اتجازيني حبا

5.

#أتجازيني_حُباً ؟!
.
.
وصّفتلي النار جنه
ومن گربتلها انچويت 💔
.
.

عذراء :
داومنه و لقائاتنه صدفه خلال الدوام
يا نلتقي من نطلع يا اصلا ما نلتقي
مرات اكعد بالكافتريا بمكاني بعيد عنهم
و هو يجي بس ما نحجي حرف واحد لان ندرس

بلشت اكتشف جانب الثاني من شخصيته
صح هو شاطر و رزن
بس عندة سوالف تعجب يعني مستحيل اسويها واني كبيرة لان فشله

ياسر بلغني انه بعد تثبت بالمستشفى
و صعب يوصلني دائما للجامعه لان ياخذ خفريات
بابه كالي نسجل خط لان اكيد كاظم وي ياسر
بس هزيم سافر من عرف نخطبت
وهذا الاحسن خل يروح حتى ينساني هناك

داومنه أسبوع متبهذلين اني و براق
حتى واثق مموجود يعني حت وياه مثلا
و سراء هم حالها مو احسن مني
بس مدبرة نفسها حاليا وي سماح

تالي كتله لقيصر عالاقل يشوفلنه احد
من فتهم مقبل و كال هو يوصلنه
اخذنه اسبوعين و بلش عدهم التطبيق
و رجعت الدوخه و الحيرة من جديد

مرة فاجئنه باقر اجه علينه هو وصلنه
إله نفس ما سمعناله كله ساكت
يجيه اتصال يحجي وياهم إنكليزي
و ماشالله لبلبان بيه

مرة تأخرت براق مطلعت رأسا
و هو يمكن مستعجل لأن كل شوي ينظر للساعه
تالي خابرتها كالت تطول 😰
من كتله صار بركان مال عصبيه
صعدنه و رحنه للجامعه

باقر : عذراء خابري صديقتج تجي لهنا ، عندي محاضرة بس اختمها و نطلع ما طول هواي

عذراء : تمام

رسلتلها تجي و اني شابعه احراج
لازم ابلغ ياسر نشوف خط
ميصير هيج يتبهذل بسببنه وهو عندة ارتباطات
تركني بغرفته و راح لمحاضرته

نص ساعة و إجت براق معصبه
دكتلي دليتها إجت موجرة هاي

عذراء : عزة شبيج
براق : هذا الدكتور الحيوان تحداني بتقرير 😭
عذراء : وجع عبالي شي
براق : وج منين اجيبله حالات اني
عذراء : بلغي كاظم هو يشوفلج

كعدت و تحجي عن الدكتور تفرفح
ساعه تهدئ و ساعه تعد و تصف عليه ولا سكتت

فجأة نفتح الباب دخل
رأسا خنست و كطعت سالفتها
فتح دولابه خله اغراضه و شال السويج و النظارة

باقر : اذا خلصتي تغريد نطلع بعد
عذراء : باقر روح انت للبيت احنه ندبر روحنه
باقر : جان هسه انتو بالبيت لو ما متاخرة الست

براق : لا تحكم من كيفك ما شفت ذاك العجوز شسوة بيه فرفحني
باقر : صدكي الجامعه كلها عرفت لان صوتج جان اذاعه العراق
براق : عزة عزاني
عذراء : ههه وج امشي

طلعنه وياه صادفته استاذة
عرفها عليه مرت اخوه و تجاهل براق
طلعنه للبيت و هم رجع ساكت
مدري ليش هيج يسكت
يعني اني ما اكدر ابقه احوص ما استحمل