اتجازيني حبا

15.

#أتجازيني_حُباً !؟
.
.

ورجعت وي باااارت جديد من بعد غياب 💪
راووني حماسكم للبارت و الأحداث
قراءة ممتعه 🌹
.
.
.

يَا لَيتَها
عِنْد الوداع
تَذكَرت
‏أنَّ الَّذي بَيْنَنَا لا يُهْدَمُ !
.
.

قيصر :
كلام ميامن و اعترافها رجعني لأيام جنت احاول انساها و يمكن هي لو ما وصلت لحال مخطر هم مجان فكرت تحجي ...
جنت محمل نفسي ذنب اللي صار بينه و بينت لعذراء انه اني احبها لميامن و زواجنه لأجل الاطفال اللي هي متكدر تجيبهم واني اعرف جرحتها بعمق لدرجه ما يغفرلي شي مهما كان حتى اعالج هالجرح و آخرها انتهى اللي بينه بالطلاك و خسرتها عمري كله

بس اتضح انه تفكيري غلط و الذنب مو بس اني اللي اتحمله ، ما انكر الي الجزء الأكبر
بس هي هم ذنبها انه اتبعت هالطريق بسبب فلوس و باعت شرفها
مدري شلون اللي مخليها متكدة انه رح اتزوجها
معقول يعني هيج العالم !
حسب كلام ميامن انه غيرتلي العلاج لمخدر مدري شنو بحيث حققت مرادها بسهوله
هي تحجي واني اشد على ايدي لأن ما تستاهل الذنب اللي حملته لنفسي

من صبحت الصبح و وعيت على حالي
و هي هم صحت ، تمسكنت روتلي انه اني اللي جبرتها و صحتها لهنا و اخذت منها بالقوة
بقيت ايام معتكف على نفسي واني افكر شنو اللي رح يكفرلي عن ذنبي هذا
جانت عذراء براسي دائما و افكر شلون لو درت
خليت نفسي بمكانها اكيد مرح اتقبل الموضوع
و ما انكر قنعت نفسي انه هي واعيه و رح تتفهمني
بس ردة فعلها صدمني و الحق وياها

بقيت ايام حالي مگلوب واني بدوامه
باقر جان يمي و يكسر عليه انه مبقه شي و ارجع و رح تتلگاني مرتي لانها تنتظر رجعتي على نار ، و كأنه يزيد عذابي عذاب بكلامه هذا

اول ما رجع حتى يجي كرار بمكانه
عقدت على ميامن ، شفت هذا انسب حل حتى يكفرلي عن غلطي اللي ارتكبته
بس ميامن ثاني يوم العقد بلغتني حامل
و هاي ضربه ثانيه وجهتها الي
طلبت طول التلت اشهر الباقيه ما شوفها
بس آخر جيه لكرار سمعها و عرف

جانت يمي جايه عود دتتطمن عليه
و ما لازم اهملها هي و الطفل بعد ما اخذت منها اللي اريدة و هي جانت تعرف انه هي الرخيصه اللي باعت نفسها بس تقنت الدور المطلوب منها عدل و كرار من سمع تخبل عليه وراسا طلب باقر يجي و هم اجه بنفس اليوم

هواي تاذيت هالفترة لأن لو احجي محد يصدك
لو اكول اني مواعي على هالشي من صار
ممكن انه يحسبون اجذب حتى اغطي فعلتي
سكتت واني مقرر انه لازم اتحمل المسؤوليه
و اقنع نفسي يمكن كلامها صدك واني اللي غلطت
رجعت وهي وياي من بعد عراك وي اخوتي انه ما اخذها لان عذراء تنهار متتحمل
و عقلي جان يردد تحمل غلطك قيصر

لهفه عذراء و رجفه جسمها و حضنها الي من دخلت نزلني لسابع جحيم و ضميري يشتعل
اشوف امي فرحانه لأن انتصرت وخلص كسرتها العذراء و كسرتني وياها بدون ما تحسب عدل