكان حاسي بوجع ابوي ومعاناتو اكتر مني ومعاناتي انا كمان سامح كان لينا الدواء انا وابوي وبحاول يخفف علينا ، ابوي كان طوالي مهموم وبالو مشغول وجاري مع الشغل عشان ما يحوجنا لشي مع انو اهلو اصرو عليه يسكنا معاهم ويشوف حياتو بس هو كان عارف محل راحتنا والطريقه البنتكيف بيها عشان كده فضل انو نستقر برانا وبعيدين منهم، لم افتقد وجود الاخ والاب والأم والصحبه كلهم بلقاهم في سامح اول زول بكون حاضر جمبي في كل حالاتي كان لي تؤام ونعم الاخ ونعم السند وانا بدونو صفر عالشمال ،،، صحيت على صوت سمر وهي بتقولي ي بت نايمه هنا لييه ده شنو قومي فالسرير سالتها الساعه كم ؟ قالت لي سته ونص قومي حيلك يلا ، اتنفضت سريع قلت ليها جيبي تلفونك سرعه تلفوني خليتو فالبيت ،
سمر : طيب هاك قولي بسم الله ي بت براحه ، كنت بحاول استحضر رقم فؤاد بعد تعب اتصلت عليه ورد لي من اول جرس : عليكم السلام
انا : فؤاد معاك حنان سامح كيفو نام كويس ما يكون..... فؤاد : روقي ي بت متين صبحت هي وهو كوييس والله واسي نايم اول من يصحى بخلي يتصل ليك تمام ؟
انا : الحمد لله طيب خلي يرتاح مع السلامه ، فؤاد : يلا سلام ، سمر : خلاص ارتحتي كده
انا : اي الحمدلله هامشي اصلي ، سمر : هههه طيب امشي وبطلي شفقه ، صليت وقعدت اقرا فالقرآن لحد ما سمر نادتني للشاي طلعت صبحت عليهم ولقيت ابوها قاعد سلمت عليه وسالني من سامح قالي همرو قبل امشي السوق ، بعد ساعه كده اتصل فؤاد سمر جابتلي التلفون مش ده الرقم الاتصلتي فيه اسي خطفتو منها اايوة بكون سامح ورديت بلهفه : سامح اصبحت كيف ، سامح : طالما ما اتصبحت بخلقتك معناها كويييس الحمدلله ههههه ، انا : طيب الحمدلله لو عكده ما بخليك تتصبح بي تاني عشان تكون كويس
سامح : ههههه حنونتي زعليتي ؟ والله الصباح ما ليهو طعم بدونك ي جميل ي مدلل
انا : خلاص خلاص بطل بكش المهم خلي بالك من نفسك لحدي ما اشوفك
سامح : عايني ما تجي انا كويس والله ومعاي الشباب وبعدين ساعات وبجي البيت ان شاءالله
انا : سامح ياخ ما ممكن معاك ، سامح : معليش ي حنو عشان خاطري وبعدين قلت ليك معاي الشباب ، انا : طيب خلاص هستناك فالبيت
سامح : اتفقنا وانتبهي لنفسك يلا سلام ، قفلت منو وقلت لسمر انا همشي عشان اجهز البيت ، سمر : خلينا نفطر وامشي معاك
انا : لالا خليك ما تتعبي انا بمشي عشان اشوف هعمل شنو ، سمر : تعب شنو انتي هبله خلاص ارح اسي بمشي معاك ، كلمت امها وكانت مصره استناها تعملي حاجه لسامح الا منعتها وقلت ليها انا بعملو هناك ما بقدر اقعد ، وطلعنا طوالي لقيت مفتاح الشقه عند جارنا تحت قالي جابو صاحب اخوك وسالني منو هيطلع متين قلت ليه اليوم ان شاءالله ، بعد طلعنا سمر بقت تنضف لي وأساسا ما وسخانه شديد وانا دخلت المطبخ عملت ليه حبة نشأ وشوربة وجهزت للفطور ، مشيت لتلفوني ورجعت اتصلت عليهم سامح قالي شوية وبجي معاي ناس ي حنان وافطري ما تنتظريني ، حضرت الاكل وناديت سمر فطرنا وهي بتسال فيني اتصلتي بامك كلمتيها ؟ انا : تفتكري هيفرق معاها ،
سمر : حنان ما تقولي كده انتي ما عارفه ظروفها كيف ، انا : مافي قوة فالدنيا بتمنع ام من انو تشوف اولادها وتطمن عليهم خصوصا انو الاولاد ديل نحن لا معانا كبير ولا سند ، سمر : برضو فالنهاية هي امكم حتى لو ما اتصلت مفروض انتي تتصلي عليها ، انا : خلاص ي سمر كل البهمني حاليا سامح وصحتو ، هزت راسها وسكتت مني ،، سامح بكلامو اقنعني انو كويس في حين انو هو هناك فؤاد ساقو ومشو لدكتور كبير وراه بالحاصل وانو ليه زمن بحس بدوخه وفتور مبالغ فيه ومرات بتجيه حمى نص الليل واعراض تانيه ومتاكد انو عندو حاجه ما ياها ، الدكتور طمنو وعملو كل الفحوصات اللازمه وطلعت مبشرة لحد ما الا فحص واحد قاليه تجي تستلموا بكرة ، للساعه 12 حتى جو والتعب كان باين في وشو جريت حضنتو شديد وهو بضحك فيني قالي هتكبري متين انتي اختشي نحن ما برانا ، انا : والله البيت براك شين خلاص ، سلم عسمر وكفرتلو قالها صحبتك بتشتغلني اساسا زي الزمن ده طبيعي بكون فالشغل ، انا : اي بس انا عارفاك انت مافي الشغل،
سامح : المهم ما بكون متوااجد ، انا : خلاص هس غلطان البشتاقلك ياااخ ، فؤاد بضحك في تشغيلاتنا قالينا هتضيفوني ولا ارجع خشمي مسيخ كده ، سامح : ضيفي الود ده ما يفضحنا ، انا : بسم الله هو ضيف متين كمان اجي ،ههههه خليتم بضحكو ودخلت جبتلم عصير كنت مجهزاه ، فؤاد بعد شرب قال يمشي الشركه وياخد اذن لسامح وسمر كمان قالت ماشه سامح طلب من فؤاد يوصلها في طريقو ودعونا وطلعو ، انا : اها كيف اسي وطلعت براك ولا طلعك الدكتور،
سامح : كويس شدييد الحمدلله وما طلعت براي هاا اي استفسار تاني يا افندم ، انا : هههههه لا يلا تعال اتدوش وارتاح شويه شوف شكلك كانك عيان بالسنين ، طلعت ليه بجامه وخليتو خشى الحمام ، سمعت صوت تلفوني برن وكان المتصل امي 💔
نلقي بإذن الله 👋
