حكاية صابرين (كرونيك جزائري بقلمي) مكتملة

فصل 1

سلام أحبائي
ماشا نبدى الكرونيك ادا كاين تفاعل نكمل
........
نضت جسمي كامل يوجع فيا حسبي الله ونعم الوكيل لي كان السبة فهاد الشيئ، ترددت ننزل لتحت نفطر معاهم ولا حتى يخرج خالي ، صايي نلبس نوجد روحي مين يخرجو نمشي نقرا ونشري حاجة ناكلها وخلاص
قبل ما نكملو نعرفكم بروحي اسمي صابرينة 19سنة سنة ثانية طب عايشة فدار جدي تاع ماما مع جدي وجدتي وزوج خوالي واحد وليد متزوج عنده 35 سنة وعنده ولد في عمره 4 سنين وخالي وحداخر اسمه يوسف عنده 30 سنةحتى هو متزوج وماعندهش لولاد ، بابا ميت الله يرحمه فقدت كل شيئ كي راح هو، ماما تزوجت ونساتني نشوفها غي فالاعياد
دار جدي يكرهوني خاطرش هوما مكانوش قابلين ماما تتزوج بابا وجايتهم انا كيما البلوة والمصيبة الي انحطت عليها عالة عليهم كي شغل
وانا كلما كبرت قلبي تعمر حقد وكره وهداك الكره هوا الطاقة لي تخليني نواصل بسبته قريت ودرت ميدسين وان شاء الله نخرج من هاد الدار ومنستعرف حتى بواحد فيهم وندير اسمي ونعيش حياتي هدا حلمي لي نسعى باش نحققه
انا ماجايا سمراء ماجيا بلوندا عينيا نوازات شعري قهوي طويل عند خصري ولا اي تاعي شابة بصح انا حيجابيست نلبس ليروب حمد الله مالغري واحد معلمني واحد مارباني عشت وياما شفت ليالي ظلما بصح ربي داني لطريق الصح ومافسدتش
..........
خرجت الخمسة مالجامعة  مشيت نجري للبيس مالحقتهش
ياربي واش هاد النهار خفت بزاف دركا خاصني نمشي لآري بعيدة شويا ونركب والحال شويا بعيد باش نوصل نورمال مو ندير 40 دقيقة دركا ماشية ندير ساعة و20 دقيقة ماتتخلعوش ايه نحسب الوقت من كتر لي ظاغطين عليا غير باش يكرهولي حياتي ويلقاولي سبايب
وصلت وانا مصباح ندعي اللهم ثبتهم أماكنهم اللهم ثبتهم أماكنهم اللهم اجعل غضبهم سلاما وبرودة عليا مثلما جعلت النار سلاما وبرودة على ابراهيم هاد الدعاء عطاتهولي أستاذة الله يذكرها بالخير هيا لي وراتني طريق الصح
دخلت لقيت جدي خوالي مجمعين فصالا يتقهوو معا لي شافوني جدي يبدأ يعيط عليا يالفر... رواحي لهنا كي حاسبة الحالات سايبة هنا
انا : يا جدي والله مالحقت البيس وال. ماخلاني نكمل وعطاني كف حتى ودنيا صفرو ا وحسيت بالدوخة وزيد من الصباح ماكليتش ماكانش باقيلي دراهم بزاف فَقاله خالي ريح به انا نحاسبها دوك
شدني من خماري يطلع فيا معا الدرج وانا نبكي حرام عليكم واش ديرو فيا حسبي الله ونعم الوكيل فيكم وهوا يقولي باغيا تبهدلي ببابا بعد ما كبر ياك كنت عارف بلي غادي تجبلنا العار منهار دخلتي عنا يا وجه الشرّ
دخلني للبيت ونحا الحزام تاعه وبدأ يضرب فيا بلا رحمة تقول كليتله رزقه هو يضرب ويعاير وانا نبكي 😭😭