بعد فقدان الذاكرة

الحب الاول

يقال ان الحب الاول لا ينسى ،،
هل يستطيع الحب الثاني محو الحب الاول
ام هل تستطيع المواقف محو ذلك الحب

محمد - رن نقالي،  ، هاي ريام، ،، غلست، ، رجعت اتصلت مره ثانيه، ،   الو

ريام، ، هلو محمد شلونك

محمد - الحمد لله

ريام - شبيك مبين تعبان صوتك متغير

محمد - اي والله تعبان

ريام - سولفلي شبيك

محمد - شسولفلج  هواي تعبان و ضايج

ارادة - سمعتة يحجي وياها

محمد - اكلج ريام انه تعبان بعدين احجي وياج

ريام - اوك ع راحتك

محمد - اراده سمعيني هاي ...

❤️ الي تحبها من طرف واحد

* لا تفهمين غلط بس خلي اسولفلج

❤️ ما اريد اسمع

* لا تعاندين، ، هاي ريام ،، هي اتصلت عليه و انه بصراحه شاك بيهة و رديت عليها بس حته اكشفها اذا هي او لا

❤️ و تكعد تشكيلها همومك

* ما شكيت الها شي و لا راح اسوي و هي ماضي و نتهى

❤️ يعني انت چنت تحبها  و كل الي صار وياي بسببها
انه شنو ذنبي يصيرركب هذا وياي بسبب حبيبتك

*  ذنبج لان حبيتج ،، ذنبج لان هسه انه وياج مو وياها
ارادة راح احجيلج كل قصتي وياها

❤️ بس انه ما اريد اسمع

* لا تعانديني، ،، قبل خمس سنوات چنت احبها  بس هية ما چانت تبادلني المشاعر، ، بعد فتره حاولت احجي وياها و نتواصل
بقينه فترة ع هذا الحال و هي و همتني انو تحبني و عدها نفس المشاعر تجاهي ،،  بعد سنه من علاقتنا ...

كلتلي انو هيه ما تحبني و هيه مرتبطه بشخص ثاني
ولد چان عندة محل ملابس چبير يعني عنده فلوس هواي و هو حلو ،، تعرفت عليه و حبتة  و صار بينهم علاقه  و ع اساس يجي يخطبها ،،

و لهذا السبب قطعت علاقتنا ،،  و كسرت گلبي و خانتني 💔 و انه  چنت اعشقها بحيث ما اباوع ع وحده غيرها
ولا كدرت احب اي شخص بعدها ،، و ضليت ما اثق بالبنات
و لا حتة انتبة الهن ،، چان اكو هواي بنات بالجامعة يردن يتقربلي ،، بس انه ما اريد ارتبط و لا احب ،،

قصتي وياها خلتني اتعقد و اكره كلمة حب و حتة اكرهها
لان تركتني رغم حبي الجبير الها ،، بس هسه بعد ما تركها حبيبها حاولت تتقرب مني و تعيد علاقتنا، ، بس انه ما اريد ارجع الها، ،

ارادة انه نسيت كل مشاعري تجاهة و مستحيل ترجع !

❤️ طيب ليش تحجي وياها