حكاية صابرين (كرونيك جزائري بقلمي) مكتملة

فصل 2

حلقة 2 💖😘 : :
دوك راكو عارفين حياتي كيفاش تتمشى، وانا نصبر في وكلما قلبي تعمر كلما زدت قريت
كي كمل وعيا خرج انا نضت بسياس باش منتوجعش دموعي يطيحو رحت لفراشي تغطيت وبقيت نبكي بلا صوت من كتر الغصة لي كانت فيا مقاديتش ياربي ماقاديتش علاش انا يصرالي هاك واش درت في حياتي كل يوم ظلم وضرب علاش يا ماما علاش علاش والله مانسمحلك ياماما يا ماما علاااااش يابابا مت وخليتني علاش
قعدت كيم هاك بلا نحس رقدت
ونضت كيما كل يوم جسمي يوجع فيا بصح هديك الليلة حسيتها القشة التي قسمت ظهر البعير صايي عييت وكرهت نزيد نتحمل، فشلت حتى الكره لي كان يمشيني حسيت قلبي برد
دوشت بالما بارد رغم لي شتا علابالي كون مانديرش هاك نسوفري بالوجع تاع الضرب الله يخلفهالش ان شاء الله هداك يوسف
شفت روحي فالمرايا كلش زرق كحل ما قاداش نتحرك من كثر الضرب ماخلاش بلاصة فيا حتا يديا زراقو كنت نحمي روحي بيديا تما بكيت بكيت لحتا خرج قلبي
لبست وهبطت نروح نقرا لقيت وليد خالي لكبير زادلي بكف حتا هو قالي باش هادي تفكرك باش ما تعاوديهاش
وجداتي تشوف غير من بعيد مادخلش روحها ماعلبالهاش كامل
... رحت للجامعة تلاقيت صحبتي حكيتلها فرغت قلبي وهي والله مانلقى كيفها دايمن معاونتني مورالمو وتاني تسلفلي دراهم كي ميكونش عندي
فاتو ليامات وانا ولات الضحكة خاطيني وخاطيها وليت كي الآلة من القراية لبيتي من بيتي لقراية
حتى معا شويا شويا حسيت البرودة ديك جاتني بدات تنقص ووليت نحكي مع صحاباتي عادي
حتا لوحد النهار كان خاصنا نديرو فورماسيو تاع التمريض إجبارية ف النظام الجديد تاع الميدسين بصح نديروها في آلجي وانا نسكن في تلمسان وخاصنا نبقاو سيمانة
دركا البروبلام كيفاش نخليهم يقبلو باه نمشي نقبل اي حاجة الا التنازلات على قرايتي نمشي بسيييف عليهم