بعد مرور يومين على حادث شهد في الشركه
يجلس اسر بجواره عمر وأحمد وادهم الاصدقاء الاربعه يتناولون القهوة معا
عمر : هنروح فرح يوسف
احمد: لسه يا ابني شهر وبتجهز من الوقتي
ادهم : انا من رايي نعمله مفاجأة
احمد : زي اي مثلا
عمر : عن نفسي هعطيله تزاكر شهر العسل هديه
ادهم : طب اي رايكم. نجهز له شهر العسل وكل واحد فينا مسؤول عن حاجه
احمد : حجز الحفلات والخروجات والفندق مسؤوليتي
ادهم : اي حاجه خاصه بالسفر والعربيه والطياره مسؤوله مني
عمر : فكره وحشه جدا
ادهم : ليه
عمر : انا واسر هنعمل اي
احمد : اي حاجه تانيه
ادهم : هو الاستاذ اسر معانا اصلا
عمر : اسر
اسر : نعم
عمر : مالك
اسر : تعبان شويه
عمر : سلامتك تحب اروح.ترتاج
اسر : لا التعب في البيت اصلا
ادهم : ليه كده
اسر : بعدين
احمد : اسر هتجيب اي ليوسف
اسر : في بيت المفروض بيجهز له ده هديه الجواز بتاعته
احمد : والڤيلا اللي هو بيجهزها دي
اسر : فيها اي الاتنين موجودين وبعدين واحده هتبقي هنا والتانيه في الغردقه وهو مش هيقعد فيها على طول هتبقي زي ترفيه كده
عمر : فكره حلوه خلاص هجيب له عربيه
احمد : واحنا
عمر بضحك : لا انتوا خليكوا بقي في شهر العسل
ادهم : طولنا اوي والشغل
احمد : النهارده اجازه اي رايكم نطلع ونجيب يوسف معانا ونلف شويه
ادهم : محدش كلم جاسر بقالي شهر معرفش عنه حاجه
احمد : كان قايل هيجي يحضر فرح يوسف
عمر : مظنش أنه هيرجع وكمان مقلش حاجه لينا
ادهم : يمكن مفاجأة
احمد : ممكن
عمر : طب يا ادهم هتيجي معانا ولا هتروح لخطيبتك
ادهم : لا هاجي
عمر : طب يلا قوموا
ادهم : اسر
اسر : نعم
ادهم : ايه مش جاي ولا اي
احمد : هيجي طبعا روحو انتوا غيروا وجهزوا نفسكم والحاجة واحنا هنخلص ونيجي
ادهم : ماشي
ذهب الاصدقاء معا للصيد
اسر : احمد
احمد : نعم
اسر : ارجع تاني
احمد : احنا وصلنا خلاص
اسر : مليش مزاج للصيد
عمر : انت بتهزر
اسر : لا
ادهم : كمل طريقك يا احمد محدش هيرجع
اسر : ادهم
ادهم : في حاجه
اسر : مليش مزاج اروح
ادهم : لا ما هو مفيش حاجه اسمها مليش مزاج بعد ما وصلنا جاي تقول ارجع وبعدين احنا اصحابك يعني اي حاجه تزعلك تزعلنا
اسر بنفاذ صبر : ماشي يا ادهم اعمل اللي انت عايزه
عمر : مالك يا اسر
اسر : مفيش
يوسف : لا ازاي مفيش يعني احنا راحين سوا نقضي وقت وانت مزاجك وحش
اسر : معلش يا يوسف
يوسف : بس
اسر : ممكن محدش يوجه ليا اي سؤال
صمت الجميع دون أن يتحدثوا فقط ينظرون لأسر بترقب
احمد : وصلنا حد عايز حاجه من هنا
اسر : انا هنزل اتمشي شويه
احمد هركن ونتمشي سوا
نزل اسر ولحق به احمد وتمشوا معا
احمد : انت قلقان عليها ليه
اسر : مين
احمد : شهد
اسر : مين قالك اني قلقان
احمد : باين عليك من يوم ما هي مشت
اسر : فاهم غلط على فكره
احمد : اي الصح
اسر : احمد متتكلمش في موضوع مش ليه وجود
احمد : طب قلقان ليه
اسر : عشان هنا
احمد : مالها
اسر : مش قلت هقولك بعدين
احمد : طب وشهد
اسر : مالها استاذه شهد
احمد : ريم حاولت كتير توصلها بس تليفونها مقفول ومش في البيت
اسر : اكيد زعلانه وبتغير جو
احمد : تمام
اسر بتوجس : طب وانت سالت ريم امتي ولي
احمد بتوتر : عادي يعني
اسر بضحكه جانبيه : مالك وشك قلب الوان كده اكنك مخبي حاجه
احمد : لا ابدا هخبي اي يعني
اسر : مش عارف انت اللي مخبي مش انا
دقائق وهاتف احمد يعلن عن اتصال احدهم
نظر احمد الي الهاتف ثم الي اسر بتوتر
اسر بابتسامة : انا هجيب قهوه خلص وتعالي
احمد : هههههههه ماشي
ذهب اسر ليحضر كوب قهوه وبم يمر الكثير لياتي احمد
اسر : مطولتش يعني
احمد بملل: دي ريم كانت بتكلمني عن شهد
