سرحته بي الشباك والعربية ماشه وديل شكلهم فترو من العقده اي واحد فيهم نام من شده المسافة ما بعيدة😂واخييرا وصلنا البيت واول ما جينا داخلين ضيفونا في ورقدنا علشان نرتاح من التعب . و بعد المغرب كدا ركبو الصيوان وجابو السماعات للحفلة وكدا🌚كنت جايب معاي قميص وبنطلون وجزمه (لبسه كامله) رسلته لي خالتي من مصر😍طلعتهم وختيتهم في السرير ودخلته استحميت وجيت طالع لقيت اللبسه مافيشه😲قلبت الغرفة فوق تحت برضو مافيشين سألت الاء(بنت عمي .اخت العريس) قالت لي ما شافتم😢معقولة اخش الحمام بس وملابسي يتسرقو😢زعلته طوالي الاء قالت لي اجيب ليك من ملابس عمر لبسه احضر بيها الحفلة احتمال الشال الحاجات دي يرجعهم ليك بعد ما الحفلة تخلص.قلته ليها ما داير أحضر اي حفلة 😧المهم عندكم ناموسيات🐸قالت لي اي في ليه داير بيهم شنو؟؟اصلا نحن بايتين هنا مافي طريقة للرجوع عايز اطلع أقرب سرير عايز امشي انوم😑الاء ضحكت ماتت ضحك قالت لي خلاص كويس😂المهم مشيت اتجدعته في السرير زعلان والحفلة بدت انا خلاص أعصابي باظت قلته يا مازن ما ممكن معاك تقطع المسافات دي كلها في النهاية تجي تنوم بلا فائدة😢قمته صلحته اللبسه الجيت بيها و قلته امشي اقيف خلف الكواليس وأقعد اتفرج😂أمنية الحيوانة لبست ومشت🌚?طلعته برا وخشيت الصيوان قاعد ورا هنااك لقيت لي كرسي قاعد ساي قعدته فيهو.والحفلة ماشة تسخن والاولاد اي واحد بقول للتاني اقعد هنا وانا المسكين ملابسي اتسرقت قبل الحفلة تبدا😂واثنا ما انا مندمج مع الفنان وقاعد أغني حسيت بي الصيوان قاعد يتشرط اتلفته ورا لقيت واحد وراي ماسك سكين وبيشرط في الصيوان بعد شويه الحفلة جاطت جو داخلين ناس شايلين صواطير الأمة دي جاطت وانا بي اقرب شارع لفيت جاااري 😂اتاريهم ساكين واحد جا جاري قدامي بي سرعة 180كيلو بس أتلفت اسمع ليك صوت واحد شابكني يا ولد اقيف😂بالله قولة اقيف دي جريت بي أسرع ما عندي قال لي والله افلقك بي الصاطور دا😡 طوالي وقفته جمب اقرب حيطه جو كلهم حاوطوني وانا تحت صغيير مقارنة بي أحجام الناس ديل إضافة على إنو انا قصير وهم طوال😂جا واحد وقف قدامي وقال لي الزول الكان جاري داك مشى بي وين😡خشمي اتشله وما قادر أفتح خشمي ،تاني سألني يا ولد الزول دا جرا بي وين افتح خشمك دا😡وجهته اصبعي على الشارع طوييل.😂واحد فيهم قال ليهو معناتا جرا بي جاي ،،كلهم فاتو خلوني طوالي قعدته في الارض من الخلعه والخوفه الدخلت فيني💔وانا ماشي وما واعي وغالبني المشي قابلني باب قدامي قمته دقيتو كم مرة من شده الخوف جا فتح لي واحده كدا عامله شعرها بوب ..لما شافنتي بي الوضع دا قالت لي خير!! البركة فيكم المات منو كمان😢قلته ليها خليني امشي بيتنا😢قالت لي انت منو وجاي من وين؟؟ قلته ليها جو ناس شايلين سواطير وخربو الحفلة قالت لي شنو؟؟قفلت الباب في وشي طوالي انا تاني قعدته في الواطة 😭تاني قلته يا مازن لازم تمشي البيت مسكته السكة ومشيت لقيت الصيوان مشلع وما في ولا زول..?دخلته البيت براحه لقيت ناموسيتي قاعدة وأمي وامنية نايمين جريت سريري لصقتو مع سرير امي. و نمته😂?من أذان الصبح قمته صليت ومشيت صحيت امي قلته ليها ارح بيتنا..قالت لي يا ولد إنت حيوان وله شنو ارجع نوم?😡المهم بقيت صاحي للصباح وناس امي صحو طوالي لبسنا وطلعنا...وايحنا في الطريق....
يتبع...
