#أتُجازيني_حُباً !؟
.
.
بياضج حيل يغتاض الكطن منه
يبت رب الطفولة و ريحة الجنة..🖤
ً
.
.
عذراء :
خلصنه امتحانات الفصليه و حمدلله وأخيرا اكدر ارجع اناملي ولو يوم واحد مثل العالم و الناس بدون دراسه و كتب 💃
رجعت من الدوام و رأسا بدلت و لفراشي
نمت نومه اخت الجذب من تعبي
مجموع النايمته خلال الامتحانات ما بيه عشر ساعات أبد
وهسه لازم شوي اعوض لان انتهيت بعد .
صبحت ثاني يوم جسمي متشنج 😩
هاي لو انام لدرجه اتكسر ، لو اسهر هم هيج
فتحت التلفون احسب كم ساعه نمت
هاي لازم اسوي هالحركه حتى ارتاح
هممممم مو هواي هي 16 ساعه
شكو هيج تاذيت يعني 😩
كمت غسلت و بدلت ملابسي و نزلت
عذراء .«صباح الخير يمه»
امي (بثينه) .«هلا مامه صباح العافيه»
عذراء .«يعافيج»
امي. «وينج البارحه ولا شفتج»
عذراء. «ههه صعدت متت مو نمت والله»
امي .«موزين هيج يمه»
عذراء. «اعوض السهر السهرته»
أمي .«دروحي كعدي خواتج يلا»
عذراء .«تركيهن ينامن شوي خطيه»
ساعدتها نحضر ريوك وعود اصعدلهن
شوي ونزل ياسر مبدل .«صباح الخير»
اني و أمي .«صباح النور»
نظرتله بتركيز بنص عين
راح عالبراد شرب مي وعينه عليه
ياسر .«بيضيها شبيج»
عذراء .«وين طالع حضرة الدكتور»
ياسر .«رايح لمرتي يا حشريه»
عذراء .«صدك عود جيبها اليوم صار هواي مشايفيها»
ياسر .«هو غير خالج يقبل ، خالفالله عالدوام اللي اشوفها بيه»
امي .«ميخالف يمه ، هاي و خلاها على اسمك مكافيك»
ياسر .«يمي هم يعجبني اكعد وياها نسولف شي شلون يعني شكو خطبتها لعد»
عذراء .«لا تخاف اليوم هي عدنه تجي ، هسه اخابر خالي و ابلغك حتى تجيبها»
ياسر .«وج ما يفيد ، اليوم ابلش بعد بالمستشفى»
عذراء .«غير تتخرج اول»
ياسر .«وج بابه اني الأول منو يطيرني من ايدة»
عذراء .«بدة يتباها ، روح لمرتك يلا خلصت فلوسك»
ياسر .«خبال .. يلا معسلامه يمه»
امي .«الله وياك يمه انتبه على نفسك»
طلع و صعدت للبنات كعدتهن
سراء رأسا كامت على حيلها
بس براء شلعت گلبي يلا كامت
كعدنه تريكنه كلنه و بدينه بالبيت
طول الامتحانات ممنظفين لهذا حزبنه هسه
لمعناه تلمع مفوك ليجوة كنس و مسح و تسعيف
بقه الگراج هذا شغل ياسر بعد تعبنه
سراء راحت عالمطبخ تركب
و براء صعدت غرفتها
صعدت اني هم حفيت و عدلت شكولي
سبحت و تانقت و عطر و مكياج
مدري شكو نزل عليه هالواهس كلش
براء كل شوي تصنف شكل لحد ما صعدت عندي و رحت غرفتي ، صوجي رحت يمها
جذب رحت علمود اخذ من مكياج سراء
بس هاي بزعتني 😒
أنت تقرأ
اتجازيني حبا
Romanceقصه باللهجة العراقيه / عين من الواقع دائما ندعي و ندعي و مرات يوصل بينه الحال نكول انه الله سبحانه ما يستجيب النه بولا دعاء طول السنين و السبب هو قله صبرنه و جور الأيام علينه بس يا ترى فكرنه انه كل هاي الأوجاع نقاسيها حت الله يقدملنه فرحه تمحيهن م...
