اتجازيني حبا

23.

#أتجازيني_حباً؟!
.
.

‏“حقيقتنا التّامة تكمن في الجُزء الذي نخفيه،
في العُمق الذي ليس بوسعِ أحدٍ أن يصلَ إليه.
.
.

عذراء :
الظهر اجتي براق من الدوام رأسا النه
بسرعة تغدينة وتحضرنا ب4 اجوي كرار ولمياء
ورحنا وياهم لبيت ريام

كرار : الله بالخير شلونكم بناتي 😂
الكل : ضحكنة الحمدلله بابا انت شلونك
كرار : ههههههه اكلكم يابة تعرفون تحجون لو تخربون السالفة
براق : اني معلية، مطفيه و جايتكم من الدوام

لمياء : والله اني اطكطك
عذراء : لاتباوعوني حالي حالكم
لمياء : انتي الكبيرة بينا فانتي الي لازم تتولين الامور 😁

عذراء : لا لميا .....
كرار : عذراء هي مابيها شي تدخلون تتعارفون همة يعرفون لمياء واحتمال يعرفوج او شايفيج من العرس ، المهم تتعارفون سالفة منا سالفة منا تكلولهم احنة جايين نطلب القرب منكم ونطلب ايد ريام لابنا كرار وخلص تنتظرون جوابهم وانتو بعد يمكم شوية صبغوني ومدحوني لتقصرون ههههه

لمياء : هو وين اكو مثل اخوية 😍
عذراء : الله يحفظة ، كرار هي مو بهالسهولة ، احنة صغار لازم اكو كبير ويانة لان تصير نظرة عليك انه وين اهلة وشلون ننطي بتنا بهالطريقة
كرار : كملتي ؟
عذراء : اي اسمعك ..

كرار : كلامج على عيني وراسي بس اني الي اسبابي
اولا .. الناس مو غربة ويعرفون اني منو
ثانيا .. انتو مو غريبات خواتي ونسوان اخوتي
عذراء : لا كرار اني منفصلة عن ... ( قاطعها )

كرار : انطيني مجال اكمل ، المهم اختي وياكم مو وحدكم
ثالثا .. مو هينة علية من اخطب وامي مو وياية بس امي مااريدها تحضر لان تخرب الاول والتالي وانتي مو غشيمة عنها وما تريد البنية واهلها

اما انتي تكولين اني منفصلة عن اخوك بالنسبة النا انتي زوجة اخونة واختنا و دنعاملج على هالاساس ومانريد نخسرج مالنا دخل بقيصر اذا فرط بيج ولو هو مغصوب بس اذا انتي ماتريدين قربنا حقج هذا

عذراء: لا لا اموت ولا اعوفكم ( بصوت مخنوك ) انتو اهلي واخوتي لاتفكرون بيوم تبعدون عني
براق : صلو على محمد بلا بجي عذورة
لمياء : شنو هاي رايحين نخطب لو شنو عذورة حبيبة احنة اخوة ومانتفرق ان شالله ، يووو كرار بجيتنا

كرار : ههههه لاتذبوها براسي انتو دمعتكم بطرف عينكم يلا ترة حنوصل عدلو نفسكم رفعوا راسي

جريت كلينس عدلت عيوني من الدموع
كلش اثر بية كلام كرار بحيث حسيت للحظة انه يمكن غلطت وماسمعت كلامهم من طلبو مني مااترك البيت او مااطلب الطلاق
حسسني انه الزرعتة بينهم كل هالسنين هسة حصدتة

حصدت محبتهم ومعزتهم الي وتمسكهم بية وقيمتي عدهم مستحيل الكاها عند غيرهم

و حتى هزيم مجرد ما ياسر رفضة وواجهة بالسواه انسحب وترك تمسكة بية وحبة الجان يحجي بي والهناء والسعادة والحياة المثالية النفخ راسي بيها حت اقبل، بمجرد اول مطب يواجهة ترك كلشي وسافر لاستراليا