اتجازيني حبا

14.

#أتجازيني_حُباً ؟!
.
.

أحيانًا يكون خطأك الوحيد هو الاندفاع في البدايات، في الافتراضات المُطلقة، وسرعة الخطوات المؤذية 💔🍃

[جانب جديد شوي بهالبارت ، رح يكشف جزء من سبب فعل قيصر .. قراءة ممتعه]

عذراء :
بعد مرور شهر كملنة كل الاجراءات وبحثنة عن محامية شاطرة بهالمجال
كلش تعاطفت وياية وبشرتني خير وباقي الامور تمت بينها وبين بابا يكملوها مالي نفس أتابع وياهم واني نفسي هيج مكسورة

ابوية : بابا عذراء المحامية اليوم اتصلت علية وكالت اليوم دزو تبليغ المحكمة لقيصر وموعد الجلسة بعد ١٠ ايام ان شالله
عذراء : اي خير ان شالله

تركته و صعدت لغرفتي بقيت انظر لنفسي بالمراية حسيت بداخلي انكسار قوي ، انفجار براكين ، اني بدوامة ... عمري ماتخيلت نوصل لهالمرحلة اني وقيصر عالحب العاش بينا وطريقتنا واسلوبنا وية بعضنا من الاشارات نفهم بعضنا ، جنت متخيله يرجع بعافيته و نعوض بعضنه عن هالسنين و نكمل سوة

ليش .....!!؟؟؟؟؟؟؟ ليش ؟؟؟؟😭😭
بجيت و بجيت لحد ما حسيت نفسي ارتاحيت شوي مسحت دموعي وكلت (( وعسى ان تكرهوا شيئا وهوخير لكم )) الحمدلله ربي .. لا اعتراض على حكمك الآهي ، شعندي غير الصبر يعني !!!!!؟
طلعت من غرفتي نزلت جوة ماما بالمطبخ دتحضر للعشة و براء يمها تكتب

عذراء : سلام ، ها ماما شدتسوين ؟
امي : وعليكم، دااحضر العشى ، روحي ماما روحي ارتاحي اني ماعندي شي اشتغل براحتي
عذراء : لا مرتاحة اني هم ماعندي شي كلت التهي وياج
امي : اي هلا بيج ، لعد مدام عرضتي خدماتج سويلنة بيذنجانية ولو تبولة لو كول سلو والمهم سوي شكلين
عذراء : اي تدللين حسويهن كلهن
امي : كيفج حبيبتي
براء : اييي فدوة لايدج عذورة اليوم نحتفل بيج
عذراء : ههه حياتي تدللون شعندي غيركم بعد
.
.

بلشت احضر المواد وبديت بالمقبلات كلش احب التحضير والطبخ واتفنن بي
كملت وكمل العشى وتعشينا وسوالف وضحك اني احاول اندمج وياهم و ماابين على نفسي ووجهي متضايقة ومقهورة بس مبين علية الي صارلي مو قليل
زينب و ياسر و براء يحاولون يلطفون الجو بكل جهدهم .. هم هم وياي ما قصروا

كملنة وكفينة السفرة وغسلنة الماعين اني و براء ، زينب كعدت يمنه نسولف عن دوامها و غيرة ياسر وياها 😂

كملت و الكل راح لغرفته اني هم رحت لغرفتي سمعت موبايلي يدك وهدىء لمن اشوف اسم قيصر 😳
شيريد متصل فتحت الموبايل لكيت اتصالات هواية ورسائل قريتهن (( عذراء جاوبيني فدوة تعبان ))
ورجع اتصل فتحت خط واسمع تنهيدات وصوت تعبان من صدك

قيصر : عذرا ، عذرا ، لا تغلقين الخط بس سمعينييي ........ عذرا اني مريض تمرضت على فراكج ، عذرا وصلني تبليغ المحكمة اليوم شلني والله عذرا ماعندي حيل اوكف على رجلي 😭😭 عذرا لا تتركيني لا تتركيني وج اطلك ميامن وانتي لا ، لا تقسين هيج