حكاية صابرين (كرونيك جزائري بقلمي) مكتملة

فصل 3

حلقة 3💖😘
جام فالحلقات لبنات ❤️
رحت لدار وريحت مبعد نزلت فوقت لعشا باش نجبدلهم على السيجي وانا نرجف نعيا نقول منخافش منهم مي الله غالب
جمعنا تعشينا وهوما مش مقيميني خلاص
كي كملنا جدي جا نايض لغيتله وقتله جدي باغيا نقلك حاجة قتله بالخف كلشي مرة وحدة قالي شحال تقعدو قتله سيمانه قالي روحي  طريق السد ان شا الله متولييش
انا تشوكيت كيفاش قبل بهاد السهولة، بصح خوالي ناضو يعرشو  كيفاش هادي تمشي لا ماتمشيش
تروحي تما تعطيها للعب وتجي هادي مكانش عندنا
جدي دارلهم وقالهم قلت كلمة ما نعودهاش
انا كي شفت جدي راح نضت نجري هربت من خوالي وانا ما شيا نطير بالفرحة اي حاجة تتعلق بقريتي تفرحني، هادي شحال ما فرحت هاك عيطت لصحبتي بشرى  قتلها وفرحت معايا، كونا بالجمعة وبالحد نروحو ان شاء الله ديك ليلة رقدت وانا فرحانة مرة لولا ندخلو للبلوك، اي يا ربي حمد لله
......
وجدت كابة صغيرة درت فيها لبستي وشويا كتبا باش نريفيزي تما شويا وتصويرة تاع بابا حياتي
جامي تخطيني هاد لافوطو
نزلت لتحت قتلهم تبقاو على خير  ماداوهاش فيا و يوسف كان يشوف فيا خزرة تاع الشياطين الله يستر جسمي اترعد من الخوف
جيت خارجة تفكرت الكتمان نسيتهم وليت طلعت نجري نجيبهم حتا نسمع الباب تبلع درت لقيته يوسف، انا تماك عرفت جامي فرحتي تكمل، تلعبيها ماتسمعيش الهدرة وديري رايك ياك ماجيتكش انا،
انا : روح خرج هاد القوة والعقدة لي عندك في مرتك لواه ولا غي انا تستقوى عليا
تما ضربني كف باش يلحقه واحداخر ويزيد يضرب يضرب كي كمل خرج وخبط الباب انا رفدت روحي وكابتي وخرجت نتمشى ونبكي مين قربت للبلاصا لي نركبو فيها مسحت دموعي واكتبت اسمي ودرت كيتمان وركبت فبلاصة لولا كامل باش مانسمع ما نشوف حتا واحد 🌺