سليمان مشى اتقدم ليها امبارح وناس بيتهم كانو مبسوطين شديد بي الأخص امل..انا زاتي مبسوط ليهو قالو الخطوبة يوم الجمعة😊قلت لي سليمان نمشي السوق اشتري لي نفسي ملابس للجامعة🌚قال لي نمشي السوق العربي ؟ بس ياهو زاتو ملابسو سمحة.المهم لبسنا وطلعنا مشينا السوق لينا ساعتين حايمين في النهاية اشترينا شنطة وتشيرت بس..قلته ليهو انا جعان نخش لينا أقرب كافتيريا نأكل اي حاجة..خشينا الكافتيريا وطلبنا أكل.. تلفوني ضرب لما رفعتو لقيت المتصل امل😁رديت قالت لي كيف تمام.قلت ليها تمام .يا زول انت وين في الجوطة دي في السوق العربي ولا شنو؟؟قلت ليها عرفتي كيف؟قال تلي من صوت الكافتيريا دي عصير مركز بي خمسة جنيه الشاورما بي خمسة جنيه😂تعال هنا إنت جيت الخرطوم هنا متين.. اتذكرته انا قلته ليها انو انا ساكن ام روابة.قلته ليها انا في السوق العربي بتاع ام روابة..سليمان بقى بعاين لي قال لي ام روابة؟؟قاعدة تتكلم مع منو؟؟ امل قالت لي صوت الولد ده ما غريب على ده منو يا على؟؟سليمان قال لي يا مازن اقفل ياخ الاكل ح يبرد...قفلته الخط في وشها وتاني اتصلت من الخوفة قفلته التلفون.نفسياتي قفلت ما قدرته أكمل أكل زاتو..المهم كملنا لف واشترينا باقي الملابس وجينا البيت راجعين.طوالي خشيت الشقه وما طلعته تاني نهائي ولا فتحته التلفون ابدا.. الصباح من شدةما متعود علي الفيس فتحته التلفون طوالي جاتني مكالمة من امل😲رديت قالت لي صباح الخير بي مسااخة كدا قلت ليها صباح النور.قالت لي مازن انزل تحت و تعال الجنينة سريع عايزاك ضروري لو سمحت..بقيت افكر في إني أواجه امل كيف واتفاهم معاها كيف..المهم اتوكلته و نزلته وانامتوتر وكيف اقنعه انو انا كنت بهظر معاها وانو اسم على ده اخترعتو ساي. وصلته الجنينة ووقفته قدامه وانا ما قادر أخت عيني في عينه..?قالت لي كذبت علي لي شنو؟؟ سكته سااي😢قالت لي بتكلم معاك انا .قلته ليها امل السر إنتي فاهمه الحكاية غلط دقيقة اشرح ليك الحصل..انت قاصد تلعب بي ؟؟ من البداية كان تصارحني يا مازن😢 انا والله ما كنت مفتكر الحكاية ح تتطور للدرجة دي اقسم بالله ..عموما انا آسف 😑الإعتذار ما يغير شي يا مازن كل حاجة اتغيرت بعد ما عرفتك على هيئة على تاني مافي شي ح يكون طبيعي😤طبعا انا زعلت من نفسي علي الحركة البايخة الأنا عملتها دي..وامل زعلانه مني حتى لمن القاها في البيت صدفة بتغير طريقة بي سببي😭الصباح نضفت مع امي ورتبنا البيت وامنية غسلت العدة و شلنا الملابس الوسخانة وديناها الغسالة وغسالنها..انتهيت من الغسيل ودخلت الغرفه اخدته لي نومة ما صحيت إلا على صوت تلفوني ولقيت الرقم غريبب بيتصل ..رديت قال لي وووين يا ميزو المختفي الكعب..قلت ليهو اهلين كيف تمام👋تماام والله وشنو يا كلب ما بتسأل مننا ولا عندكم بينا شغلة الحاصل شنو؟قلت ليهو معليش بس ما عرفتك انت منو؟؟معقولة بس يا فردة معاك محمد🙋♂️. محمد؟ ياخ محمد سعد..قمت من السرير عشان استوعب الحاصل قلت ليهو محمد اوو دفعه.الليلة طلعت لي من وين .والله يامازن اتذكرناكم فجاءة وفتشنا الرقم ودقينا ليكم المهم كيفك انت وكيف امنيه..بخير الحمدلله .المهم يا زول عرسي بكرة معزومين تعالو عليكم الله.قلت ليهو شنو؟داير تعرس😲اي داير اعرس رويدا..انت لسه متواصل مع رويدا لي يوم الليلة.اي والله مشيت اتقدمت ووافقو باركت ليهو واستغربته زول في العمر ده حيعرس قلته ليهو خلاص بنجي يا زول ما عندك مشكله وقفلته منو😑 وانا بضحك أمنية جات داخلة قالت لي يا ولد بتضحك براك مالك .قلت ليها تعالي اسمعي النكتة دي.قالت لي اها ضحكني معاك..تخيل محمد سعد قال عايز يعرس..?أمنية وقعت في الكرسي من الضحك 😂محمد الكنت بتدقو كل يوم وتكفتو يا مازن داير يعرس؟؟طبعا دي حاجة فوق للخيال.المهم قعدت اتذكر ايامي مع اصحابي الزمان . ياخي محمد دا ياما دقيتو بي سبب ايثار.كان عامل فيها يحبها ..تاني يوم انا وأمنية لبسنا ومشينا العرس طبعا ما قاعدين لي نهاية الحفلة ولا شي💔كفاية المأساة و المحن الحصلت لي في الحفلة الفاتت..قعدنا ولقيت دفعتي كلهم هناك في منهم العرس وعندو عيال..والخلى القراية وبقى شغال والنزل الجامعة والخلى القراية نهائي..قعدنا اتونسنا كداا أمنية بقت تلفت فبني قلته ليها ماليك😑قالت لي عايني البنت الحلبيه الهناك بتعاين ليك من قبيل...
يتبع...