اسر : هههههههه انت كنت مستنيها تكلمك عن حد تاني ولا اي
احمد ببرود: اسكت قالت لي شهد عند حد قريبها
اسر: كويس
ثم توجه الاثنين بعد الانتهاء من كوب القهوه حيث الجميع وقضي الجميع أسبوعا رائعا من الفرح والسعادة والمغامره وعادوا الي بيوتهم
دخل اسر من باب الڤيلا وجد هنا بانتظاره احتضنته وتناولوا العشاء معا وذهب الي غرفته ليستريح
ولاكنه وجد هاتفه يرن
عمر : اسر
اسر : ايوه
عمر : جاسر وصل وكلمني
اسر : هو فين
عمر : مش عارف هو بس عرفني انه موجود
اسر : طب كويس
عمر : شكله هيحضر فرح يوسف
اسر : هيفرح يوسف اوي
عمر : اه جدا
اسر : تمام انا هنام بكره نشوفه
عمر : ماشي تصبح على خير
اسر : وانت من اهل الخير
اغلق اسر الهاتف واستسلم لنومه فهو مجهد كثيرا
لتمر الايام عاد الجميع الي روتينهم اليومي
قبل حفل زفاف يوسف
يهاتف اسر احدهم
اسر : جاسر انت فين
جاسر : روحوا انتوا عشان هاجي انا وخطيبتي
اسر : هي وصلت
جاسر : وصلت امبارح وصممت تحضر الفرح وانا اصلا عايز اعرفها عليكم
اسر : مستنينكم بقي
جاسر : ماشي مع السلامه
اغلق اسر الهاتف ونظر الي اصدقائه ببرود
اسر : هيجي هو وخطيبته
عمر : مش مستريح للوضع
احمد : ليه بس
عمر : اصل خطيبته مسافره ومتجيش معاه وهو راجع
لا ورجعت وعايزه تحضر فرح يوسف وضع غريب شويه
احمد : لا عادي
ادهم : متكبرش الموضوع يا عمر ما صدقنا جاسر حب واحده بعد ميرا الله يرحمها
عمر : مقلتش حاجه
اسر : يلا يا ادهم سوق ونتكلم في الطريق
ظل نقاش بين الأصدقاء حتي وصلوا
نزل الجميع من السياره
ادهم : علي فين يا احمد
احمد : عايز اشوف يوسف
ادهم : ماشي هنروح احنا الفندق
احمد : ماشي
ذهب احمد الي حيث غرفه سليم فهما في نفس الفندق الذي سيقام فيه حفل زفاف يوسف
احمد : يوسف
يوسف : وصلتوا امتي
احمد احتضنه : لسه حالا
يوسف : طب تعالي
احمد : كنت عايزك تسال ملك على حاجه
يوسف : ملك
احمد : اه
يوسف : في اي
احمد: مش عايزك تكلم اي حد الموضوع ده بيننا
يوسف : اتكلم يا احمد عيب
احمد : عايزك تسال ملك عن شهد
يوسف بصدمه : شهد عامله حادثه من شهر
احمد : انت بتقول اي
يوسف : زي ما بقولك حتي ملك متعرفش
احمد : انت عرفت منين
يوسف : المفروض كنت رايح اجيب شهد عشان ملك مش هتقدر تروح تجيبها وفي نفس الوقت مش هينفع شهد تيجي لوحدها
احمد : ايوه وبعدين
يوسف : رحت خبطت كتير وملقتش حد سالت جارتها قالت لي البقاء لله
احمد : انت بتقول اي يا يوسف شهد ماتت
يوسف : انا مرضتش اقول لملك عشان مكنتش متوقع رده فعلها
احمد : ماتت ازاي
يوسف : جارتها قالت إنها عملت حادثه ولما جارتها عرفت راحت المستشفى كانت ماتت
احمد : انت بتهزر
يوسف : بس انت بتسال ليه
احمد : اسر لو عرف هيروح فيها
يوسف : اسر هيعرف منين وبعدين يروح فيها لي في اي فهمني
احمد : اسر بيحب شهد تقريبا وسأل عليها وسألنا صاحبتها ريم اللي راحت البيت بس ملقتهاش هناك وبعدين كلمتني عرفت اسر أنها عند حد قريبها لأنك كنت شايف حالته واحنا راحين نصطاد ف قولت اكدب ومقولش الحقيقة
يوسف : بس هي ماتت وحرام تعلقه بسراب لازم على الأقل يعرف
احمد : هنقوله بس مش الوقتي
يوسف : ايوه طب يلا نروح
احمد : بس انت مفكرتش ملك اختك هتعمل اي
يوسف : انا قايل لها انها مسافره وممكن ترجع على الفرح
احمد : ربنا يستر
يوسف : يا رب بس انت متاكد ان اسر بيحب شهد
احمد : الصراحه لا هو بس تصرفاته غريبه معاها وكمان من يوم ما مشت وهو مش علي بعضه
يوسف : المفروض أن كده بيحبها
احمد : لا يمكن هو بيحبها ومعترفش بينه وبين نفسه
يوسف بتوجس : هنشوف يا رب يكون تحليلك لمشاعره غلط
احمد : يا رب
