قلته ليها اكل؟؟قالت لي اي سهام قالت هي بتحب العصيدة والكسرة والحاجات البلديه دي عشان كده قلته اعمل ليهم..جيت قعدته معاهم هي وامنيهوشلت منهم البصل قطعتو وهم عملو الملاح والعصيدة جهزنا الصينية ونزلنا تحت..نادينا ناس سلبمان وقعدنا عشان نأكل امل جات داخله جوا قالت يا سلاام ياخ الاكل البلدي ده الليله من وين 😍الطبخا لينا منو؟؟قالو ليها دي خالتك حنان تعالي 😊غسلت يدينا وجات قعدت.واكلنا.. ودخلت معانا العده بعد ما خلصنا مشيت أغسل يدي في الماسورة وهي زاته كانت عايزة تغسل يدها..قالت لي على فكرة طبيخكم حلو .قلته ليها تسلمي 😊طلعته مشيت فوق لقيت أمنية قاعدة تزاكر شلته تلفوني من الشحن دخلته الفيس لقيت منشور من منشورات امل في الفيس منزله صورته والاولاد شغالين بكا شديد😂 علقتهه قلته ليها شيييينه 😂وقفلته على كدا و نمت وصحاني صوت التلفون وصلتني رسائل جديده فتحتو لقيت ردود كتيرة على تعليقى انا زاتي اتخلعته..طبعا الردم جاني من الاولاد و البنات الخفيفات وفي منهم شابكني يخسي عليك اسي البت دا شينه يا شين انت🌚وفي منهم الشابكني يا وهمي شين انت..قمته حسمته الفوضى دي كلها وحزفته تعليقي وانا شغال اضحك 😂دخلته الخاص لقيت رسالة من امل قالت لي على فكرة شين انت🌚قلته ليها الجابك الخاص عندي شنو💔قالت لي اكتر تعليق لفت انتباهي تعليقك لكن شكرا على الانتقاد والما بتقدر تلحقو جدعو👏قلته ليها يلا أقطعي وشك بلا لمة معاك😂قفلته الشبكة ورجعته تلفوني في الشاحن طبعا انا ما خاشي الفيس بي اسمي الحقيقي داخل بي اسم تامر حسني وخاتي صورتو 😂بعاين بي الشباك شايف امل قاعدة في الجنينة سرحااانه 😑بتكون لسا زعلانه من كلامي 😑عندنا عرس بكرة عرس ود عمي زاتو ألهو قال داير البيت عشان داير يعرس..قلته لي امي انا ما ماشي قالت لي تقعد براك يعني ؟؟كلنا ماشين مافي طريقة إلا تمشي معانا😑قعدته بيني وبين نفسي قلته يا ولد بدل القعاد الساي أخير ليك تمشي عشان تغير جو😧انا وأمنية جهزنا ملابسنا من بليل الصباح امي عملت الفنكوش والفشار وانا وامنية جهزنا حالنا😂طلعنا مشينا بيت عمي .ومنها ماشين علي الزفه عند بيت العروس وفي الحقيقة بيت العروس بعييييد😂
يتبع...
