حكاية صابرين (كرونيك جزائري بقلمي) مكتملة

فصل 11 النهاية

حليت عينيا لقيت لقيت جدي مجمع عند راسي ويلعبلي بشعري كي شافني بلي نضت
قالي علاه يابنتي علاه قاع هاك ماش دايرا فيا ثقة
نضت شديتله يده نسلم عليها قتله حاشا ياجدي بصح ما كنتش باغيا نتقل عليكم
قالي جدي هاك غبنتيني كتر يابنتي تعذبي روحك وتعذبيني معاك وتعذبي باباك في قبرك
جيت نهدر قاطعني قالي مكانش هدرة دركا انا نهدر ونتي تسمعي
دخل ادم شاف فيا نايضة جا عندي باسني من راسي قالي ماتزيديش تخوفينا عليك عطاني دوا والماكلة
وقالي نحكيلهم
المهم حكيتلهم ادم تنارفا بزااف
خرج وخلاني مع جدي، جدي ردلي الضحكة في وجهي بلحكايات تاوعه بصح كنت مقلقة علا ادم
سوايع ودخل
ماشافوش فيا قاع مشا عند جدي ديركت قاله جدي نقولك حاجة هدرنا من قبل بصح نعاودو بغى نخطب من عندك صابرينة على سنة الله ورسوله
جدي ضحك شغل كان علاباله ماشي يديرها
انا نخلغت وحمارييت وليت طوماطيشة
جدي قرب عندي وقالي بنتي واش رايك فنهدا يستاهل وحدة كما نتي نعطيه بنتي ولا مانعطيهش
انا نزلت راسي وضحكت ايا جدي دار عند ادم وقاله ايا مبروك عليكم
ادم ضحك وقاله بصح ماننسالكش بلي بعتني يا جدي
انا : ما نقدوش خالي هو الوصي عليا مستحيل يقبل
انا تما قلت معنديش الزهر حتا فحاجة منقدش نفرح
ادم : شكون فيهم
قتله وليد قاَلي خليها عليا جبد التليفون صونا لأصحابه تاع تلمسان ومشاو عطاوه طريحة تاع كلاب وسيف عليه يسينيي بلي جدي وصي عليا وجابلي الورقة
ادم ولا كل شيئ في حياتي جامي دالي حقي كاش واحد هو دخل حياتي ووليت بيه قوية
المهم مشينا لآلجي بدلت جامعتي
عاود جا خطبني ادم منعند جدي فحضور عماتي واعمامي هبلوه باش عطاوه وعيلته فرحو بيا
مانكدبش عليكم ماحسيتش بنقص ماما بدلتني وسمحت فيا نبدلها بالغالي
عاندي عايلة بابا ربي يخليهملي وجامي نسمحلها ولا نولي نحكي معاها عادي هادي هي الدنيا خدم تلقا
هيا خلاتهم يشوفوني الويل حتا انا ننساها وخلاص
....
المهم تفاهمنا نفوت الريزيدانا ونتزوجو
ادم رحل وخلاني نسكن مع جدي خاطرش ماجاياش
تفاهمنا بصح ماصبرناش السانكيام اني درت العرس وليوم ني نحكيلكم حكايتي وانا عروسة وآدم هو حياتي ربي يحفظهولي نسيت نقلكم مشينا لقبر بابا وحكيتله ماشين نتزوجو كانت المرة لولا نشوف قبر بابا ربي يرحمه
ماما مازدش شفتها وما عرضتهاش خليها تعيش حياتها مع راجلها وولادها
غادي انا وآدم نعيشو مع جدي حبيبي مانخليواهش وحده
.....
باسني ادم من راسي وخرجني من لاصال كملنا العرس وماشين شهر عسل في اسطنبول البلاد لي نعشق فيها
عيشو حياة مليئة بالحب ولي يصبر يدي ماتمشيش للطريق لحرام، دنيا هاكاك وماشي عادلة ربي يعدل بينا يوم القيامه خاطرش خوالي مازال مندموش وعايشين عادي وهاكا الدنيا
لافامي تاع الاب ماشي دايمن أشرار صافيو النية
واتهلاو فالاقارب تاعكم 💖💖💖