حكاية صابرين (كرونيك جزائري بقلمي) مكتملة

فصل 8

جا آدم وكنت ماشية نتلاقه بالتخبية مالدار
تلاقيته سلمت عليه
هو : صابرين cv شويا كيراكي
:CV hmdulah اك شايف قرايا وستاج
المهم حكينا وسقسيته علا لافامي وكامل
آدم : صابرين توحشتك والله توحشتك
انا حشمت وجهي حمار ماعرفت ما نقول
آدم : شوفي صابرين ملول عجبتيني بصح عطيتك. فرصة تعرفيني وتعرفي عقليتي قبل ما نحكي معاك وانا واحد خاطيني اللعب والتمسخير حاجة نكون باغيها ندير كل شي باش نديها انسان عملي وعلابالك ني عاجبك، نطلب منك حاجة تعطيني فرصة نبينلك بلي صح ني باغيك ونحترمك ومنبعد ادا ماحبيتيش يبقا بيناتنا الدم ختي وبنت عمي بصح عطيني فرصة صابرينة الله يحفظك قولي شي حاجة ما تبقيش ساكتة
شفت فيه يسنا واش ماشي نقوله وانا ميتة بالحشومة مرة لولا نخلي واحد يحكي معايا هاك
انا : آدم، تنهدت وكملت انا مانقدش نوعدك حتا بحاجة انا الهدف تاعي واولويتي هي قرايتي ومنكدبش عليك صح راك عاجبني وبزاف نتا بدلتلي النظرة لي ك، نت دايرتها علا الرجال نتا صح ناس ملاح بصح
آدم : ماتقوليش بصح والله يا صابرينة معزتك كبيرة عندي والله ماندري حاجة تجرحك عطيني فرصة ماتقوليش بصح ولا لا، ونزيدك حاجة قبل ماني نحكي معاك هاد الهدرة هدرت مع جدي وديت منه الكلمة تاعه قتله باغيها
انا شفت فيه مخلوعة وفرحانة فنفس الوقت عاودت هودت راسي نضحك وحشمانة
هو ضحك وقالي نعتبرها ايه هادي، هزيت راسي بايه
ايا هو ضحك وقالي نوعدك ماتندميش وهاكا ولينا كيفكيف
حسيته بلي ولا عندي سند نتكل عليه
جبد دراهم من جيبه جا حاب يعطيهملي قتله هادي مانتفاهموش عليها، ياك قتلك مانديش منعندك دراهمك
آدم : رغم الهدرة الخاوية تاعك هادي جرحتني ومنبعد نتفاهكو عليها بصح هادو ماشي دراهمي جدي بعتهملك ومانقدش نردهمله ولا ماكيش باغية هاكي صونيله وقوليهاله في وجهه
تنهدت ايا عطاهملي
ووصلني لقريب الدار
....
دخلت سمعت حس ماما عندنا فالدار دخلت عندهم لقيت نسا خوالي مجمعين حدا ماما قلتلهم سلام عليكم ماسلمتش عليها غير من بعيد كيراكي لاباس
وجيت ماشية علقت صاكي وطلعت لبيتي
ماما كلمة ماما كانت العاهة في شخصيتي فوحد الوقت دركا ماوليتش لا نبغيها لا نكرها مراهقة تاعي كاملة وانا نتعذب نلومها ونكرهها منبعد نحن ليها ونقول علاش ماتعملنيش كيما الأمهات
بصح درك نورمال بلاك خاطرش ماوالفتنيش بزاف ولا نفكرها في بابا ولا راجلها يغير ويقولها ماتحكيش معاها ما علاباليش بيها، امي بالاسم برك
......
نزلت نتعشا لقيتهم تعشاو وماخلاولي والو شغل ماش عايشة معاهم فالدار ومجمعين فالصالة يقصروا
جيت ماشية حتا نسمع خالي يعيطلي شفت فيه لقيت مرته حداه عرفت بلي حرشاته فيا ماعلاباليش واش درتلهم انا مي قولولي لي ماتقيمهش ماماه ولافامي تاعه يقيموه البرانيين
خالي وليد : ماتحشميش صغيرة متفهميش فالأصول
تخلي مرت خالك لامياء دير الشغل وتغسل الماعن وهي بالحمل
شفت فيه عاود شفت في ماما تتفرج وساكتة
قوتله : نتوما تفهمو الأصول ياك وزيد هداك العشا انا ماكليتهش باش نغسل الماعن
ماما عيطت عليا : بلعيه هدري مع خالك بشويا واحتارميه
جيت نرد لقيت الغصة حاكمتني ماقاديتش كون نحكي كلمه نولي نبكي
قالها خالي خليها دوك نربيها
قربلي شدني من شعري وجرجرني للكوزينة عطاني بكف وقالي دوك منا ساعة نلقا الكوزينة تشعل سمعتي زاد ضربني وقالي وتزيدي ترفعي صوتك عليا
نحرقك ، وحدة تاع كف هنا ماش مربية
ومشا وخلاني
واه انا مش مربية علاش شكون رباني بديت نغسل ودموعي يطيحو مانيش باغية ناكل طريحة يشوفني آدم مبعد مزرقة
سما ماما هاك ديريلي قدام خوتي الصغار وقدامهم كاملين تخليه يضربني نعيا نقول خليها تعيش حياتها وماعلاباليش بيها بصح والله تغيضني
تغيضني فقلبي بزاف
كملت هادوك الماعن فيسع ومسحت دموعي طلعت نجري لشومبرتي بلعت الباب وجمعت نبكي كيما موالفة حسبي الله ونعم الوكيل فيها
والله مانسمحلها يجي نهار وين يردهالها ربي
سمعت تليفون يصوني عرفته آدم منقدش نرد عليه دركا مانيش مليحة ومانيش من النوع لي يشكي للناس خلاص نخلي كل شيئ في قلبي
.....