?ا بقيت قاعد وخايف دي مصيبة شنو الأنا وقعت فيها دي😑الليلة معناها لطيف بقتلني... وانا نايم في زول جر مني البطانية فتحت عيوني لقيت لطيف قدامي..تاني اتغطيت و سمعت صوتو قال لي قوم يا حيوان طلعت راسي برا قال لي امشي غسل وشك وصلي وتعال نتفاهم.. مشيت الحمام بكييييت😭صليت وجيت وقفت بعيد منو قال لي اقعد في الكرسي دا قعدته قال لي توريني البنت الكنت بتتكلم معاها دي ولا استخدم معاك اسلوب تاني..ما عرفت اقول شنو ولا أقول دي منو..قال لي اتكلم افتح خشمك ده قلت ليهو لطيف إنت ما فاهم الحكاية 😭عاينت ليهو لقيتو بيعاين لي بي طرف عينو..اها هو منو عشان ما أقوم افتح التلفون دا واتصل ليها واشوف فهمه شنو..وانا ساكت ساااي مد لي التلفون قال لي افتحو .. فتحتو طوالي اتصل لي اخر رقم في السجل والحمد لله التلفون مرا بديهو خارج نطاق التغطية ومرا مقفول..زهج قال لي شوف يا مازن إنت كبير وما محتاج يدقوك. خليك واعي✋وانا داير مصلحتك ولو هي جاده وعايزاك خليها تحدد مواعيد مع ابوها .كلمه ولو انتو عايزين بعض واهله رفضو انا بقيف معاكم لحدي ما اعقد ليكم ✋على كدا مرق وخلاني قاعد محتار وبسترجع في كلامو دا ولقيت إنو هو كلامو صح .النهار كلو قاعد أفكر كيف أقدر افتح الموضوع دا لي امل ؟وهل هي جاده في موضوع اللارتباط دا؟؟ ما قدرت استنتج حاجة في النهاية قلت خلاص افتح ليها الموضوع 😤اتصلت ليها المغرب قلت ليها إنتي وين قالت لي انا جيت يادوب من الشغل وهسي انا في غرفتي إن شاء الله خير؟؟ انا عايز اشوفك عندي معاك موضوع مهم لازم نتلاقى.قالت لي خلاص كدي بعد نص ساعة كدا وانا بوريك نمشي وين..قفلت منها وطوالي مشيت لي سليمان🌚وكالعادةلقيتو قاعد بتكلم بي التلفون أشر لي نظام تعال اقعد.قفل الخط قال لي امسيت كيف.قلته ليهو انا تمام.سليمان إنت ما بتزهج من قعدة البيت دي ؟؟دايما بجي بلقاك قاعد في غرفتك..قال ياخ اعمل شنو متعود على قعدة البيت.طيب ارح نطلع بعدين انا وإنت و..اختك😁قالت لي ظابط انا بلبس وبجيك فوق نمشي ليها سوا قلته ليها طيب مشيت لبست سليمان جاني ✊أمنية طوالي جات قالت انا ماشة معاكم سليمان قال ليها طيب البسي علشان نطلع لبست وطلعنا اتصلت لي امل قلت ليها نحن جاهزين ارح نمش.?سليمان طلع العربية وامل ركبت قدام وانا أمنية قعدنا ورا مشينا منتزه كدا . وصلنا ودخلنا قعدنا طوالي في ولد كدا جا سلم علينا أمنية قالت لينا استاذنكم يا جماعة..فتحتهخشمي قعدتا اعاين فيهم الاتنين من الصدمةقلت ليها على وين😲قالت لي ما بتاخر.وسليمان اتصل لي خطيبتو جات وساقا بي العربية.بقينا انا وامل بقينا ما عارفين نقول شنو ونحن قاعدين قدام بعض.قالت لي امسيت كيف؟؟قلت ليها تمام😊امبارح قفلت الخط في وشي مالك ؟؟ قلت ليها اضطريت اعمل كدا قالت لي ما فهمته قصدك.امبارح قبضوني بي الثابتة وانا بتكلم معاك. ضحكت قالت لي القبضك منو اخوك وله أبوك.قلته ليها لطيف القبضني🌚ان شاء الله ما سألك بس.قلت ليهه لالا لكن..سمعني كلام كتير..قال ليك شنو؟؟ حكيت ليها الحاصل كلللو ✋قالت لي يعني هو عايزك تتقدم؟؟قلت ليها اي هو قال كدا .وانت راييك شنو إنت لسا ما اديتني جواب على انو نحن نرتبط.قلت ليها بعد الحصل امبارح دا ح يكون جوابي شنو يعني.قالت لي انا عن نفسي ما عندي مانع بس عندي شوية تجهيزات لسا من انتهيت منها..قلت بي قلبي معناها خلاص الأمور ظبطت😍قلت ليها هي شنو كمان؟؟ اول شي انا تحتك بي سنه وما كملنا قرايتنا.قلت ليها اي صح.طيب تمام.ياخ ما تشيلي هم الموضوع دا منتهي خليهو علي وانا بتصرف.😊قالت لي ارح المطعم داك نأكل لينا حاجة .قلته ليها انا اكلته ما عايز والله✋قالت لي خلاص تمام يا زول بعرفك بتخجل من الأكل في المحلات العامة.. شلت التلفون واتصلت علي أمنية قلت وين إنتي😒قالت لي قريبة نجي نمشي؟؟اي تعالي سريع..قفلت منها واتصلت لي سليمان قل لي اها الحاصل شنو؟قلت ليهو انت وين؟؟قال لي نحن في شارع الستين لا حولااا تعال سريع لانو لطيف لو اتاخرنا اكتر من كدا بتصل لينا 😑قال لي انتو امشو وانا يجي مع براي بي العربية تمام .قفلت منو وقلت لي امل ارح نمشي ما عايز اخد محاضرة تانية من لطيف الليلة.أمنية جات وركبنا العربية وطول المسافة انا قاعدة اعاين في أمنية وأفكر جابت الود دا من وين وهي يوم ما حكت لي عنو😒كمان بقت تدس علي.وصلنا البيت وامل وقفت العربية
يتبع...
