دائما في حياتك بيكون في زول مختلف عن الكل يمكن تكون بترتاح ليهو اكتر من اي زول في حياتك بي اختصار هو نصفك الثاني🤞 ________________لما كنت صغير كنت طفل شرير نوعا ما😂لكن ما من النوع البدق شفع الناس بلا أسباب .لالا بس كان عندي حب التملك يعني اي حاجه اشوفه عند طفل تاني في عمري بحب تكون حقتي واشيله منو ..ومرة مرة كده كنت بكسر الالعاب حقتي وحفت غيري..😎 ومنفسن على طول وأخلاقي ضيقة ..كنت عامل لي شفع الروضة فلم رعب ... بخافو مني خوف لمن مبالغ فيهو عديل😅في بنت جارنا كدا المهم معاي كدا سوا يعني من قمنا مع بعض🤝اها البنت دي بيتهم فاتح على بيتنا طوالي هي من النوع البترفع شعرها عشان تشوف عيونا😉وهي لا سمراء شديد ولا بيضاء شديد لون وسط كده ونضيف😉كان بدوها جنيه كااامل للمدرسة ونحن الجنيه دي بنمشي بيهو الروضة تلاتة ايام عديل🐸المهم بعد ما ادقها واشيل نص قروشها 😂بعد دا كلو ما بترضى تلعب مع غيري بنمشي الروضة سوا وبنجي سوا...اسمها إيثار 🌚 قرينا لأساس مع بعض بقينا اصحاب شديد لي درجة كدا مافي زول بقدر يتخيلا..وهي سمحه وما فيها كلمه طبعا😂وانا شكلي مقبول ولوني أسمر مايل للخضرة😁ناس بيتنا كلهم عارفين وناس بيتهم برضو🌚النهار كلو نحن مع بعض بنتونس وبنضحك سوا والله ما مقصرين من بعض نهائي 😢و مع بعض في الحارة والباردة صداقتنا ماشة تمام🌚 لكن حصلت الحاجه الما كنا منتبهين ليها واصلا ماف زول مفتكر انو الصداقة بتودي للحب_و حبينا بعض لما بقينا في الثانوي?________________?المهم انا مازن قاعد مع أمي وابوي واخواني الاتنين💞اخوي الكبير وانا بعديهو والاصغر مني اختي 😗لطيف اخوي دا صعب لمن غلط دقاني كم مرة بي سبب إيثار دي😂 بيقول لي ما تمشي معاها تاني بقول ليهو حاضر تاني ما بمشي معاها✋بكرة يلقاني ماشي معاها المدرسة وجايين مع بعض...في النهاية قنع خلاني على كيفي✊يوم قاعد اذاكر في درس الرياضيات لانو بكرة عندي امتحان 😧لكن اشتقت ليها شديد وكان لازم اتكلم معاها إضافة على أنو انا ما شفتها غير الليلة😭طلعت تلفون امي من الدرج وانا قاعد ..أتلفت ما لقيت زول طوالي فتحتو واتصلته عليها طوالي...
يتبع....
