بقيت أدق في الباب جات ملاذ(اخت إيثار) فتحتو قامت عاينت للحاجات وعاينت لي قالت لي دا شنو دا يا مازن😲قلته ليها شوفي لو في حاجة ناقصة كلميني عشان ارجعا ليكم✋دقيقة إنت مالك زعلان كدا الحاصل شنو؟؟قلته ليها اسألي والدتيك ولو سمحتي نادي لي إيثار😤إيثار جات طالعة عاينت للحاجات تحت قال لي دا شنو دا ؟؟قلته ليها زي ما إنتي شايفة دي الحاجات والهدايا الجبتيها لي من عرفتيك لحدي اللحظة دي علشان خلاص انا ما دايريك انتهينا✋ قالت لي مازن فهميني اسي البخليك تجيب الحاجات ديل راجعات شنو والسبب شنو ؟؟ قلته ليها اسئلي والدتيك بتجاوبك على سؤاليك دا..مشيت منها علي بيتنا ودخلته أمنية قالت لي مالك يا ود عيونك ديل مالهم حمر كدا..قلته ليها مافي شي عموما لو في زول دق الباب ما تفتحيهو تمام😑ليه ما افتحو في شنو؟؟ ما اشتغلت بيها كتير خشيت الغرفه بقيت ما فاهم شي وانا زعلان على الحصل.. معناها حلمي ما حيتحقق إنو انا أتزوج إيثار😢سامع صوت الباب بيدق أمنية جات قالت لي امشي افتحو؟؟قلته ليها اوعيك 😡الليلة امي كان سمعت صوت الباب حتمشي تفتحو هي.. مشيت فتحتو لقيته دي إيثار قالت لي دايرة اتكلم معاك ضروري اطلع لو سمحتة..إيثار للاسف الموضوع انتهى مافي شي نتكلم عليهو😥لزتني لي جوة وقفلت الباب قالت لي انا دايرة افهم امي قالت ليك شنو عشان تتكلم معاي بي الطريقة دي.. يا إيثار ألوالدة قالت علينا عبيد ونحن ما من مستواكم😧 قالت لي ودا ما سبب يخلينا تقرر براك انو ننفصل.. مازن انا حتى الآن ما مصدقة إنو نحن اتخطبنا و حنختم علاقتنا بي الزواج ما تخربو عشان موضوع تافه زي دا😢تافه؟إنتي شايفة انو تافه مش؟؟ لالا والله ..يا إيثار كرامتنا فوق كل شي وعموما انسيني✋مسكت يدي وقالت لي عاين في عيوني وقول كلامك دا..إيثار بالله عليكي خلي يدي 😢 مازن انت حكايتك شنو ؟في كل مرة انت بتغلط وانا البعتزر وبتنهى العلاقة براك.. وانا البرجعا بتزعل بلا أسباب وبرضو بجي أعتذر .وريني انت عايز شنو؟؟ إيثار الحكاية ما زي ما إنتي متصورة الوالده بي صراحة ما شايفاني بستاهليك ابدا وبكرة لو اتزوجنا ما حتكون راضية والمشاكل حتكتر علينا عشان كدا من هسي أي زول فينا يمشى في طريق😭 فكت يدي وفتحت الباب قالت لي خليك فاكر انو ايحنا لسه ما انفصلنا هسي انت روق والكلام دا حنعيدو على رواق .قلته ليها قبل ما تمشي ما تعشمي على رجعة يا إيثار 😢مشت قفلت الباب اتلفتت وراي أمنية قالت لي الحكاية شنو يا مازن ؟؟ خليت إيثار يعني😲😲 إنتي شايفة شنو؟...يتبع...
